រាជធានីភ្នំពេញ ៖ ម្ចាស់ផ្ទះកំពុងតែដេកលង់លក់ ស្រាប់តែមានអ្នកជិតខាងនាំគ្នាស្រែកផង គោះទ្វារផ្ទះអោយនាំគ្នាងើបជួយយកបំពង់បា.ញ់ទប់ស្កាត់បង្ការកុំអោយការឆាបឆេះរាល បង្កការភ្ញាក់ផ្អើល កាលពីវេលាម៉ោង៣និង២៨នាទីទៀបភ្លឺ ថ្ងៃទី០៣ ខែវិច្ឆិកា ឆ្នាំ២០២៤…
រាជធានីភ្នំពេញ ៖ ម្ចាស់ផ្ទះកំពុងតែដេកលង់លក់ ស្រាប់តែមានអ្នកជិតខាងនាំគ្នាស្រែកផង គោះទ្វារផ្ទះអោយនាំគ្នាងើបជួយយកបំពង់បា.ញ់ទប់ស្កាត់បង្ការកុំអោយការឆាបឆេះរាល បង្កការភ្ញាក់ផ្អើល កាលពីវេលាម៉ោង៣និង២៨នាទីទៀបភ្លឺ ថ្ងៃទី០៣ ខែវិច្ឆិកា ឆ្នាំ២០២៤ នៅចំណុចមុខសាលាសង្កាត់អូឡាំពិក តាមផ្លូវ២៧៨ សង្កាត់អូឡាំពិក ខណ្ឌបឹងកេងកង ។
ប្រភពព័ត៌មានបានឲ្យដឹងថា មុនដំបូងគ្រាន់តែឆាបឆេះខ្សែភ្លើងតិចតួចទេ ហើយបន្តឆេះរាលដាលរហូតដល់ខ្សែភ្លើងធំប៉ុនកដៃ ក៏ផ្ទុះបែកផ្កាភ្លើងខ្លាំងឡើងកម្ទេចភ្លើងធ្លាក់ចុះមកលើប្រអប់ដាក់កុងទ័រភ្លើង ក៏ឆេះបន្ត រហូតប្រជាពលរដ្ឋមានការភ័យខ្លាចមិនទុកចិត្ត ក៏បានទូរស័ព្ទទៅ៦៦៦របស់ការិយាល័យបង្ការពន្លត់អគ្គិភ័យរបស់ស្នងការដ្ឋាននគរបាលរាជជានីភ្នំពេញ ដើម្បីចេញអន្តរាគមន៍ការពារ ខ្លាចឆេះរាលដាលដល់ផ្ទះប្រជាពលរដ្ឋ តែប្រជាពលរដ្ឋបានយកបំពង់ពន្លត់អគ្គិភ័យតាមផ្ទះមកបា.ញ់ជាបន្តទប់ស្កាត់បឋមសិន ទម្រាំតែរថយន្តពន្លត់អគ្គិភ័យមកដល់ ចំណែកសមត្ថកិច្ចទាក់ទងទៅខាងមន្ត្រីអគ្គិសនីបិទភ្លើងជាមុនផងដែរ ។
សមត្ថកិច្ចបញ្ជាក់ថា ករណីឆ្លងចរន្តអគ្គិសនីខាងលើនេះ មានរថយន្តបង្ការពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញបានមកដល់កន្លែងកើតហេតុចំនួន២គ្រឿង តែប្រើប្រាស់ទឹកតែបន្តិចដោយសារបងប្អូនប្រជាពលរដ្ឋនាំគ្នាយកបំពង់ពន្លត់អគ្គិភ័យមកបា.ញ់ទប់ស្កាត់ ដូច្នេះបងប្អូនប្រជាពលរដ្ឋទាំងអស់ត្រូវតែតាមផ្ទះនីមួយៗគួរតែមានបំពន្លត់អគ្គិភ័យយ៉ាងតិចក៏១បំពង់ដែរដើម្បីទុកមានហេតុការណ៍ឆាបឆេះយើងអាចបា.ញ់ទប់ស្កាត់បានដូចករណីខាងលើ ។ អគ្គីភ័យខាងលើនេះមិនមានឆេះខូចខាតរបស់ប្រជាពលរដ្ឋនោះទេ ខូចខាតតែសម្ភារ:របស់អគ្គិសនីកម្ពុជាតែប៉ុណ្ណោះ ៕
ចែករំលែកព័តមាននេះ