រាជធានីភ្នំពេញ ៖ កម្លាំងអាវុធហត្ថខណ្ឌជ្រោយចង្វារ កាលពីថ្ងៃទី១៤ ខែធ្នូ ឆ្នាំ២០២៤ បានចុះធ្វើការបង្ក្រាប និងឃាត់ខ្លួនជនសង្ស័យចំនួន០៤នាក់ (ស្រី០១នាក់) នៅចំណុចផ្ទះជួលមួយកន្លែងគ្មានលេខ…
រាជធានីភ្នំពេញ ៖ កម្លាំងអាវុធហត្ថខណ្ឌជ្រោយចង្វារ កាលពីថ្ងៃទី១៤ ខែធ្នូ ឆ្នាំ២០២៤ បានចុះធ្វើការបង្ក្រាប និងឃាត់ខ្លួនជនសង្ស័យចំនួន០៤នាក់ (ស្រី០១នាក់) នៅចំណុចផ្ទះជួលមួយកន្លែងគ្មានលេខ ស្ថិតនៅបណ្ដោយផ្លូវជាតិ6A ភូមិក្តីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ពាក់ព័ន្ធករណីជួញដូរ និងប្រើប្រាស់នូវសារធាតុញៀនដោយខុសច្បាប់ នេះបើយោងតាមកងរាជអាវុធហត្ថរាជធានីភ្នំពេញ ។
ជនសង្ស័យប្រុសស្រីទាំង០៤នាក់ រួមមាន ៖
១. ឈ្មោះ ហែម សាវ័ន្ត ភេទប្រុស អាយុ ៣៨ឆាំ្ន
២. ឈ្មោះ លេង រតនា ភេទប្រុស អាយុ ១៦ឆ្នាំ
៣. ឈ្មោះ រិន ដាវីន ភេទប្រុស អាយុ២៣ឆ្នាំ
និង៤. ហេង នីតា ភេទស្រី អាយុ ៣៧ ។
វត្ថុតាងចាប់យករួមមាន ៖ ក្រាមពណ៌សថ្លាចំនួន ០៨កញ្ចប់តូចធំ, ថ្នាំគ្រាប់ចំនួន១៥គ្រាប់ ពណ៌បៃតង ១៤គ្រាប់ ពណ៌ក្រហម ០១គ្រាប់, ជញ្ជីងអេឡិកត្រូនិចសម្រាប់ថ្លឹងគ្រឿងញៀនចំនួន ០១គ្រឿង, ម៉ាស៊ីនអ៊ុតមាត់ថង់ចំនួន០១ រួមនឹងសម្ភារមួយចំនួនទៀត ។
ជនសង្ស័យទាំង០៤នាក់ រួមនឹងវត្ថុតាង ត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់៕
ចែករំលែកព័តមាននេះ