ខេត្តកំពង់ស្ពឺ៖ កម្មករ កម្មារិនី រោងចក្រយីយោអាតធីវើស្ស(ខេមបូឌា)ឯ.ក រាប់រយនាក់បាននាំគ្នា ធ្វើកូដកម្មទាមទារប្រាក់បំណាច់ឆ្នាំរបស់ខ្លួនថៅកែរោងចក្រមិនបានដោះស្រាយ ក៏នាំគ្នាបិទផ្លូវជាតិលេខ៤១ មិនឱ្យធ្វើចរាចរណ៍ អស់រយះពេលច្រើនម៉ោង អាជ្ញាធរនិងសមត្ថកិច្ចអន្តរាគមន៍ទើបបើកផ្លូវបានវិញ។…
ខេត្តកំពង់ស្ពឺ៖ កម្មករ កម្មារិនី រោងចក្រយីយោអាតធីវើស្ស(ខេមបូឌា)ឯ.ក រាប់រយនាក់បាននាំគ្នា ធ្វើកូដកម្មទាមទារប្រាក់បំណាច់ឆ្នាំរបស់ខ្លួនថៅកែរោងចក្រមិនបានដោះស្រាយ ក៏នាំគ្នាបិទផ្លូវជាតិលេខ៤១ មិនឱ្យធ្វើចរាចរណ៍ អស់រយះពេលច្រើនម៉ោង អាជ្ញាធរនិងសមត្ថកិច្ចអន្តរាគមន៍ទើបបើកផ្លូវបានវិញ។
ការធ្វើកូដកម្មរបស់កម្មករ កម្មារិនីរោងចក្រព្រមទាំងបិទផ្លូវលេខ៤១កាលពីវេលាម៉ោង៩និង២៥នាទីព្រឹកថ្ងៃទី១៣ ខែមករា ឆ្នាំ២០២៥ នៅក្នុងរោងចក្រកាត់ដេរសម្លៀកបំពាក់ យីហោ អាតធីវើស្ស (ខេមបូឌា) ឯ.ក ដែលមានអាស័យដ្ឋាននៅតាមបណ្តោយផ្លូវជាតិលេខ៤១ ស្ថិតនៅក្នុងភូមិស្រង់ ឃុំស្រង់ ស្រុកគងពិសី ខេត្តកំពង់ស្ពឺ ។
សមត្ថកិច្ច បាននិយាយឱ្យដឹងថា ក្រុមកម្មករ កម្មារិនីរោងចក្របានធ្វើការងារ និងមានប្រាក់លើកទឹកចិត្ត ប្រាក់បំណាច់ឆ្នាំ រោងចក្រយីហោ អាតវើស្ស (ខេមបូឌា)ឯ.ក (កាត់ដេរសម្លៀកបំពាក់)និងសាខាមួយទៀតស្ថិតនៅភូមិស្រង់ចំងាយ២គីឡូម៉ែត្រពីគ្នា មានកម្មករសរុបចំនួន ១,៥៥២នាក់ ស្រី ១,០៦២នាក់ ជនបរទេសសរុប ៣៤ នាក់ ស្រី ១៥នាក់ ។ហើយមានសហជីពកម្មករឈ្មោះ អន្តរវិស័យដើម្បីជួយអន្តរាគមន៍ជួយកម្មករ កម្មារិនីពេលជួបបញ្ហាព្រឈម។
សមត្ថកិច្ចបានឱ្យដឹងទៀតថា ការដែលក្រុមកម្មករ កម្មារិនីនាំគ្នាធ្វើកូដកម្មនៅព្រឹកថ្ងៃទី១៣ ខែមករានោះ ក្រុមកម្មករ កម្មារិនី មិនចូលធ្វើការងារនោះទេ(នាំគ្នាចេញទៅបិតផ្លូវជាតិលេខ៤១នៅខាងមុខរោងចក្រ)ជាច្រើនម៉ោង ដោយធ្វើការទាមទារ៣ចំណុច ៖
១-ទាមទារអោយក្រុមហ៊ុនគិតប្រាក់បំណាច់ឆ្នាំតាមច្បាប់ស្តីពីការងារ ។
២-ទូទាត់ប្រាក់៥% តាមច្បាប់ស្តីពីការងារ
៣-សំបុត្រពេទ្យ។
សមត្ថកិច្ច បានបញ្ជាក់ថា ក្រោយពេលបិទផ្លូវអស់ច្រើនម៉ោង ហើយក៏មានការអន្តរាគមន៍ សម្រប សម្រួលពីអាជ្ញាធរ សមត្ថកិច្ច និង ក្រុមការងារទើបពួកគាត់(កម្មករ កម្មារិនី) យល់ព្រមបើកផ្លូវជាតិលេខ៤១ ឱ្យធ្វើចរាចរណ៍ វិញទៅ ។
ពាក់ព័ន្ធជាមួយនិងការកូដកម្មតវ៉ាបិទផ្លូវរបស់កម្មករ កម្មារិនីនេះ លោក ចឹក បូរិន ប្រធានមន្ទីរការងារ និងបណ្តុះបណ្តាលវិជ្ជាជីវៈបានឱ្យដឹងថា បានជាកម្មករ កម្មារិនីរោងចក្រធ្វើកូដកម្ម បិទផ្លូវនេះដោយសារតែខាងក្រុមហ៊ុនចេញតារាងប្រាក់បំណាច់ឆ្នាំខុស ពួកគាត់មានការខឹងសម្បារ ទើបប្រតិកម្មធ្វើកូដកម្មបែបនេះទៅ។ ហើយ ក្រុមការងាររបស់លោកបានធ្វើការសម្របសម្រួលដោះ ស្រាយភាគីថៅកែរោងចក្រជាមួយក្រុមកម្មករ កម្មារិនីរោងចក្រតាមការស្នើសុំទាំង៣ចំណុចរួចរាល់ហើយជាក់ស្តែង៕
ចែករំលែកព័តមាននេះ