ខេត្តពោធិ៍សាត់ ៖ បុរសម្នាក់បានប្រើល្បិចដើរបោកស្រាបៀរតាមដេប៉ូ ប៉ុន្តែអស់លក្ខណ៍ត្រូវសមត្ថកិច្ចឃាត់ខ្លួន បន្ទាប់ពីឆបោកស្រាបៀរកម្ពុជា កាលពីរសៀលថ្ងៃទី២៨ វិច្ឆិកា ២០១៣ នៅផ្សារពោធិ៍សាត់។
ខេត្តពោធិ៍សាត់ ៖ បុរសម្នាក់បានប្រើល្បិចដើរបោកស្រាបៀរតាមដេប៉ូ ប៉ុន្តែអស់លក្ខណ៍ត្រូវសមត្ថកិច្ចឃាត់ខ្លួន បន្ទាប់ពីឆបោកស្រាបៀរកម្ពុជា កាលពីរសៀលថ្ងៃទី២៨ វិច្ឆិកា ២០១៣ នៅផ្សារពោធិ៍សាត់។
បុរសដែលឃាត់ខ្លួននេះឈ្មោះលី រិទ្ធិ ភេទប្រុស អាយុ២៧ឆ្នាំ មានទីលំនៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ អតីតជាប្រធានផ្នែកគ្រប់គ្រងស្រាបៀរ Anchor នៅខេត្តពោធិ៍សាត់។
លោកវរសេនីយ៍ត្រីឈន រិទ្ធី អធិការនគរបាលក្រុងពោធិ៍សាត់បានឱ្យដឹងថា បុរសនេះត្រូវបានឃាត់ខ្លួន បន្ទាប់ពីស្ត្រីឈ្មោះចាន់ ផាវី អាយុ៤៨ឆ្នាំ ជាម្ចាស់ដេប៉ូស្រាបៀរកម្ពុជាផ្សារពោធិ៍សាត់រាយការណ៍មកថា កាលពីរសៀលថ្ងៃទី២៨ វិច្ឆិកា ឈ្មោះរិទ្ធិនេះ បានទៅជាវស្រាបៀរកម្ពុជារបស់គាត់ចំនួន១១៤កេស ថាយកទៅរៀបចំពិធីអាពាហ៍ពិពាហ៍នៅភូមិវត្តពោធិ៍ ឃុំអន្លង់វិល ស្រុកកណ្តៀង ។ ពេលដឹកយកទៅមិនឃើញរោងការទេ គេឱ្យទុកនៅផ្ទះប្រជាពលរដ្ឋម្នាក់ក្បែរនោះ ដោយប្រាប់ថា ថ្ងៃស្អែកទើបគេសង់រោងការ ខណៈនោះអ្នកដឹកជញ្ជូនស្រាបៀរក៏បានសុំធៀបការមើល តែប្រាប់ថាអស់ហើយ ដោយមានការសង្ស័យក៏ដឹកស្រាបៀរយកមកដេប៉ូវិញ ហើយរាយការណ៍ទៅនគរបាលក្រុងភ្លាមៗ។
លោកអធិការបន្តទៀតថា បន្ទាប់ពីទទួលបានសេចក្តីរាយការណ៍នេះភ្លាម លោកបានចាត់វិធានការតាមរកជននោះទើបដឹងថា កំពុងដេកនៅផ្ទះសំណាក់ពោធិ៍សាត់ជាប់ផ្លូវជាតិលេខ៥ខាងលិចសាលារចនាខេត្ត លុះព្រឹកថ្ងៃទី២៩ ក៏ធ្វើការឃាត់ខ្លួនតែម្តង ។
ចែករំលែកព័តមាននេះ