ខេត្តសៀមរាប ៖ បន្ទាប់ពីឃើញនៅបណ្តាញសង្គមមានមតិមហាជន បានសរសេររិះគន់មកលើកម្លាំងសមត្ថកិច្ច នៃអធិការដ្ឋាននគរបាលក្រុងរុនតាឯក តេជោសែន ដែលបានចុះទៅអនុវត្តចាប់ និងដកហូតសាច់គោ ចំនួន១៥គីឡូ រួចមក…
ខេត្តសៀមរាប ៖ បន្ទាប់ពីឃើញនៅបណ្តាញសង្គមមានមតិមហាជន បានសរសេររិះគន់មកលើកម្លាំងសមត្ថកិច្ច នៃអធិការដ្ឋាននគរបាលក្រុងរុនតាឯក តេជោសែន ដែលបានចុះទៅអនុវត្តចាប់ និងដកហូតសាច់គោ ចំនួន១៥គីឡូ រួចមក នៅរសៀលថ្ងៃទី១ ខែវិច្ឆិកា ឆ្នាំ២០២៤នេះ អធិការដ្ឋាននគរបាលក្រុងរុនតាឯកតេជោសែន បានធ្វើការបំភ្លឺថា ៖ ការអនុវត្តនេះ ដោយមានបណ្តឹងពីប្រជាពលរដ្ឋ និងការស្នើសុំសហការពីខាងមន្ត្រីជំនាញពេទ្យសត្វរបស់មន្ទីរកសិកម្មខេត្ត និងម្ចាស់ទីតាំងសត្វឃាតក្រុងរុនតាឯកសែនជ័យ ឈ្មោះ វាសនា ក្នុងគោលបំណងទប់ស្កាត់ នូវការនាំសាច់គោ ដែលមិនមានប្រភពច្បាស់លាស់ ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ ឬគុណភាពសាច់គោ ។
បន្ទាប់ពីបានពិនិត្យយ៉ាងត្រឹមត្រូវ តាមជំនាញ និងច្បាប់ កម្លាំងអធិការដ្ឋាននគរបាលក្រុងរុនតាឯក តេជោសែន សហការជាមួយមន្ត្រីពេទ្យសត្វ បានដកហូតយកសាច់គោ ចំនួន១៥គីឡូ ពីតូបលក់សាច់គោ ឈ្មោះ យូ ស៊ីនឌីន ភេទប្រុស ដែលនាំយកពីស្រុកស្រីស្នំ មកលក់នៅក្នុងទីតាំងក្រុងរុនតាឯក តេជោសែន ។
ក្រោយពីកម្លាំងអនុវត្តច្បាប់ បានណែនាំដល់ម្ចាស់តូបលក់សាច់គោខាងលើ ម្ចាស់តូបបានយល់ព្រមទទួលស្គាល់កំហុសខុសឆ្គងរបស់ខ្លួន ដោយកម្លាំងសមត្ថកិច្ចគ្រាន់តែធ្វើការអប់រំ និងធ្វើកិច្ចសន្យាប្រគល់សាច់គោ ចំនួន១៥គីឡូ ជូនម្ចាស់វិញហើយ ៕
ចែករំលែកព័តមាននេះ