លោក ជេម សុខ ចេញមុខសូមអភ័យទោស សម្តេចតេជោ
- ភ្នំពេញ
រាជធានីភ្នំពេញ ៖ លោក សុខ សុគន្ធ ហៅជេម សុខ បានចេញមុខធ្វើការសូមអភ័យទោស សម្តេចតេជោ ហ៊ុន…
រាជធានីភ្នំពេញ ៖ លោក សុខ សុគន្ធ ហៅជេម សុខ បានចេញមុខធ្វើការសូមអភ័យទោស សម្តេចតេជោ ហ៊ុន សែន ប្រធានព្រឹទ្ធសភាកម្ពុជា ក្រោយពីនិយាយរិះគន់សម្តេចតេជោ និងធ្វើដឹងរឿងច្រើន ។
ការចេញសារសូមទោសនេះ ក្រោយពីលោក ជេម សុខ បានលើកឡើងថា សម្តេចតេជោ ទៅប្រទេសចិនយ៉ាងប្រញាប់ប្រញាល់ ប៉ុន្តែសម្តេចក៏តបទៅវិញ នារាត្រីថ្ងៃ២ ធ្នូថា គម្រោងទៅទស្សនកិច្ចនៅចិនមិនមែនទៅទាំងប្រញាប់ប្រញាល់នោះទេ គឺបានរៀបគម្រោងជិត២ខែហើយ ។ បន្ទាប់ពីសម្តេចតបទៅវិញបែបនេះ លោក ជេម សុខ នៅថ្ងៃទី៣ ធ្នូ ឆ្នាំ២០២៤ បានសរសេរលើបណ្តាញសង្គមយ៉ាងដូច្នេះថា ៖ សូមគោរពសម្ដេចបង «ផ្កាយព្រឹក» ជាទីគោរពប្អូន សូមអភ័យទោសពីសម្ដេចបង បើមានការខុសឆ្គងត្រង់ណា ។
ជាការពិតណាស់ ប្អូនជាមនុស្សឈឺ និងពុលទឹកមាត់ ដោយប្អូនចូលចិត្តនិយាយលេងសើចច្រើន ។ ប្អូនសូមសម្ដេចបង មេត្តាដល់ប្អូន សូមសម្ដេចបងមេត្តាកុំប្រកាន់ទោសអូសដំណើរ ។
លោកជេម សុខ បានលើកឡើងទៀតថា ប្អូនសូមអរគុណសម្ដេចបង និងសូមជូនពរសម្ដេចបងឲ្យមានសុខភាពល្អ និងកម្លាំងខ្លាំងក្លា បំពេញកិច្ចការឧត្តុងឧត្តម ដើម្បីប្រទេសជាតិ ។ គួរពុំគួរ សូមទានសម្ដេចបងអភ័យទោស, ដោយគោរពពីខ្ញុំបាទ ជេមសុខ, ស.រ.អា. ៕
ចែករំលែកព័តមាននេះ