អន្តរជាតិ ៖ «បាល់ទាត់» គឺជាកីឡាដ៏ពេញនិយមបំផុតនៅលើពិភពលោក។ ដោយកីឡាមួយប្រភេទនេះ ត្រូវបានប៉ាន់ប្រមាណថាមានអ្នកគាំទ្រច្រើនជាង ៣.៥ពាន់លាននាក់។ ក្រៅអំពីជាកីឡាដ៏ពេញនិយមបំផុតលើពិភពលោក «បាល់ទាត់» ក៏កំពុងតែជាម៉ាស៊ីនបង្កើតប្រាក់ចំណូលដ៏សំខាន់សម្រាប់ក្លិប ម្ចាស់ក្លិប ដៃគូពាណិជ្ជកម្ម ក្រុមហ៊ុនពាក់ព័ន្ធជាច្រើនផ្សេងទៀត គ្រូបង្វឹក និងកីឡាករលើផ្ទាល់តែម្តង ជាមួយថ្លៃពលកម្មដ៏ច្រើនសន្ធឹកសន្ធាប់ ជាពិសេសបាល់ទាត់សម័យទំនើបនាពេលបច្ចុប្បន្ននេះ។

ខាងក្រោមគឺជាបញ្ជីកីឡាករបាល់ទាត់ទាំង១០រូប ដែលមានថ្លៃពលកម្មខ្ពស់បំផុតនៅលើពិភពលោក នាពេលបច្ចុប្បន្ន ដែលចងក្រងឡើងដោយគេហទំព័រ Wealth ៖

១-ខ្សែប្រយុទ្ធសញ្ជាតិព័រទុយហ្គាល់ Cristiano Ronaldo ក្លិប Al Nassr នៅលីគកំពូលអារ៉ាប៊ីសាអូឌីត Saudi Pro League គឺជាកីឡាករបាល់ទាត់មានថ្លៃពលកម្មខ្ពស់បំផុតនៅលើពិភពលោក ដែលគិតជាសប្តាហ៍ចំនួន ៤,២៦៥,៣១៨ដុល្លារអាមេរិក និងប្រមាណ២០០លានដុល្លារក្នុងមួយឆ្នាំ

២-ខ្សែប្រយុទ្ធសញ្ជាតិបារាំង Karim Benzema ក្លិប Al-Ittihad នៅលីគកំពូលអារ៉ាប៊ីសាអូឌីត Saudi Pro League ដែលថ្លៃពលកម្មគិតជាសប្តាហ៍ចំនួន ២,១៣២,៦៥៨ដុល្លារ និងប្រមាណ ១២០លានដុល្លារក្នុងមួយឆ្នាំ

៣-ខ្សែប្រយុទ្ធសញ្ជាតិប្រេស៊ីល Neymar Jr. ក្លិប Al Hilal លីគកំពូលអារ៉ាប៊ីសាអូឌីត Saudi Pro League ដែលថ្លៃពលកម្មគិតជាសប្តាហ៍ចំនួន ២,១៣២,៦៥៨ដុល្លារ និងប្រមាណ ១២០លានដុល្លារក្នុងមួយឆ្នាំ

៤-ខ្សែបម្រើប្រយុទ្ធស្លាបស្តាំសញ្ជាតិអាល់ហ្សេរី Riyad Mahrez ក្លិប Al Ahli នៅលីគកំពូលអារ៉ាប៊ីសាអូឌីត Saudi Pro League ដែលថ្លៃពលកម្មគិតជាសប្តាហ៍ចំនួន ១,១១៣,២៤៧ដុល្លារ និងប្រមាណជិត ៦០លានដុល្លារក្នុងមួយឆ្នាំ

៥-ខ្សែប្រយុទ្ធសញ្ជាតិសេណេហ្គាល់ Sadio Mané ក្លិប Al Nassr លីគកំពូលអារ៉ាប៊ីសាអូឌីត Saudi Pro League ដែលថ្លៃពលកម្មគិតជាសប្តាហ៍ចំនួន ៨៥៣,០៦៤ដុល្លារ និងប្រមាណជាង ៤៥លានដុល្លារក្នុងមួយឆ្នាំ

៦-ខ្សែបម្រើសញ្ជាតិហូឡង់ Frenkie de Jong ក្លិប Barcelona លីគកំពូលអេស្ប៉ាញ La Liga ដែលថ្លៃពលកម្មគិតជាសប្តាហ៍ចំនួន ៧៩៩,៧៤៧ដុល្លារ និងប្រមាណជិត ៤០លានដុល្លារក្នុងមួយឆ្នាំ

៧-ខ្សែការពារសញ្ជាតិសេណេហ្គាល់ Kalidou Koulibaly ក្លិប Al Hilal លីគកំពូលអារ៉ាប៊ីសាអូឌីត Saudi Pro League ដែលថ្លៃពលកម្មគិតជាសប្តាហ៍ចំនួន ៧៤០,០៣២ដុល្លារ និងប្រមាណ ៣៦លានដុល្លារក្នុងមួយឆ្នាំ

៨-ខ្សែប្រយុទ្ធសញ្ជាតិប៉ូឡូញ Robert Lewandowski ក្លិប Barcelona នៅលីគកំពូលអេស្ប៉ាញ La Liga ដែលមានថ្លៃពលកម្មគិតជាសប្តាហ៍ចំនួន ៧១០,៨១៥ដុល្លារ និងប្រមាណ ៣៥លានដុល្លារក្នុងមួយឆ្នាំ

៩-ខ្សែប្រយុទ្ធសញ្ជាតិបារាំង Kylian Mbappé ក្លិប Real Madrid លីគកំពូលអេស្ប៉ាញ La Liga ដែលមានថ្លៃពលកម្មគិតជាសប្តាហ៍ចំនួន ៦៦៦,៤៥៦ដុល្លារ និងប្រមាណ ៣៤លានដុល្លារក្នុងមួយឆ្នាំ

១០-ខ្សែប្រយុទ្ធសញ្ជាតិអង់គ្លេស Harry Kane ក្លិប Bayern Munich នៅលីគកំពូលអាល្លឺម៉ង់ Bundesliga ដែលមានថ្លៃពលកម្មគិតជាសប្តាហ៍ចំនួន ៥៣៣,១៦៤ដុល្លារ និងប្រមាណ ២៨លានដុល្លារក្នុងមួយឆ្នាំ៕ ប្រភព ៖ Wealth