ខេត្តបាត់ដំបង ៖ លំនៅឋានរបស់ប្រជាកសិករមួយខ្នងដែលធ្វើពីឈើប្រក់ស័ង្កសី ត្រូវបានព្រះអគ្គីលេបត្របាក់អស់គ្មានសល់ ដែលបង្កឡើងដោយការផ្ទុះកំប៉ុងហ្គាស កាលពីវេលាម៉ោង៦ព្រឹកថ្ងៃទី១៦ ធ្នូ ស្ថិតក្នុងភូមិលំផាត់ ឃុំអូរដា ស្រុកកំរៀង…
ខេត្តបាត់ដំបង ៖ លំនៅឋានរបស់ប្រជាកសិករមួយខ្នងដែលធ្វើពីឈើប្រក់ស័ង្កសី ត្រូវបានព្រះអគ្គីលេបត្របាក់អស់គ្មានសល់ ដែលបង្កឡើងដោយការផ្ទុះកំប៉ុងហ្គាស កាលពីវេលាម៉ោង៦ព្រឹកថ្ងៃទី១៦ ធ្នូ ស្ថិតក្នុងភូមិលំផាត់ ឃុំអូរដា ស្រុកកំរៀង តែពុំមានគ្រោះថ្នាក់មនុស្សទេ ។
សេចក្ដីរាយការណ៍បានឲ្យដឹងថា លំនៅឋាននោះធ្វើពីឈើប្រក់ស័ង្កសីមានទំហំ៥ម៉x៦ម៉ ដែលមានម្ចាស់ឈ្មោះ មឿង រតនា ភេទប្រុស អាយុ៣៩ឆ្នាំ មានមុខរបរជាកសិករ ។ សេចក្ដីរាយការណ៍ដដែលបានឲ្យដឹងថា អគ្គភ័យនេះអាចបណ្ដាលមកពីការផ្ទុះកំប៉ុងហ្គាស ។ នេះជាការផ្ដល់ព័ត៌មានបឋមដោយម្ចាស់ផ្ទះ ដែលបានប្រាប់សមត្ថកិច្ច ។
រថយន្តពន្លត់អគ្គិភ័យរបស់សមត្ថកិច្ចបានចេញជួយអន្តរាគមន៍ភ្លាមៗដែរ តែមិនអាចជួយទប់ស្កាត់បានទេ ដោយសារតែភ្លើងឆេះខ្លាំង និងលឿនបំផុត ។ រីឯទ្រព្យសមត្ថកិច្ច ឬសម្ភារផ្សេងៗ ក៏ម្ចាស់ផ្ទះមិនអាចជួយសង្ត្រោះបានដែរ ។ ពោល គឺទាំងផ្ទះ ទាំងទ្រព្យសម្បត្តិ ត្រូវបានក្លាយជាផេះផង់ទាំងស្រុងតែម្ដង ។
មន្ត្រីមូលដ្ឋានដែលបានស្រង់សម្ដីម្ចាស់ផ្ទះបានឲ្យដឹងដែរថា ម្ចាស់ផ្ទះបានប្រើប្រាស់ចង្ក្រានហ្គាសដាំស្លរ គ្រានោះកំប៉ុងហ្គាសក៏បានផ្ទុះខ្ទាតកំទេចភ្លើងធ្លាក់ពាសពេញចង្ក្រានបាយ ទើបបណ្ដាលឲ្យឆេះរាលដាលកាន់ខ្លាំង លេបយកផ្ទះទាំងស្រុងតែម្ដង ។
ដោយសារផ្ទះជនរងគ្រោះដាច់ដោយឡែកឆ្ងាយពីគេឯង អ្នកភូមិទៅជួយមិនទាន់ពេល ហើយមានតែម្ចាស់ផ្ទះប្រឹងប្រែងពន្លត់ភ្លើង ទើបមិនបានជួយរំដោះទ្រព្យសម្បត្តិរហូតត្រូវអគ្គិភ័យលេបត្របាក់អស់តែម្ដង ។
រហូតមកទល់ពេលនេះ គេមិនទាន់មានរបាយការណ៍ស្ដីពីការខាតបង់នៅឡើយទេ ។ សមត្ថកិច្ចនិយាយថា មន្ត្រីជំនាញ និងអាជ្ញាធរបាន និងកំពុងចុះពិនិត្យទីតាំងកើតហេតុ ដើម្បីធ្វើរបាយការណ៍ និងជួយសង្គ្រោះបឋមដល់ជនរងគ្រោះហើយ ៕
ចែករំលែកព័តមាននេះ