ខេត្តបន្ទាយមានជ័យ ៖ អគ្គិភ័យបានឆាបឆេះបន្ទប់ដាក់សម្ភារៈដែលរងការខូចខាតអស់ស្ទើរទាំងស្រុង ហើយមូលហេតុអាចបណ្តាលមកពីឆ្លងចរន្តអគ្គិសនីរយៈពេលជិតម៉ោងទើបរលត់វិញ កើតឡើងកាលពីយប់ថ្ងៃទី១៤ ខែតុលា ឆ្នាំ២០២៤ ស្ថិតនៅចំណុចអេផ្លាស់ ក្នុងភូមិក្បាលស្ពានពីរ សង្កាត់អូរជ្រៅ…
ខេត្តបន្ទាយមានជ័យ ៖ អគ្គិភ័យបានឆាបឆេះបន្ទប់ដាក់សម្ភារៈដែលរងការខូចខាតអស់ស្ទើរទាំងស្រុង ហើយមូលហេតុអាចបណ្តាលមកពីឆ្លងចរន្តអគ្គិសនីរយៈពេលជិតម៉ោងទើបរលត់វិញ កើតឡើងកាលពីយប់ថ្ងៃទី១៤ ខែតុលា ឆ្នាំ២០២៤ ស្ថិតនៅចំណុចអេផ្លាស់ ក្នុងភូមិក្បាលស្ពានពីរ សង្កាត់អូរជ្រៅ ក្រុងប៉ោយប៉ែត។
កម្លាំងនគរបាលបង្ការ និងពន្លត់អគ្គិភ័យក្រុងប៉ោយប៉ែតបានប្រាប់ថា នៅពេលអគ្គិភ័យឆាបឆេះបានប្រើប្រាស់រថយន្តអន្តរាគមន៍ពន្លត់ចំនួន៣គ្រឿង មានរថយន្តពន្លត់អគ្គិភ័យអធិការដ្ឋាន
នគរបាលក្រុងប៉ោយប៉ែត១គ្រឿង និងរថយន្តពន្លត់អគ្គិភ័យរដ្ឋបាលក្រុងប៉ោយប៉ែត១គ្រឿង និងរថយន្តពន្លត់អគ្គីភ័យក្រុមសង្គ្រោះ១គ្រឿង ដែលមានកម្លាំងនគរបាល កងរាជអាវុធហត្ថ យោធាវិញតំបន់ប្រតិបត្តិការសឹងរងក្រុងប៉ោយប៉ែត រួមជាមួយប្រជាពលរដ្ឋដែលប្រើប្រាស់បំពង់ពន្លត់អគ្គីភ័យជួយអន្តរាគមន៍បាញ់ពន្លត់រយៈពេលជិតកន្លៈម៉ោង។
កម្លាំងនគរបាលបានបញ្ជាក់ថា អគ្គិភ័យដែលឆាបឆេះអាចបង្កដោយឆ្លងចរន្តអគ្គិសនីទើបបណ្តាលឆាបឆេះបន្ទប់ដាក់សម្ភារអនឡាញដែលទុកចោល ដែលបណ្តាលខូចខាតអស់ស្ទើរទាំងស្រុង តែមិនបណ្តាលឱ្យឆេះរាលទៅដល់បន្ទប់អ្នកជិតខាងទេ ព្រោះបន្ទប់ដាក់សម្ភារនៅក្រោមអគារជួលសម្រាប់បុគ្គលិកធ្វើការស្នាក់នៅ តែសំណាងជួយអន្តរាគមន៍ទាន់ពេល។
កម្លាំងនគរបាលបង្ការនិងពន្លត់អគ្គិភ័យបានបញ្ជាក់ថា អគិ្គភ័យដែលឆាបឆេះប្រើប្រាស់រថយន្តពន្លត់អគ្គិភ័យចំនួន៣គ្រឿង និងកម្លាំងអន្តរាគមន៍រួមជាមួយប្រជាពលរដ្ឋនៅក្បែរបានជួយបាញ់ពន្លត់ទាំងរថយន្តពន្លត់ និងប្រើប្រាស់បាញ់បំពង់ពន្លត់ ទើបគ្រប់គ្រងស្ថានការណ៍ និងរលត់ទាំងស្រុង ។
ចែករំលែកព័តមាននេះ