រាជធានីភ្នំពេញ ៖ រយៈពេលប្រមាណជាជាង១០ថ្ងៃ នៅដើមខែធ្នូ ឆ្នាំ២០២៤នេះ កម្លាំងកងរាជអាវុធហត្ថរាជធានីភ្នំពេញ ទទួលបាននូវបទបញ្ជាយ៉ាងម៉ឺងម៉ាត់ ហើយចុះបង្ក្រាប និងអបរំក្រុមក្មេងទំនើងជាបន្តបន្ទាប់ បានសរុបចំនួន…
រាជធានីភ្នំពេញ ៖ រយៈពេលប្រមាណជាជាង១០ថ្ងៃ នៅដើមខែធ្នូ ឆ្នាំ២០២៤នេះ កម្លាំងកងរាជអាវុធហត្ថរាជធានីភ្នំពេញ ទទួលបាននូវបទបញ្ជាយ៉ាងម៉ឺងម៉ាត់ ហើយចុះបង្ក្រាប និងអបរំក្រុមក្មេងទំនើងជាបន្តបន្ទាប់ បានសរុបចំនួន ៨៧នាក់ នឹងធ្វើឲ្យក្រុមក្មេងទំនើង បំបែកក្រុម និងបង្ខំចិត្តប្ដូរឈ្មោះក្រុម ប៉ុន្តែនៅតែរត់គេចខ្លួនមិនរួច ។
តាមកងរាជអាវុធហត្ថរាជធានីភ្នំពេញ បានឲ្យដឹងថា រយៈពេលប៉ុន្មានថ្ងៃ ក្នុងដើមខែធ្នូ ឆ្នាំ២០២៤នេះ ដោយមានបទបញ្ជាម៉ឹងម៉ាត់របស់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស, មេបញ្ជាការ កងរាជអាវុធហត្ថរាជធានីភ្នំពេញ កម្លាំងអាវុធហត្ថរាជធានីភ្នំពេញ ក៏ដូចជាកម្លាំងអាវុធហត្ថតាមបណ្ដាមូលដ្ឋានខណ្ឌទាំង១៤ បានចុះបង្ក្រាប និងទប់ស្កាត់ក្រុមក្មេងទំនើង នៅតាមគោលដៅសំខាន់ៗក្នុងភូមិសាស្ត្ររាជធានីភ្នំពេញ ជាប់ជាប្រចាំដូចភ្លៀងរលឹម និងបានចាត់វិធានការអប់រំ លើក្មេងទំនើងសរុប ៨៧នាក់ ដែលបានប្រមូលផ្តុំគ្នាកណ្តាលអាធ្រាតមិនចូលផ្ទះ ផឹកស្រា ជក់វែប នៅទីសាធារណៈ យ៉ាងអនាធិបតេយ្យ ក្នុងនោះមានក្មេងទំនើង ០៣នាក់ ដែលធ្លាប់ជាសមាជិកក្រុមក្មេងទំនើង team98 តែដោយសមត្ថកិច្ចតាមចាប់ team98 ពេក ក៏បានបំបែកក្រុម និងប្តូរឈ្មោះមកជា team មុខព្រលាន វិញ ត្រូវបានអាវុធហត្ថ រាជធានីភ្នំពេញក្នុងខណ្ឌកំបូល ធ្វើការឃាត់ខ្លួន និងយកមកអប់រំតាមវិធានការរដ្ឋបាល ដែលក្រុមនេះមានប្រវត្តិធ្លាប់ពាក់ព័ន្ធនឹងជម្លោះដេញវាយគ្នា ជាមួយក្រុមទំនើងផ្សេងទៀត ជាច្រើនលើក ជាពិសេសសមាជិកមួយចំនួន ធ្លាប់ត្រូវបានអាវុធហត្ថរាជធានីភ្នំពេញឃាត់ខ្លួនបញ្ជូនទៅតុលាការផងដែរ ៕
ចែករំលែកព័តមាននេះ