រាជធានីភ្នំពេញ ៖ សមត្ថកិច្ចកំពុងស្រាវជ្រាវ ដើម្បីកំណត់មុខសញ្ញាអ្នកពាក់ព័ន្ធ នឹងការផ្សាយព័ត៌មានក្លែងបន្លំរបស់លោក មុត ចន្ថា មនុស្សជំនិតលោក កឹម សុខា…
រាជធានីភ្នំពេញ ៖ សមត្ថកិច្ចកំពុងស្រាវជ្រាវ ដើម្បីកំណត់មុខសញ្ញាអ្នកពាក់ព័ន្ធ នឹងការផ្សាយព័ត៌មានក្លែងបន្លំរបស់លោក មុត ចន្ថា មនុស្សជំនិតលោក កឹម សុខា អតីតប្រធានគណបក្សសង្គ្រោះជាតិ ដែលបង្ហោះពាក់ព័ន្ធនឹងខ្លឹមសារកោះគុត ។
យោងតាមការចេញផ្សាយរបស់ទីភ្នាក់ងារសារព័ត៌មានកម្ពុជា នៅយប់ថ្ងៃទី១៦ ខែធ្នូ ឆ្នាំ២០២៤ បានឲ្យដឹងថា បញ្ហាអធិបតេយ្យភាពព្រំដែនទឹករវាងប្រទេសកម្ពុជា និងថៃ និងមានគោលបំណងបញ្ឆេះកំហឹងឱ្យប្រជាពលរដ្ឋមានការយល់ច្រឡំមកលើរាជរដ្ឋាភិបាល ។
ប្រភពបន្តថា ខ្លឹមសារដែលគណនី Chantha Muth បានបង្ហោះ គឺជាព័ត៌មានក្លែងបន្លំ ក្នុងចេតនាបោកបញ្ឆោតមតិសាធារណជន ស្ដីពី បញ្ហាអធិបតេយ្យភាពព្រំដែនទឹករវាងប្រទេសកម្ពុជា និងថៃ និងមានគោលបំណងបញ្ឆេះកំហឹងឱ្យប្រជាពលរដ្ឋមានការយល់ច្រឡំមកលើរាជរដ្ឋាភិបាលកម្ពុជាលើបញ្ហានេះ ។
ប្រភពបញ្ជាក់ថា សមត្ថកិច្ចកំពុងស្រាវជ្រាវ ដើម្បីកំណត់មុខសញ្ញាអ្នកពាក់ព័ន្ធ នឹងការផ្សាយព័ត៌មានក្លែងបន្លំនេះ តាមនិតីវិធីច្បាប់ ជាធរមាន។ ដូចនេះសូមបងប្អូនប្រជាពលរដ្ឋកុំមានការយល់ច្រឡំ និងកុំបន្តចែកចាយ នូវព័ត៌មានក្លែងបន្លំនេះបន្តទៀត ។
តាមការចេញផ្សាយលើបណ្ដាញសង្គមរបស់មានឈ្មោះថា “Chantha Muth” ដែលគេដឹងថា ជាមនុស្សជំនិតលោក កឹម សុខា បានលើកឡើងយ៉ាងដូច្នេះថា ប្អូនធម៌ ថាក់ស៊ីន ថា បងធម៌ ហ៊ុន សែន ចុះហត្ថលេខាលើអនុស្សារណៈ លេខ៤៤ ប្រគល់កោះគុតឱ្យថៃ! ។ អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា ដែលត្រូវជាប្អូនធម៌របស់អតីតនាយករដ្ឋមន្ត្រី ហ៊ុន សែន បានអះអាងថា “កោះគុត” ជាកម្មសិទ្ធិរបស់ប្រទេសថៃ យោងតាមអនុស្សារណៈ លេខៈ៤៤ ដែលខ្លួនបានចុះហត្ថលេខាជាមួយសម្តេចតេជោ ហ៊ុន សែន ៕
ចែករំលែកព័តមាននេះ