រាជធានីភ្នំពេញ ៖ ដើម្បីពង្រឹងការអនុវត្តច្បាប់ និងធានាដល់សន្តិសុខសណ្តាប់ធ្នាប់សាធារណៈ និងសុវត្ថិភាពសង្គម រដ្ឋមន្ដ្រីក្រសួងមហាផ្ទៃ បានណែនាំបញ្ឈប់ជាបន្ទាន់ នូវរាល់ការផលិតរូបភាព វីដេអូ និងមាតិកា…
រាជធានីភ្នំពេញ ៖ ដើម្បីពង្រឹងការអនុវត្តច្បាប់ និងធានាដល់សន្តិសុខសណ្តាប់ធ្នាប់សាធារណៈ និងសុវត្ថិភាពសង្គម រដ្ឋមន្ដ្រីក្រសួងមហាផ្ទៃ បានណែនាំបញ្ឈប់ជាបន្ទាន់ នូវរាល់ការផលិតរូបភាព វីដេអូ និងមាតិកា មានខ្លឹមសារពាក់ព័ន្ធនឹងការផ្សព្វផ្សាយល្បែ.ងស៊ីសងខុសច្បាប់គ្រប់ប្រភេទ ។
ការលើកឡើងរបស់ឯកឧត្តមឧបនាយករដ្ឋមន្ដ្រី ស សុខា រដ្ឋមន្ត្រីបន្ទាប់ពីនាពេលថ្មីៗនេះ ក្រសួងមហាផ្ទៃបានសង្កេតឃើញថា បណ្តាញទំនាក់ទំនងសង្គម និងប្រព័ន្ធផ្សព្វផ្សាយមួយចំនួនបានផលិតរូបភាព វីដេអូ និងមាតិកា ល្បែ.ងស៊ីសងខុសច្បាប់ ព្រមទាំងផ្សព្វផ្សាយល្បែ.ងស៊ីសងទាំងនេះ ដើម្បីអូសទាញប្រជាពលរដ្ឋឱ្យចូលលេងល្បែ.ងស៊ីសងខុសច្បាប់ដោយផ្ទាល់ ឬតាមប្រព័ន្ធអនឡាញ (Online) ។
តាមរយៈសារាចរណែនាំរបស់ក្រសួងមហាផ្ទៃ បានលើកឡើងថា នៅក្នុងសកម្មភាពផ្សព្វផ្សាយ និងចែករំលែកបន្ត (Share) អំពីល្បែ.ងស៊ីសងខុសច្បាប់ទាំងនេះក៏មានការចូលរួមពីបុគ្គលមានប្រជាប្រិយភាព និងអ្នកផលិតមាតិកាសង្គមមួយចំនួនផងដែរ ដែលជាហេតុធ្វើឱ្យសាធារណជនមានការភាន់ច្រឡំ ហើយបន្តចែកចាយរូបភាព វីដេអូ និងមាតិកាទាំងនោះធ្វើឱ្យប៉ះពាល់យ៉ាងធ្ងន់ធ្ងរដល់សន្តិសុខសណ្តាប់ធ្នាប់សាធារណៈ និងសុវត្ថិភាពសង្គម ។
តាមរយៈសារាចរណែនាំរបស់ក្រសួងមហាផ្ទៃស្ដីពីការបញ្ឈប់សកម្មភាពផ្សព្វផ្សាយល្បែ.ងស៊ីសងខុសច្បាប់ចេញផ្សាយ នៅថ្ងៃទី៤ ខែធ្នូ ឆ្នាំ២០២៤ ឯកឧត្តមឧបនាយករដ្ឋមន្ដ្រី ស សុខា គូសបញ្ជាក់ថា «ត្រូវបញ្ឈប់ជាបន្ទាន់នូវរាល់ការផលិតរូបភាព វីដេអូ និងមាតិកា ដែលមានខ្លឹមសារពាក់ព័ន្ធនឹងល្បែ.ងស៊ីសងខុសច្បាប់គ្រប់ប្រភេទទោះល្បែ.ងស៊ីសងលេងដោយផ្ទាល់ក្តី ឬតាមប្រព័ន្ធអនឡាញក្តី ។
ត្រូវបញ្ឈប់ជាបន្ទាន់ នូវរាល់ការបង្កើតគេហទំព័រគណនី ឬទំព័រក្នុងបណ្តាញទំនាក់ទំនងសង្គមដែលមានរូបភាព និងខ្លឹមសារពាក់ព័ន្ធល្បែ.ងស៊ីសងខុសច្បាប់គ្រប់ប្រភេទទោះល្បែ.ងស៊ីសងលេងដោយផ្ទាល់ក្តី ឬតាមប្រព័ន្ធអនឡាញក្តី» ។
ឯកឧត្តម ឧបនាយករដ្ឋមន្ដ្រី ស សុខា បន្ដថា ត្រូវបញ្ឈប់ជាបន្ទាន់នូវរាល់ការផ្សព្វផ្សាយ ឬចែករំលែកបន្តអំពីរូបភាព និងខ្លឹមសារពាក់ព័ន្ធនឹងល្បែ.ងស៊ីសងខុសច្បាប់គ្រប់ប្រភេទ ។ គណៈបញ្ជាការឯកភាពរដ្ឋបាលរាជធានី ខេត្ត ក្រុង ស្រុក ខណ្ឌ ត្រូវចាត់វិធានការតឹងរ៉ឹងតាមដែនសមត្ថកិច្ចរបស់ខ្លួនក្នុងការតាមដាន និងហាមឃាត់ការផ្សព្វផ្សាយ និងការចែករំលែកបន្តនូវរូបភាព និងខ្លឹមសារពាក់ព័ន្ធល្បែ.ងស៊ីសងខុសច្បាប់គ្រប់ប្រភេទ ។
ជាមួយគ្នានោះដែរ ឧបនាយករដ្ឋមន្ដ្រី ស សុខា បន្ថែមថា រដ្ឋបាលថ្នាក់ក្រោមជាតិត្រូវជំរុញការអប់រំផ្សព្វផ្សាយដល់ប្រជាពលរដ្ឋឱ្យយល់ដឹងអំពីផលប៉ះពាល់នៃការលេងល្បែ.ងស៊ីសងខុសច្បាប់គ្រប់ប្រភេទ ដើម្បីចូលរួមទប់ស្កាត់ការលេងល្បែ.ងស៊ីសងខុសច្បាប់ដែលជាផ្នែកមួយនៃការអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» របស់រាជរដ្ឋាភិបាល ។
សូមជម្រាបថា ការចេញសារាចរណ៍របស់ក្រសួងមហាផ្ទៃនេះគេសង្កេតឃើញថា នៅលើបណ្តាញសង្គមមានការផ្សាយពីរការបង្កើតគណនេយ្យលេងមាន់ជល់តាមអនឡាញ លេងឆ្នោតផ្សងសំណាងជាដើម ។ ការផ្សាយពីល្បែ.ងអនឡាញនេះគេសង្កេតឃើញថា ម្ចាស់គណនេយ្យដាក់រូបល្បែ.ង រូបមនុស្សស្រី ដើម្បីធ្វើការទាក់ទាញឲ្យមានអ្នកលេង៕
ចែករំលែកព័តមាននេះ