រាជធានីភ្នំពេញ ៖ ឃាតកវ័យក្មេងឈ្មោះហ៊ុល សំណាង ភេទប្រុសអាយុ ១៦ឆ្នាំ បានសារភាពថា ខ្លួនគេបានរៀបចំគម្រោងប្លន់សម្លា.ប់មិត្តស្រីជាមិត្តរួមថ្នាក់ទី១២ របស់ខ្លួនចំនួន២នាក់ ដោយរឹតកជនរងគ្រោះ នឹងខ្សែរហូតដល់ដាច់ខ្យល់ស្លា.ប់
រាជធានីភ្នំពេញ ៖ ឃាតកវ័យក្មេងឈ្មោះហ៊ុល សំណាង ភេទប្រុសអាយុ ១៦ឆ្នាំ បានសារភាពថា ខ្លួនគេបានរៀបចំគម្រោងប្លន់សម្លាប់មិត្តស្រីជាមិត្តរួមថ្នាក់ទី១២ របស់ខ្លួនចំនួន២នាក់ ដោយរឹតកជនរងគ្រោះ នឹងខ្សែរហូតដល់ដាច់ខ្យល់ស្លាប់ បន្ទាប់ពីរូបគេបានជិះម៉ូតូរបស់ជនរងគ្រោះឌុបទៅកាន់កន្លែងស្ងាត់ក្នុងដីឡូទំនេរមួយ ស្ថិតក្នុងសង្កាត់ក្រាំងធ្នង់ ខណ្ឌពោធិ៍សែនជ័យ ក្នុងឆ្នាំ២០១៣ ។ ជនរងគ្រោះម្នាក់ឈ្មោះ វ៉ន លក្ខិណា ភេទស្រី អាយុ១៩ឆ្នាំ និងម្នាក់ទៀតឈ្មោះជួប ស្រីលក្ខណ៍ ភេទស្រី អាយុ១៦ឆ្នាំ (ជនរងគ្រោះជាបងប្អូនជីដូនមួយនឹងគ្នា) ។
ការឆ្លើយបំភ្លឺរបស់ជនជាប់ចោទជាឃាតកវ័យក្មេងខាងលើ បានធ្វើឡើងក្នុងបន្ទប់សវនាការសាលាឧទ្ធរណ៍កាលពីថ្ងៃទី២៦ ខែវិច្ឆិកា ឆ្នាំ២០១៤ ដោយមានវត្តមានចៅក្រមជំនុំជម្រះលោក ភូ ពៅស៊ុន និងព្រះរាជអាជ្ញាលោក ង៉ែត សារ៉ាត់ ។ បន្ទាប់សវនាការចៅក្រមសាលាឧទ្ធរណ៍បានពន្យារពេលប្រកាសសាលដីកាគ្រោងទៅធ្វើថ្ងៃទី១២ ខែធ្នូ ខាងមុន ។
គួររំលឹកថា អំពើឃាតកម្មគិតទុកជាមុននេះ បានកើតឡើងកាលពីថ្ងៃទី២២ ខែកក្កដា ឆ្នាំ២០១៣ រយៈពេលពីរថ្ងៃបន្ទាប់មកគឺនៅថ្ងៃទី២៤ ខែកក្កដា ឆ្នាំ២០១៣ ទើបសមត្ថកិច្ចរកឃើញសពជនរងគ្រោះ បន្ទាប់មកនៅថ្ងៃទី២៧ ខែកក្កដា ឆ្នាំ២០១៣ ទើបសមត្ថកិច្ចចាប់ខ្លួនឈ្មោះហ៊ុល សំណាង និងឈ្មោះផន សារ៉ុម ។ សាលាដំបូងរាជធានីភ្នំពេញកាលពីថ្ងៃទី២៦ កុម្ភៈ ឆ្នាំ២០១៤ បានលើកយកសំណុំរឿងករណីសម្លាប់សិស្សសាលាស្រីចំនួន២នាក់ យកទៅទម្លាក់ចោលក្នុងដីឡូមួយកន្លែងកាលពីឆ្នាំ២០១៣ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ