ខេត្តបាត់ដំបង ៖ យុវជនម្នាក់បានស្លាប់ រីឯម្នាក់ទៀតរងរបួស ដោយសាររន្ទះបាញ់ពេលកំពុងជ្រកក្រោមដើមឈើ កាលពីវេលាម៉ោង៣រសៀលថ្ងៃទី ១៤ តុលា នៅចំណុចវាលស្រែមួយកន្លែង ក្នុងភូមិគោកអំពិល…
ខេត្តបាត់ដំបង ៖ យុវជនម្នាក់បានស្លាប់ រីឯម្នាក់ទៀតរងរបួស ដោយសាររន្ទះបាញ់ពេលកំពុងជ្រកក្រោមដើមឈើ កាលពីវេលាម៉ោង៣រសៀលថ្ងៃទី ១៤ តុលា នៅចំណុចវាលស្រែមួយកន្លែង ក្នុងភូមិគោកអំពិល ឃុំភ្នំសំពៅ ស្រុកបាណន់ តែអ្នករបួសបានដឹងខ្លួនវិញហើយ ។
លោក សំ វីរៈ អធិការស្រុកបាណន់បានឲ្យដឹងថា ជនរងគ្រោះទាំង២នាក់ ម្នាក់ឈ្មោះ ឈឿត ថាវ ភេទប្រុស អាយុ១៩ឆ្នាំ (ស្លាប់) និងម្នាក់ទៀតឈ្មោះ ពៅ ស៊ីមិន ភេទប្រុស អាយុ២២ឆ្នាំ (របួស) ពួកគេរស់នៅភូមិ-ឃុំកើតហេតុខាងលើ ។
លោកអធិការបានបញ្ជាក់ថា ជនរងគ្រោះទាំង០២នាក់ទៅភ្ជួរស្រែ ។ ប៉ុន្តែនៅពេលមេឃរលឹម ជនរងគ្រោះក៏នាំគ្នាសម្រាក ហើយជ្រកក្រោមដើមឈើលើភ្លឺស្រែនៅក្បែរនោះ ស្រាប់តែមានផ្គររន្ទះបាញ់ ក៏ត្រូវជនរងគ្រោះទាំង០២នាក់ ធ្វើឲ្យស្លាប់ម្នាក់នៅកន្លែងកើតហេតុ រីឯម្នាក់ទៀតរងរបួស តែពេលនេះអ្នករបួសបានដឹងខ្លួនវិញហើយ។
បើតាមអ្នកភូមិបាននិយាយថា ជនរងគ្រោះទាំង០២នាក់ បានសម្រាកពីភ្ជួរស្រែនៅពេលឃើញមេឃងងិតរកភ្លៀង ។ ប៉ុន្តែពួកគេមិនទាន់បាននាំគ្នាមកផ្ទះទេ គឺនាំគ្នាទៅគ្រមក្រោមដើមឈើនៅក្បែរនោះសិន។ ប្រភពដដែលបានបញ្ជាក់ថា ពេលពួកគេរត់ទៅជក្រភ្លៀងក្រោមដើមឈើ ហើយរំពេចនោះក៏ត្រូវរន្ទះបាញ់ពួកគេទាំង០២នាក់ បណ្ដាលឲ្យស្លាប់ម្នាក់និងរបួសម្នាក់។
សមត្ថកិច្ចក៏បានចុះទៅកាន់ចំណុចកើតហេតុ ដើម្បីពិនិត្យក្រោយពីទទូលបានដំណឹងអកុសល្យនេះ។ សមត្ថកិច្ចនិយាយថា ជនរងគ្រោះម្នាក់បានស្លាប់នៅក្រោមដើមឈើ រីឯម្នាក់ទៀតរបួសសន្លប់មួយដង្ហើមចង្រិត។ យ៉ាងណា ក្រោយពីនិត្យសមត្ថកិច្ចបានធ្វើកំណត់ហេតុ ប្រគល់សាកសពឲ្យទៅក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ