រាជធានីភ្នំពេញ ៖ អ្នកនាំពាក្យក្រសួងសាធារណការ និងដឹកជញ្ជូនបានបញ្ជាក់ឲ្យដឹងថាការកំណត់និយាមកា និងបោះបង្គោល តាមបណ្តោយគម្រោងព្រែកជីកហ្វូណន តេជោ ត្រូវបានបញ្ចប់ដោយជោគជ័យ១០០% នៅថ្ងៃទី២០ ខែធ្នូ…
រាជធានីភ្នំពេញ ៖ អ្នកនាំពាក្យក្រសួងសាធារណការ និងដឹកជញ្ជូនបានបញ្ជាក់ឲ្យដឹងថាការកំណត់និយាមកា និងបោះបង្គោល តាមបណ្តោយគម្រោងព្រែកជីកហ្វូណន តេជោ ត្រូវបានបញ្ចប់ដោយជោគជ័យ១០០% នៅថ្ងៃទី២០ ខែធ្នូ ឆ្នាំ២០២៤ ។
លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងនៅថ្ងៃទី២០ ធ្នូ ឆ្នាំ២០២៤ តាមបណ្តាញសង្គមថា សូមជម្រាបជូនសាធារណជន និងបណ្តាញសារព័ត៌មានមេត្តាជ្រាបថា រយៈពេល៩ថ្ងៃ (គិតត្រឹមថ្ងៃទី១៩ ខែធ្នូ ឆ្នាំ២០២៤) ក្រុមការងារការងារអន្តរក្រសួងដឹកនាំដោយក្រសួងសាធារណការ និងដឹកជញ្ជូនបានសម្រេចកំណត់និយាមកា និងបោះបង្គោលតាមបណ្តោយគម្រោងព្រែកជីកហ្វូណនតេជោ ចំនួន១៣៩ចំណុចក្នុងចំណោម១៤២ចំណុចស្មើជិត៩៨% នៃតម្រាយផ្លូវទឹកកំណាត់ទី១ ដែលមានប្រវែង២១គីឡូម៉ែត្រ ។
អ្នកនាំពាក្យបានបញ្ជាក់ថា ៖«ការកំណត់និយាមកា និងបោះបង្គោលដែលនៅសេសសល់ នឹងត្រូវបញ្ចប់១០០% នៅថ្ងៃទី២០ ខែធ្នូ ឆ្នាំ២០២៤ ។ ខ្ញុំបាទសូមជម្រាបជូនបន្ថែមថា ក្រុមការងារបច្ចេកទេសមានការសហការគ្នាល្អក្នុ ងការងារអនុវត្តការងារទោះជាទីតាំង បង្គោលមួយចំនួនស្ថិតនៅក្នុងបឹងមានទឹកជ្រៅ មានព្រៃដែលត្រូវចុះដើរឆ្កាព្រៃ បន្លា ដើម្បីទៅដល់ ។ ទន្ទឹមនឹងនោះ អាជ្ញាធរមូលដ្ឋាន បានសហការល្អជាមួយក្រុមការងារបច្ចេកទេស និងប្រឹងប្រែងដើម្បីជួយសម្របសម្រួលការអនុវត្តការងារឱ្យបានរលូន» ៕
ចែករំលែកព័តមាននេះ