ខេត្តព្រះសីហនុ ៖ នាពេលកន្លងមក អាជ្ញាធរក្រុងកោះរ៉ុង ជំរុញឲ្យគ្រប់ភាគីពាក់ព័ន្ធទាំងប្រជាពលរដ្ឋ ទាំងភ្ញៀវទេសចរ ក៏ដូចជាវិស័យឯកជន ចូលរួមថែរក្សាអនាម័យបរិស្ថាននៅតាមតំបន់ឆ្នេរ ដើម្បីសោភ័ណ្ឌភាពក្រុងកោះរ៉ុង មានអនាម័យ…
ខេត្តព្រះសីហនុ ៖ នាពេលកន្លងមក អាជ្ញាធរក្រុងកោះរ៉ុង ជំរុញឲ្យគ្រប់ភាគីពាក់ព័ន្ធទាំងប្រជាពលរដ្ឋ ទាំងភ្ញៀវទេសចរ ក៏ដូចជាវិស័យឯកជន ចូលរួមថែរក្សាអនាម័យបរិស្ថាននៅតាមតំបន់ឆ្នេរ ដើម្បីសោភ័ណ្ឌភាពក្រុងកោះរ៉ុង មានអនាម័យ និងបរិស្ថានស្អាត ក្នុងការទាក់ទាញភ្ញៀវទេសចរជាតិ និងអន្តរជាតិ មកលេងកម្សាន្ត ។
ជាក់ស្តែងនៅថ្ងៃទី២២ ខែតុលា ឆ្នាំ២០២៤ ថ្នាក់ដឹកនាំ និងក្រុមការងាររបស់ រីសត នៅក្រុងកោះរ៉ុង បានសហការគ្នាជាក្រុមចូលរួមជាមួយនឹងអាជ្ញាធរក្រុងកោះរ៉ុង ដើរប្រមូលសំរាម និងសម្អាតឆ្នេរ ក្នុងបរិវេណឆ្នេរ កូកូណាត់ ប៉ិច ដែលស្ថិតនៅភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ។
នាឱកាសនោះ អាជ្ញាធរក្រុងកោះរ៉ុង ក៏បានថ្លែងអំណរគុណ និងការសរសើរចំពោះការចូលរួមពីគ្រប់វិស័យពាក់ព័ន្ធ ជាពិសេសវិស័យឯកជន ក្នុងការចូលរួមសម្អាតឆ្នេរ រក្សាអនាម័យបរិស្ថាន នៅក្រុងកោះរ៉ុង ឲ្យបានកាន់តែល្អស្អាត ព្រោះថា កោះរ៉ុង គឺជាក្រុង ដែលមានសក្តានុពលលើវិស័យទេសចរណ៍ដូចនេះហើយសូមឱ្យយើងទាំងអស់គ្នា ចូលរួមដើម្បីថែរក្សាអនាម័យបរិស្ថានក្រុង ឲ្យកាន់តែមានសោភ័ណភាព ក្នុងការទាក់ទាញភ្ញៀវទេសចរណ៍មកលេងកាន់តែច្រើន ៕
ចែករំលែកព័តមាននេះ