ខេត្តកំពត ៖ ជនរងគ្រោះចំនួន៦នាក់ បន្ទាប់ពីត្រឡប់មកពីលេងកែបវិញ ស្រាប់តែជួបឧប្បត្តិហេតុគ្រោះថ្នាក់ចរាចរណ៍ ដោយសាររថយន្ដម៉ាកហាយឡែនឌ័រ បើកបរក្នុងទិសដៅពីត្បូងទៅជើង ហើយក៏បើកទៅបុ.កពីក្រោយរថយន្តដឹកថ្មធ្យូងមួយគ្រឿងទៀត ដែលឈប់ស្រប់ទិសគ្នា បណ្ដាលអោយមនុស្ស២នាក់សុទ្ធតែជាស្ត្រីបានបា.ត់ប.ង់ជី.វិ.តភ្លាមៗនៅនឹងកន្លែង…
ខេត្តកំពត ៖ ជនរងគ្រោះចំនួន៦នាក់ បន្ទាប់ពីត្រឡប់មកពីលេងកែបវិញ ស្រាប់តែជួបឧប្បត្តិហេតុគ្រោះថ្នាក់ចរាចរណ៍ ដោយសាររថយន្ដម៉ាកហាយឡែនឌ័រ បើកបរក្នុងទិសដៅពីត្បូងទៅជើង ហើយក៏បើកទៅបុ.កពីក្រោយរថយន្តដឹកថ្មធ្យូងមួយគ្រឿងទៀត ដែលឈប់ស្រប់ទិសគ្នា បណ្ដាលអោយមនុស្ស២នាក់សុទ្ធតែជាស្ត្រីបានបា.ត់ប.ង់ជី.វិ.តភ្លាមៗនៅនឹងកន្លែង និងមនុស្សចំនួន២នាក់ទៀត បានរងរបួសធ្ងន់ ហើយត្រូវបានរថយន្តសង្គ្រោះមន្ទីរពេទ្យបង្អែកស្រុកកំពង់ត្រាច ដឹកយកទៅកាន់មន្ទីរពេទ្យមួយនៅក្រុងភ្នំពេញ ចំណែក៤នាក់ទៀត មិនមានរបួសនោះទេ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង១០យប់ ថ្ងៃទី៣០ ខែតុលា ឆ្នាំ២០២៤ នៅលើកំណាត់ផ្លូវជាតិលេខ៣១ ស្ថិតក្នុងភូមិបឹងធំ ឃុំអង្គសុរភី ស្រុកកំពង់ត្រាច ខេត្តកំពត។
យោងតាមការរបាយការណ៍របស់នគរបាលស្រុក បានអោយដឹងថា ក្រុមគ្រួសារជនរងគ្រោះដែលជិះក្នុងរថយន្តហាយឡែនឌ័រនោះ គឺមានគ្នាចំនួន៦នាក់ ក្នុងនោះមានក្មេងស្រីម្នាក់ផងដែរ បានត្រឡប់មកពីដើរលេងនៅខេត្តកែបវិញ ក្នុងគោលបំណងត្រឡប់ទៅផ្ទះ នៅត្រាំសសរ ឃុំសំរោងលើ ស្រុកបន្ទាយមាស តែទៅមិនទាន់ដល់ផង ក៏ស្រាប់តែជួបរឿងគ្រោះអកុសលនេះតែម្ដងទៅ។
នគរបាលបាននិយាយថា រថយន្តដឹកថ្មធ្យូង ដែលឈប់នោះ គឺខូច ហើយមិនបានដាក់ស្លាកសញ្ញាទេ គ្រាន់តែបើកភ្លើងតែប៉ុណ្ណោះ។ តែទោះបីជាបែបណា អ្នកបើកបរបានរត់គេចខ្លួនបាត់ទៅហើយ នៅតែរថយន្តដឹកថ្មធ្យូង ដែលត្រូវគេស្គាល់ច្បាស់ថា គឺជារថយន្តដែលស្ថិតនៅទីតាំងដាក់រថយន្តជាច្រើនគ្រឿង ក្នុងភូមិឈើទាល ឃុំស្ដេចគង់ខាងលិច ស្រុកបន្ទាយមាស ខេត្តកំពត។
ចែករំលែកព័តមាននេះ