ខេត្តពោធិ៍សាត់ ៖ កម្លាំងជំនាញ នៃអធិការដ្ឋាននគរបាលក្រុងពោធិ៍សាត់ កាលពីវេលាម៉ោង១៦ និង៣០នាទីល្ងាចថ្ងៃទី១២ ខែមករា ឆ្នាំ២០២៥ បានចុះបង្ក្រាបករណីរក្សាទុក ជួញដូរ…
ខេត្តពោធិ៍សាត់ ៖ កម្លាំងជំនាញ នៃអធិការដ្ឋាននគរបាលក្រុងពោធិ៍សាត់ កាលពីវេលាម៉ោង១៦ និង៣០នាទីល្ងាចថ្ងៃទី១២ ខែមករា ឆ្នាំ២០២៥ បានចុះបង្ក្រាបករណីរក្សាទុក ជួញដូរ និងប្រើប្រាស់សារធាតុញៀនខុសច្បាប់ នៅចំណុចផ្ទះរបស់ឈ្មោះ ម៉ែន ស៉ីម៉ាក់ ស្ថិតនៅភូមិបាក់រទេះ សង្កាត់ព្រៃញី ក្រុងពោធិ៍សាត់ ដោយបានធ្វើការឃាត់ខ្លួនជនសង្ស័យចំនួន៤នាក់ ស្រី២នាក់ រួមមាន ៖
១-ឈ្មោះ ម៉ែន ស៉ីម៉ាក់ ភេទប្រុស អាយុ ២២ឆ្នាំ រស់នៅភូមិបាក់រទេះ សង្កាត់ព្រៃញី
២-ឈ្មោះ ថន ប៊ុនថេន ភេទប្រុស អាយុ ២២ឆ្នាំ រស់នៅស្ពានថ្ម សង្កាត់ព្រៃញី
៣-ឈ្មោះ ផាត ស្រីនិច ភេទស្រី អាយុ ១៧ឆ្នាំ រស់នៅភូមិអូរថ្កូវ សង្កាត់រលាប
៤-ឈ្មោះ ចាយ លីននី ភេទស្រី អាយុ ២៣ឆ្នាំ រស់នៅភូមិពោធិ៍អណ្ដោត សង្កាត់រលាប ។
វត្ថុតាង ដកហូតបាន រួមមាន ៖
-គ្រឿងញៀន Ice ០៨កញ្ចប់ ទម្ងន់ ៣.៤៦ក្រាម
-ទូរសព្ទ ០៤គ្រឿង
-ដែកកេះកែច្នៃ សម្រាប់ជក់ថ្នាំញៀន ០៣ដើម
-ម៉ូតូចំនួន ០១គ្រឿង
-ថង់សម្រាប់ច្រកគ្រឿងញៀនមួយចំនួន
-អំពូលសម្រាប់ជក់ថ្នាំញៀន ០១អំពូល
-ទុយោសម្រាប់ជក់ថ្នាំញៀន ០៣
-ប្រអប់ពណ៌បៃតង សម្រាប់ដាក់ថ្នាំញៀន០២ប្រអប់
និងឧបករណ៍ជក់ថ្នាំញៀន មួយចំនួនទៀត ។
បច្ចុប្បន្ន ជនសង្ស័យ រួមទាំងវត្ថុតាងត្រូវបានឃាត់ខ្លួន និងរក្សាទុកនៅអធិការដ្ឋាននគរបាលក្រុងពោធិ៍សាត់ ដើម្បីអនុវត្តន៍បន្តតាមនីតិវិធី ៕
ចែករំលែកព័តមាននេះ