ខេត្តស្វាយរៀង ៖ ត្រឹមរយៈពេល០១ម៉ោង មានករណីគ្រោះថ្នាក់ចរាចរណ៍ ០៤ករណីផ្សេងគ្នា បណ្តាលឲ្យមនុស្សប្រុសស្រី០៤នាក់ រងរបួសធ្ងន់ស្រាល មូលហេតុបើកបរល្បឿនលឿន ខ្វះការប្រុងប្រយត្ន័ ។…
ខេត្តស្វាយរៀង ៖ ត្រឹមរយៈពេល០១ម៉ោង មានករណីគ្រោះថ្នាក់ចរាចរណ៍ ០៤ករណីផ្សេងគ្នា បណ្តាលឲ្យមនុស្សប្រុសស្រី០៤នាក់ រងរបួសធ្ងន់ស្រាល មូលហេតុបើកបរល្បឿនលឿន ខ្វះការប្រុងប្រយត្ន័ ។
ករណីទី១ ៖ កើតឡើងនៅវេលាម៉ោង១១និង៤៥នាទីព្រឹកថ្ងៃទី២២ មករា ២០២៥ នៅលើកំណាត់ផ្លូវជាតិលេខ១ ត្រង់ចំណុចខាងលិចស្ពានទន្លៀងទី១ ស្ថិតនៅភូមិឃោសាង សង្កាត់ស្វាយតឿ ក្រុងស្វាយរៀង រវាងរថយន្ត និងត្រាក់ទ័រសណ្តោងរ៉ឺម៉ក បណ្តាលឲ្យអ្នកបើកត្រាក់ទ័ររងរបួសធ្ងន់ធ្ងរ ។
បើតាមប្រជាពលរដ្ឋនៅកន្លែងកើតហេតុ បានឲ្យដឹងថា ករណីគ្រោះថ្នាក់ចរាចរណ៍នេះ បង្កឡើងដោយជនជាតិចិន បើករថយន្ត ១គ្រឿងពាក់ស្លាកលេខភ្នំពេញ BD-8669 បើកបរដោយជនជាតិចិន ល្បឿនយ៉ាងលឿន បានបុកត្រាក់ទ័រសណ្តោងរ៉ឺម៉ក ពីក្រោយពេញទំហឹង បណ្តាលឲ្យត្រាក់ទ័រក្រឡាប់ពីរបីត្រឡប់ចូលហាវថ្នល់ បង្កឲ្យអ្នកបើកត្រាក់ទ័រ រងបួសធ្ងន់ធ្ងរត្រូវសមត្ថកិច្ចហៅរថយន្តសាមុយ ដឹកទៅមន្ទីរពេទ្យខេត្តស្វាយរៀង ដើម្បីសង្គ្រោះ។ ចំណែកភាគីជនជាតិចិន មានអ្នករួមដំណើរ០៣នាក់ ពុំមានរបួសទេ រីឯរថយន្តខូចខាតផ្នែកខាងមុខធ្ងន់ធ្ងរ ត្រូវសមត្ថកិច្ចហៅរថយន្តស្ទូចយកទៅរក្សារទុកនៅការិយាល័យនគបាលចរាចរណ៍ខេត្ត ដើម្បីដោះស្រាយតាមនីតិវិធី ។
ករណីទី២ ៖ កើតឡើងនៅវេលាម៉ោ១២និង០០នាទីព្រឹកថ្ងៃទី២២ មករា នៅលើកំណាត់ផ្លូវជាតិលេខ១ ខាងលិចកែងបំបែកជាបួន ស្ថិតនៅភូមិបាក់រនាស់ សង្កាតសង្ឃ័រ ក្រុងស្វាយរៀង រវាងរថយន្តដឹកដី ពាក់ស្លាកលេខកំពង់ស្ពឺ 4A-0648 ជាមួយរថយន្តឡិចស៊ីសRX300 បណ្តាលឲ្យរថយន្តឡិចស៊ីស កំពិតផ្នែកខាងមុខ ប៉ុន្តែមិនបង្កឲ្យមានអ្នករងរបួសទេ ត្រូវសមត្ថកិច្ចសម្របសម្រួលដោះស្រាយ ក៏ប៉ុន្តែមិនទាន់ត្រូវរ៉ូវគ្នាទេ ។
ករណីទី៣ ៖ កើតឡើងរវាងម៉ូតូ និងម៉ូតូ (ស្ត្រីចំណាស់ម្នាក់ និងសិស្សវិទ្យាល័យស្វាយរៀង) នៅវេលាម៉ោង១២និង៥នាទីរសៀលថ្ងៃទី២២ ខែមករា នៅលើកំណាត់ផ្លូវជាតិលេខ១ ត្រង់ចំណុចកែង ខាងកើតវិទ្យាល័យស្វាយរៀង ស្ថិតនៅភូមិស្រះវង់ សង្កាត់ស្វាយរៀង ក្រុងស្វាយរៀង បណ្តាលឲ្យក្មេងជាសិស្ស រងរបួសស្រាល ត្រូវសមត្ថកិច្ចបញ្ជូនទៅព្យាបាលនៅមន្ទីរពេទ្យខេត្តស្វាយរៀង ចំណែកស្ត្រីចំណាស់គ្រាន់តែរលាត់ដៃជើងបន្តិចបន្តួចប៉ុណ្ណោះ ។
ករណីទី០៤ ៖ រវាងម៉ូតូនិងម៉ូតូ នៅវេលាម៉ាង១២និង១០នាទីរសៀលថ្ងៃទី២២ ខែមករា នៅលើកំណាក់ផ្លូវលេខ២០៩ ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង បណ្តាលឲ្យរងរបួសស្រាលទាំងសងខាង (០២នាក់) ៕
ចែករំលែកព័តមាននេះ