ខេត្តសៀមរាប ៖ ផ្ទះលក់គ្រឿងសំអាង កំពុងដេកស្រួល ស្រាប់តែភ្ញាក់ឡើងផ្អើលពេញផ្ទះ សំណាងល្អមិនរាលដាលដល់ផ្ទះជិតខាង ព្រមទាំងពុំមាននរណាម្នាក់រងរបួសក្នុងហេតុការណ៍នោះ ដែលបង្កដល់សមត្ថកិច្ច និងប្រជាពលរដ្ឋក្នុងក្រុង ។…
ខេត្តសៀមរាប ៖ ផ្ទះលក់គ្រឿងសំអាង កំពុងដេកស្រួល ស្រាប់តែភ្ញាក់ឡើងផ្អើលពេញផ្ទះ សំណាងល្អមិនរាលដាលដល់ផ្ទះជិតខាង ព្រមទាំងពុំមាននរណាម្នាក់រងរបួសក្នុងហេតុការណ៍នោះ ដែលបង្កដល់សមត្ថកិច្ច និងប្រជាពលរដ្ឋក្នុងក្រុង ។
ហេតុការណ៍ឆេះផ្ទះ អាជីវកម្មមួយកន្លែងក្នុងកណ្តាលក្រុងសៀមរាប នោះ បានកើតឡើងនៅថ្ងៃទី១០ ខែកុម្ភៈ ឆ្នាំ២០២៥ វេលាម៉ោង០៦ និង៣០នាទីព្រឹក ទីតាំងស្ថិតនៅភូមិមណ្ឌល២ សង្កាត់ស្វាយដង្គំ ក្រុង ខេត្តសៀមរាប ។
បើតាមប្រភពពីសមត្ថកិច្ចមូលដ្ឋានបានប្រាប់ឱ្យដឹងនៅថ្ងៃទី១០ ខែ កុម្ភៈ ឆ្នាំ២០២៥នេះថា មានករណីទុស្សេខ្សែភ្លើងនៅចំណុចផ្ទះល្វែងជួលឱ្យអាជីវកម្ម យីហោ លក់គ្រឿងសំអាង nature public ដែលមានទីតាំងស្ថិតនៅភូមិ មណ្ឌល២ សង្កាត់ស្វាយដង្គំ ក្រុងខេត្តសៀមរាប ដោយមានម្ចាស់អាជីវកម្មឈ្មោះ ធុន ធាវី ភេទស្រី អាយុ៤៤ឆ្នាំ មុខរបរជាម្ចាស់អាជីវកម្មខាងលើ ។
ចំពោះមូលហេតុ ទុស្សេខ្សែភ្លើងចេញពីកន្លែងផ្ទុកខ្សែភ្លើងក្នុងបរិវេណក្នុងហាងផ្ទាល់ ហើយធ្វើការពន្លត់ភ្លើងដែរបានឆាបឆេះបានសម្រេច នៅវេលាម៉ោង០៧ និង៣០នាទី ។
ក្នុងករណីឆេះផ្ទះនេះ បណ្តាលឱ្យខូចខាតទៅលើសំណង់ផ្ទះដែលមានទំហំ ៤ × ១២ ម៉ែត្រ ជាន់ខាងក្រោមផ្ទាល់ដីប្រហែល១០ ភាគរយ ។ ចំណែករបស់ខូចខាតកុំព្យូទ័រចំនួន០១គ្រឿង និងធ្វើឱ្យខូចខាតគ្រឿងសំអាងសម្រាប់លក់ដូរមួយចំនួនផងដែរ ។
ប្រភពបញ្ជាក់ថា ករណីឆេះផ្ទះនោះដែរត្រូវបានលោក ស្នងការនគរបាលខេត្តសៀមរាប បញ្ជាឱ្យកម្លាំងនគរបាលការិយាល័យ ពន្លត់អគ្គិភ័យនៃស្នងការដ្ឋាននគរបាលខេត្តសៀមរាប ចេញរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន៥គ្រឿង , រថយន្ត ពន្លត់អគ្គិភ័យរបស់នគរបាលការពារបេតិកភណ្ឌចំនួន ០១គ្រឿង និង រថយន្តពន្លត់អគ្គិភ័យរបស់កងរាជអាវុធហត្ថខេត្តសៀមរាបចំនួន០១ គ្រឿង ។
ក្នុងនោះដែរប្រើប្រាស់ឡានទឹករបស់ស្នងការដ្ឋាននគរបាលខេត្តសៀមរាបអស់ចំនួនតែ០២គ្រឿងប៉ុណ្ណោះ ។ ក្រៅពីនោះ គ្រាន់តែទុកនៅក្រែងរាលដាលដល់ផ្ទះអ្នកជិតខាងប៉ុណ្ណោះ ។
បច្ចុប្បន្ន ផ្ទះលក់គ្រឿងសំអាង ដែលត្រូវភ្លើងឆេះនោះ បើគិតជាលុយ អស់ប្រមាណជិត៥ពាន់ដុល្លារសហរដ្ឋអាមេរិក សំណាងល្អមិនបណ្តាលឱ្យរាលដាលដល់ផ្ទះអ្នកជិតខាង ព្រមទាំងពុំមាននរណាម្នាក់រងរបួសក្នុងហេតុការណ៍នោះដែរ ៕
ចែករំលែកព័តមាននេះ