រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាឱ្យស្នងការងារធានី-ខេត្ត និងអាជ្ញាធរមានសមត្ថកិច្ចពាក់ព័ន្ធ ត្រូវរួមគ្នាបង្ក្រាបករណីក្មេងទំនើងឲ្យបានផុសផុលដោយមិនត្រូវបន្ធូរបន្ថយដៃនោះទេ ជាពិសេស…
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាឱ្យស្នងការងារធានី-ខេត្ត និងអាជ្ញាធរមានសមត្ថកិច្ចពាក់ព័ន្ធ ត្រូវរួមគ្នាបង្ក្រាបករណីក្មេងទំនើងឲ្យបានផុសផុលដោយមិនត្រូវបន្ធូរបន្ថយដៃនោះទេ ជាពិសេស ក្មេងៗដែលអួតអាងគ្នាអំពីដាវសាមូរ៉ៃលើហ្វេសប៊ុកត្រូវមានចំណាត់ការតាមផ្លូវច្បាប់ឲ្យបានម៉ឺងម៉ាតបំផុត ។
ការលើកឡើងរបស់សម្តេចបវរធិបតីនាយករដ្ឋមន្ត្រីនៅក្នុងឱកាសអញ្ជើញចែកសញ្ញាបត្រដល់និស្សិតសកលវិទ្យាល័យធនធានមនុស្ស នៅព្រឹកថ្ងៃ២៦ ធ្នូ ឆ្នាំ២០២៤។ សម្តេចបវរធិបតីនាយករដ្ឋមន្ត្រីបានលើកឡើងជាច្រើនទាក់ទងទៅនឹងក្រុមក្មេងទំនើង បន្ទាប់ពីក្រសួងយុត្តិធម៌បានរៀបចំសន្និសីទពីក្មេងទំនើងកាលពីថ្ងៃ២៥ ធ្នូ ។
ដោយក្នុងនោះ សម្តេចបានសង្កត់ធ្ងន់ថា ស្នងការគ្រប់រាជធានី-ខេត្ត មិនត្រូវបន្ធូរបន្ថយដៃនោះទេចំពោះការបង្ក្រាបក្មេងទំនើង បើងើបឡើងមួយបង្ក្រាបមួយទៅវិញឲ្យទាន់ពេលវេលា។ ការបង្ក្រាបក្មេងទំនើងនេះ ប្រៀបដូចជាការវែកឆកនៅក្នុងបឹងអញ្ចឹង ប៉ុន្តែធ្វើវែកយកចកចេញឲ្យអស់មិន ត្រូវទុកឲ្យមាននៅនោះទេ។
ជាមួយគ្នានោះដែរ សម្តេចបវរធិបតីអះអាងថា វិធានការបង្ក្រាប និងដាក់ទោសទណ្ឌក្មេងទំនើងនេះ ក៏នឹងជួយមិនឲ្យក្មេងៗដទៃទៀតយកគំរូតាមផងដែរ ។ លើសពីនេះ សម្តេចបវរធិបតីបាន
លើកឡើងថា បើគ្រាន់តែអប់រំត្រឹមផ្នែករដ្ឋបាល ហើយដោះលែងទៅវិញ ពួកគេនឹងធ្វើសកម្មភាពដើរបង្កបញ្ហាកាប់គេកាប់ឯងជាបន្តទៀត ព្រោះអ្នកដាក់ដាវសាមូរ៉ៃតាមខ្លួន ស្មើនឹងប្រើប្រាស់អាវុធខុសច្បាប់។
សម្តេចបវរធិបតីក៏បានគូសបញ្ជាក់យ៉ាងដូច្នេះថា «រឿងអ្នកអួតតាមហ្វេសប៊ុក (អំពីដាវសាំម៉ូរៃ) ព្រឹកនេះ ឲ្យយកមួយពីខេត្តស្វាយរៀង ហើយអត់មានយកមកត្រឹម តែអប់រំរដ្ឋបាល ហើយព្រលែងទៅវិញនោះទេ ខ្ញុំសុំឲ្យមើលច្បាប់ឲ្យបានមែនទែនទាញដាវមកអួត កន្លែងខ្លះបបួលគ្នាកាប់…តើអានេះជាការគម្រាមជីវិតឬទេ ។ អីចឹងឲ្យពិនិត្យមើលច្បាប់ បើច្បាប់ នៅស្រាលពេក សូមឲ្យធ្វើវិសោធនកម្ម ដើម្បីដាក់មុខព្រួញនេះ ឲ្យកាន់តែខ្លាំងតែម្តង»។
ក្នុងឱកាសនោះដែរ សម្តេចបវរនាយករដ្ឋមន្ត្រីបានលើកឡើងទៀតថា គ្រាន់តែករណី ក្មេងទំនើងនេះ ក្នុងរយៈពេល៧ខែចាប់ពីខែឧសភាដល់ខែធ្នូនេះ មានជិត៧០០ សំណុំរឿង ដែលត្រូវបានតុលាការមានចំណាត់ការ ក្នុងនោះជនល្មើស៣៨៣៤នា ក់ជាប់ពាក់ព័ន្ធនឹង សំណុំរឿងក្មេងទំនើង ក្នុងគ្រាក្មេងទំនើងក្រោមអាយុ១ ៨ឆ្នាំមានចំនួន២០៩៣នាក់ ។ សម្តេចបវរធិបតីក៏បានអំពាវនាវដល់អាណាព្យាបាលត្រូវខិតខំអប់រំណែនាំប្រដៅកូនៗឲ្យដើរតាមផ្លូវល្អផងដែរ៕
ចែករំលែកព័តមាននេះ