ខេត្តមណ្ឌលគិរី ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានគូស បញ្ជាក់ថា ទោះបីប្រទេសកម្ពុជា ប្រកាសដកខ្លួនចេញពីកិច្ចសហប្រតិបត្តិការ CLV-DTA…
ខេត្តមណ្ឌលគិរី ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានគូស បញ្ជាក់ថា ទោះបីប្រទេសកម្ពុជា ប្រកាសដកខ្លួនចេញពីកិច្ចសហប្រតិបត្តិការ CLV-DTA ក៏ដោយ ប៉ុន្ដែក្រុមប្រឆាំងជ្រុលនិយម នៅក្រៅប្រទេសបន្តឃោសនាញុះញង់បំភ្លៃការពិត ដើម្បីកេងចំណេញផ្នែកនយោបាយ ។
ថ្លែងចេញពីខេត្តភូមិភាគឦសាន នាឱកាសអញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការទំនប់អូរតេធិបតី ទំនប់សែនសុខដុម និងទំនប់សែនមនោរម្យ នាព្រឹកថ្ងៃទី២៤ ខែតុលា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត បានថ្លែងថា «ខ្ញុំសូមយកពេលនេះលើកឡើងរឿងនេះ (រឿង CLV-DTA) ឥឡូវនៅមានអ្នកនយោបាយមួយចំនួននៅកេ ងចំណេញ ហើយអតីតបក្សប្រឆាំងត្រៀមដឹកនាំទៅកូរ៉េ ដើម្បីដឹកនាំប្រជាពលរដ្ឋ ដើម្បីបញ្ចេញព័ត៌មានពិត ដើម្បីបន្ដរុញ (បញ្ហា CLV-DTA) ។
មូលហេតុអ្វីបានជាយើងដាក់ចេញគោលនយោបាយបែបនេះ (បញ្ចប់ CLV-DTA) ដើម្បីជំរុញការអភិវឌ្ឍខេត្តភូមិភាគឦសានរបស់យើង» ។ សម្តេចមហាបវរធិបតី បានបញ្ជាក់សារជាថ្មីថា កិច្ចសហប្រតិបត្តិការ CLV-DTA មិនមែនជា គម្រោងដើម្បីកាត់ទឹកដីឱ្យប្រទេសជិតខាងឡើយ ។ ផ្ទុយទៅវិញ រយៈពេល២៥ឆ្នាំនៃកិច្ចសហប្រតិបត្តិការនេះ ខេត្តភាគឦសានរបស់ប្រទេសកម្ពុជា ទទួលបានផលប្រយោជន៍ជាច្រើន ។
ជាមួយគ្នានោះដែរ សម្តេចមហាបវរធិបតី បន្ដថា អ្នកនយោបាយប្រឆាំងនៅតែមានមហិច្ឆតាយកកិច្ចសហប្រតិបត្តិការតំបន់អភិវឌ្ឍន៍ត្រីកោណ ធ្វើជាអាជីវកម្មនយោបាយ កេងយកផលចំណេញ ។
ថ្លែងជាសាធារណៈសម្តេចមហាបវរធិបតី បានគូសបញ្ជាក់យ៉ាងដូច្នេះថា «ខ្ញុំសូមយកឱកាសនេះឈរលើកទឹកដីភាគឦសាន អ្វីជាការគួរអស់សំណើចទោះបីជាយើងបានបញ្ជាក់ យើងបានបញ្ចប់ បងប្អូនក៏បានដឹងរាជរដ្ឋាភិបាលបញ្ឈប់ការចូលរួម ប៉ុន្ដែនៅមានអ្នកនយោបាយមួយចំនួននៅបន្ដដុតអាហ្នឹង នៅតែ CLV-DTA ថា រដ្ឋាភិបាលមិនដកចេញរដ្ឋាភិបាលភូតអត់ទេ ។ មិនមានការសហប្រតិបត្តិការក្នុងក្របខ័ណ្ឌអភិវឌ្ឍត្រីកោណ» ។
សម្ដេចមហាបវរធិបតី នាយករដ្ឋមន្ដ្រី បានឱ្យដឹងថា តាមពិតកម្ពុជានឹងត្រូវជាធ្វើម្ចាស់ផ្ទះ នូវកិច្ចប្រជុំ CLV-DTA នៅខែធ្នូ ឆ្នាំ២០២៤ ប៉ុន្ដែដោយសារកម្ពុជាសម្រេចបញ្ចប់នូវកិច្ចស ហប្រតិបត្តិការ CLV-DTA នេះ ទើបមិនមានប្រជុំបែបនេះទេ ។ សម្ដេចថា ការបញ្ចប់កិច្ចសហប្រតិបត្តិការនេះ ដើម្បីបញ្ចប់ភាពសៅហ្មងរវាងប្រជាជន និងប្រជាជន ។
ជាពិសេស ការដុតបំពេញបន្ថែមពីក្រុមប្រឆាំងជ្រុលនិយម ។ សូមជម្រាបថា រាជរដ្ឋាភិបាលកម្ពុជា បានប្រកាសដកខ្លួនចេញពីកិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) កាលពីថ្ងៃទី២០ ខែកញ្ញា ឆ្នាំ២០២៤ បន្ទាប់ពីកិច្ចសហប្រតិបត្តិការ ដែលផ្តួចផ្តើមដោយកម្ពុជានេះត្រូវបានអនុវត្តរយៈពេល២៥ឆ្នាំកន្លងមក ។
ការដកខ្លួនេះ ដើម្បី«ដកអាវុធចេញពីដៃពួកជ្រុលនិយម» កុំឱ្យមានលទ្ធភាពប្រើប្រាស់ CLV-DTA បោកប្រាស់ប្រជាជនកម្ពុជាតទៅទៀត ៕
ចែករំលែកព័តមាននេះ