រាជធានីភ្នំពេញ ៖ ការងារជាចៅក្រមឬអាជ្ញាកណ្ដាលកីឡាប្រដាល់នៅលើសង្វៀន បើទោះជាគេមើលឃើញថា ជាការងារទទួលសម្ពាធខ្លាំង ក៏ការងារនេះមិនទទួលបានប្រាក់កម្រៃខ្ពស់ និងឆាប់ល្បីឈ្មោះដូចកីឡាករនោះទេ ធ្វើឱ្យស្ថាប័នកីឡាប្រដាល់នៅកម្ពុជាខ្វះធនធានមួយនេះនៅឡើយដោយសារអ្នកចាប់អាជីពអាជ្ញាកណ្ដាល និងចៅក្រមប្រដាល់ភាគច្រើនជាអតីតកីឡាករចាស់វស្សាបាត់បង់សមត្ថភាពប្រកួតលើសង្វៀន ឬជាអ្នកចូលនិវត្តន៍ដោយសារតែចូលវ័យចំណាស់…
រាជធានីភ្នំពេញ ៖ ការងារជាចៅក្រមឬអាជ្ញាកណ្ដាលកីឡាប្រដាល់នៅលើសង្វៀន បើទោះជាគេមើលឃើញថា ជាការងារទទួលសម្ពាធខ្លាំង ក៏ការងារនេះមិនទទួលបានប្រាក់កម្រៃខ្ពស់ និងឆាប់ល្បីឈ្មោះដូចកីឡាករនោះទេ ធ្វើឱ្យស្ថាប័នកីឡាប្រដាល់នៅកម្ពុជាខ្វះធនធានមួយនេះនៅឡើយដោយសារអ្នកចាប់អាជីពអាជ្ញាកណ្ដាល និងចៅក្រមប្រដាល់ភាគច្រើនជាអតីតកីឡាករចាស់វស្សាបាត់បង់សមត្ថភាពប្រកួតលើសង្វៀន ឬជាអ្នកចូលនិវត្តន៍ដោយសារតែចូលវ័យចំណាស់ ។
កង្វះធនធានខាងលើត្រូវគេមើលឃើញតាមរយៈក្នុង១កម្មវិធីអាជ្ញាកណ្ដាលឬចៅក្រម១រូបត្រូវធ្វើអាជ្ញាកណ្ដាល២-៣គូ និងចៅក្រមផងទទួលបានប្រាក់កម្រៃ១០មុឺនរៀលស្មើនឹង២៥ដុល្លារប៉ុណ្ណោះនាពេលបច្ចុប្បន្ន ។ ទោះបីយ៉ាងណាតាមការស្ទាបស្ទង់ អាជ្ញាកណ្ដាល និងចៅក្រមប្រដាល់ភាគច្រើនបានពេញចិត្តនឹងការងារមួយនេះ ដោយពួកគាត់ខិតខំបំពេញការងារប្រកបដោយវិជ្ជាជីវៈរហូតទទួលបានការទុកចិត្តពីមហាជន និងមេកោយ ឱ្យធ្វើអាជ្ញាកណ្ដាលក្នុងកម្មវិធីធំៗនិងតែងបង្ហាញខ្លួនស្ទើរគ្រប់កម្មវិធីប្រដាល់ធ្វើឱ្យមានកេរ្តិ៍ឈ្មោះល្អនៅក្នុងពិភពប្រដាល់ដូចជាលោកម៉ាក់ សាមឿន ជាដើម។
លោកម៉ាក់ សាមឿន ត្រូវជាកូនប្រុសបង្កើតរបស់លោកតាញ៉ូវ ម៉ាក់ ដែលជាអតីតកីឡាករប្រដាល់ក្បាច់គុនបូរាណខ្មែរជើងចាស់ម្នាក់ និងជាស្ថាបនិកក្លិបតាឡីដំរីព្រិច ហើយត្រូវបានប្ដូរឈ្មោះមកជាក្លិបតាឡីដំរីមានរិទ្ធរហូតមកទល់បច្ចុប្បន្ន ដែលក្លិបនេះកកើតឡើងតាំងពីឆ្នាំ១៩៩៣មកម្លេ៉ះ ខណៈលោកតាក៏មានអាយុ៨០ឆ្នាំហើយដែរ ។ លោកជាអតីតកីឡាករប្រដាល់ជើងចាស់និងល្បីឈ្មោះមួយរូបដែរ នៅក្លិបតាឡីដំរីមានរិទ្ធ ជាមួយកីឡាករផល សោភ័ណ្ឌ ដោយបានឡើងសង្វៀនប្រកួតតាំងពីអាយុ៦ឆ្នាំ។ តាំងពីរូបលោកចាប់អាជីពជាកីឡាករប្រដាល់ លោកមិនដែលបានចូលរួមប្រកួតដណ្ដើមពានរង្វាន់របស់ក្រុមហ៊ុនម្ដងណានោះទេ តែលោកធ្លាប់ឆ្លងកាត់ការប្រកួតពានរង្វាន់ថ្នាក់ជាតិដណ្ដើមបានមេដាយជាច្រើនគ្រឿង ។
ប៉ុន្តែលោកបានលាឈប់ពីអាជីពកីឡាករប្រដាល់នៅក្នុងឆ្នាំ២០១២ និងបានចាប់់អាជីពជាមន្ត្រីអាជ្ញាកណ្ដាល ព្រមទាំងរៀបការប្រពន្ធនៅអាយុ២៧ឆ្នាំ។
លោក ម៉ាក់ សាមឿន បច្ចុប្បន្នជាមន្ត្រីអាជ្ញាកណ្ដាលក្មេងជាងគេប្រចាំសហព័ន្ធកីឡាប្រដាល់ ។
ដោយសារតែលោកមានទេពកោសល្យពីធម្មជាតិស្រាប់ និងការស្រឡាញ់ចូលចិត្តទៀតផងនោះ មិនយូរប៉ុន្មានលោកបានក្លាយជាអាជ្ញាកណ្ដាលឆ្នើមមួយរូប ។ រាល់ការកាត់កាត់ក្ដីរបស់លោកមិនដែលទទួលរងការរិះគន់ដោយប្រការណាមួយ ឬធ្វើឱ្យមានការថ្នាំងថ្នាក់ចិត្តពីមហាជននោះឡើយ រហូតទទួលបានការបោះឆ្នោតគាំទ្រពីមហាជននៅក្នុងឆ្នាំ២០១៩ជាមន្ត្រីអាជ្ញាកណ្ដាលឆ្នើមទៀតផង ។ មូលហេតុនេះហើយបានជារូបលោកត្រូវបានសហព័ន្ធកីឡាប្រដាល់តម្រូវឱ្យរូបលោកចល័តដើរធ្វើជាអាជ្ញាកណ្ដាលស្ទើរតែគ្រប់សង្វៀនប្រដាល់ ជាពិសេសក្នុងកម្មវិធីប្រកួតកីឡាប្រដាល់ជាលក្ខណៈអន្តរ
ជាតិ និងថ្នាក់ជាតិធំៗថែមទៀត។
លោកម៉ាក់ សាមឿន បានប្រាប់ថា ការក្លាយជាអាជ្ញាកណ្ដាលដ៏មានជំនាញបែបនេះ ក៏ដោយសារតែរូបលោកតែងលួចមើលរៀមច្បងចាស់ៗដែលពួកគាត់បានអនុវត្តនៅលើសង្វៀន ដូចជាលោកគ្រូទ្រឿង សុះសាយ លោកគ្រូ ជ័យ ប៊ុនឈឿ ជាដើម គួបផ្សំជាមួយនឹងការស្រឡាញ់ចូលចិត្តនឹងការងារមួយនេះ។
អ្វីដែលធ្វើឱ្យរូបលោកកាន់តែមានភាពច្បាស់លាស់នឹងការងារប្រកបទៅក្រមសីលធម៌និងវិជ្ជាជីវៈត្រឹមត្រូវថែមទៀត ក៏ព្រោះតែលោកធ្លាប់បានឆ្លងកាត់វគ្គសិក្សាជាមន្ត្រីចៅក្រមអាជ្ញាកណ្ដាលជាច្រើនលើក ។ លោកក៏ជានិស្សិតបញ្ចប់ការសិក្សាថ្នាក់បរិញ្ញាបត្រនៅសាកលវិទ្យាល័យជាតិគ្រប់គ្រងផងដែរ ។លោក ម៉ាក់ សាមឿន បានប្រាប់ឱ្យដឹងទៀតថា ទោះបីជាក្រុមគ្រួសាររបស់លោកមានជីវភាពល្អប្រសើរយ៉ាងណាក៏ដោយ តែលោកនៅតែមិនបោះបង់ចោលការងារជាមន្ត្រីអាជ្ញាកណ្ដាលនេះបានដែរ ព្រោះលោកស្រឡាញ់ចូលចិត្តតាំងពីយូរមកហើយ ។ លោកថា ចាប់តាំងពីចាប់ដៃគ្នារួមរស់ជាប្ដី-ប្រពន្ធជាមួយអ្នកស្រីវ៉ាន់ សុខា អស់រយៈពេលជាច្រើនឆ្នាំកន្លងមកនេះ លោកទទួលបានចំណងដៃកូនប្រុសចំនួន២នាក់ កូនប្រុសច្បងអាយុ១០ឆ្នាំ និងកូនប្អូនអាយុ៧ឆ្នាំ។
ដោយសារតែកូននៅតូចៗ លោកមិនហ៊ានទុកពេលវេលាឱ្យទំនេរនោះទេ សព្វថ្ងៃក្រៅពីបម្រើការងារជាមន្ត្រីអាជ្ញាកណ្ដាល និងបម្រើការនៅក្នុងក្រុមហ៊ុនឯកជនមួយ លោកក៏ធ្វើជាគ្រូបង្វឹករបស់ក្លិបកីឡាប្រដាល់កងកាំភ្លើងធំ ផងដែរ ដែលមានទីតាំងនៅភូមតាឡី សង្កាត់ដង្កោ ខណ្ខ
ដង្កោ រាជធានីភ្នំពេញ ៕
ចែករំលែកព័តមាននេះ