ក្មេងស្រីមួយរូបកំពុងធ្វើអោយមហាជនចាប់អារម្មណ៍ទៅលើរូបនាងជាខ្លាំង ដោយសារតែនាងជាក្មេងបញ្ហាសុខភាពកំណើតក៏ពិតមែន តែទឹកចិត្តនាងមុះមុត និងក្លាហានប្រឹងសិក្សាជាខ្លាំង ។ ជាការពិត ការសិក្សាពិតជាមានសារៈសំខាន់ណាស់ ចំពោះមនុស្សគ្រប់រូប ជាពិសេសកុមារ ដូចជា…
ក្មេងស្រីមួយរូបកំពុងធ្វើអោយមហាជនចាប់អារម្មណ៍ទៅលើរូបនាងជាខ្លាំង ដោយសារតែនាងជាក្មេងបញ្ហាសុខភាពកំណើតក៏ពិតមែន តែទឹកចិត្តនាងមុះមុត និងក្លាហានប្រឹងសិក្សាជាខ្លាំង ។
ជាការពិត ការសិក្សាពិតជាមានសារៈសំខាន់ណាស់ ចំពោះមនុស្សគ្រប់រូប ជាពិសេសកុមារ ដូចជា ក្មេងស្រីរូបនេះទៀតសោត ទោះនាងពិការស្វិតមួយចំហៀងខ្លួន តាំងពីកំណើតក៏ពិតមែន តែនាងមិនដែលបោះបង់ការសិក្សា និងព្យាយាមរៀនសូត្រដោយមូលហេតុបែបនេះ ។
តស់មកដឹងពីនាងរូបនេះ ក្រោយពេលគណនីមួយឈ្មោះ ឆេ ស៊ីវឡាង ដែលជាអ្នកគ្រូបន្ទុកថ្នាក់បានបង្ហាះពីនាងក្នុងបណ្តាញសង្គម Tik Tok ថា « អូនជាក្មេងពិការស្វិតមួយចំហៀងខ្លួន តាំងពីកំណើត ប៉ុន្តែ អូនក៏អាចមករៀនបានធម្មតាដូចគេដែរ អាចមករៀនបានធម្មតាថែមទាំងចេះអាន យ៉ាងពូកែទៀតផង អូនជាក្មេងឧស្សាហ៍ព្យាយាម ខិតខំប្រឹងប្រែងរៀនសូត្រ មករៀនទៀងទាត់មិនដែលខានមួយថ្ងៃណាឡើយ សាលាបឋមសិក្សាបឹងជង្រុកតេជោ ឈ្នះឈ្នះ ថ្នាក់ទី២ (ខ) គ្រូបង្រៀនជនបទ» ។
តាមរយៈបទសម្ភាសន៍ជាមួយសារព័ត៌មានកោះសន្តិភាព អ្នកគ្រូ ឆេ ស៊ីវឆេង ដែលបង្រៀននៅសាលាបឋមសិក្សាបឹងជង្រុកតេជោ ឈ្នះឈ្នះបានជម្រាប់ជូនថា កូនសិស្សរូបនេះមានឈ្មោះថា ផាត សោភណ្ឌ រៀនថ្នាក់ទី២ សម្រាប់ការសិក្សារបស់នាង គឺល្អប្រសើរ ទោះបីជានាងមានបញ្ហាសុខភាព កាលពីកន្លងទៅក៏ដោយ ។
អ្នកគ្រូ ឆេ ស៊ីវឆេង ដែលបង្រៀននៅសាលាបឋមសិក្សាខាងដែលស្ថិតក្នុងភូមិបឹងជង្រុកតេជោ ឈ្នះឈ្នះ ឃុំទួលពង្រ ស្រុកម៉ាល័យ ខេត្តបន្ទាយមានជ័យ បន្តទៀតថា ស្ថានភាពគ្រួសារនាងតូចរូបនេះ គឺម្តាយឪពុកនាងទៅធ្វើការនៅប្រទេសថៃ នាងរស់នៅជាមួយជីដូនជីតាចំចាស់ ហើយជារៀងរាល់ថ្ងៃនាងបានបងប្រុសជូនមកសាលារៀន ។ ក្នុងថ្នាក់ទី២ «ខ» នៃបឋមសិក្សាបឹងជង្រុកតេជោឈ្នះឈ្នះ ដែលអ្នក គ្រូ ឆេ ស៊ីវឡាង ដែលអ្នគ្រូទទួលបន្ទុកបង្រៀន គឺអ្នកគ្រូថា មានភាពល្អប្រសើរ ខណៈពេលមានការយកចិត្តទុកដាក់ពីថ្នាក់ដឹកនាំដូចក្មេងស្រីដែលស្វិតមួយចំហៀងខ្លួននេះទៀតសោត គឺតែងទទួលការយកចិត្តដាក់ពីលោកគ្រូអ្នកគ្រូ និងថ្នាក់ដឹកនាំជាដើមនោះ ។
គួរបញ្ជាក់ដែរថា ក្រោយការបង្ហោះពីនាងតូច ផាត សោភណ្ឌ ឃើញមានបងប្អូនអ្នកប្រើប្រាស់បណ្តាញសង្គមជាច្រើន បានសម្តែងការលើកទឹកចិត្តដល់នាង ខណៈនាងតូចមានការខិតខំប្រឹងជាមួយការសិក្សា ទោះម្តាយឪពុកធ្វើការនៅឆ្ងាយ រស់នៅជាមួយជីដូនចាស់ក៏ដោយ ៕ ដោយ ៖លីហួ គីមឆាយ
ចែករំលែកព័តមាននេះ