វៀតណាម ៖ ព្រៃឈើខៀវស្រងាត់នៅលើភ្នំជាច្រើន នៅក្នុងតំបន់ភាគខាងជើងប្រទេសវៀតណាម បានប្រែពណ៌ទៅជាប្រផេះក្រៀមក្រំ បន្ទាប់ពីកើតមានភ្លើងឆេះព្រៃជាបន្តបន្ទាប់ បង្កឱ្យមានការបំពុលបរិយាកាសយ៉ាងអាប់អួរ ទៅដល់ប្រជាជនវៀតណាមរាប់ម៉ឺននាក់ ។ បញ្ហានេះ…
វៀតណាម ៖ ព្រៃឈើខៀវស្រងាត់នៅលើភ្នំជាច្រើន នៅក្នុងតំបន់ភាគខាងជើងប្រទេសវៀតណាម បានប្រែពណ៌ទៅជាប្រផេះក្រៀមក្រំ បន្ទាប់ពីកើតមានភ្លើងឆេះព្រៃជាបន្តបន្ទាប់ បង្កឱ្យមានការបំពុលបរិយាកាសយ៉ាងអាប់អួរ ទៅដល់ប្រជាជនវៀតណាមរាប់ម៉ឺននាក់ ។
បញ្ហានេះ ត្រូវគេចាត់ថា ជាកេរិ៍ដំណែលដែលកើតចេញពីការវា.យប្រហារនៃព្យុះទីហ្វុង Yagi នៅលើភូមិភាគខាងជើង ប្រទេសវៀតណាម កាលពីដើមខែកញ្ញា ហើយឈានមកដល់ពេលនេះព្យុះនេះបានបន្សល់ទុកនូវកាកសំណល់ព្រៃឈើងា.ប់ងាយឆេះសរុបប្រមាណជាជាង៦លានតោនដែលជាដើមហេតុបង្កហានិភ័យនៃភ្លើងឆេះព្រៃយ៉ាងញឹកញប់ទូទាំងតំបន់ភាគខាងជើង ។
យោងតាមការចុះផ្សាយពីសារព័ត៌មានវៀតណាម VN Express នៅថ្ងៃទី០៩ ខែតុលា ឆ្នាំ២០២៤ បានឱ្យដឹងថា ព្រៃឈើធម្មជាតិ និងដំណាំព្រៃឈើសរុប១១៧,០០០ហិកតា ក្នុងខេត្ត Quang Ninh និង ២៦០០ហិកតា នៅខេត្ត Hai Duong ដែលត្រូវបានបំផ្លិចបំផ្លាញដួលរំលំងា.ប់រាប់ដល់ដី កំពុងស្វិតក្រៀមងា.ប់ ស្របពេលដែលអាកាសក្តៅស្ងួតនោះបានបង្កឱ្យមានកើតមានអគ្គិភ័យច្រើនករណី ជំរុញអោយអាជ្ញាធរខេត្តចាត់ឱ្យស្ថាប័ន និងកងកម្លាំងពាក់ព័ន្ធ ជាពិសេសអាជ្ញាធរមូលដ្ឋានត្រូវធ្វើផែនការលម្អិតត្រៀមទាំងកម្លាំង និងសម្ភារៈ ដើម្បីទប់ស្កាត់ការរីករាលដាលនៃភ្លើងឆេះព្រៃ ។
ជាក់ស្តែង ចាប់ពីថ្ងៃទី២៨ ខែកញ្ញា រហូតមកដល់ថ្ងៃទី០៩ ខែតុលានេះ ខេត្ត Quang Ninh មានភ្លើងឆេះព្រៃចំនួន៨ដង នៅលើផ្ទៃដីព្រៃឈើប្រហែល៥៧ហិកតា ដែលជំរុញឱ្យអាជ្ញាធរចល័តកម្លាំងរាប់ពាន់នាក់ ដើម្បីចូលរួមពន្លត់ភ្លើង ។
ដោយឡែកខេត្ត Hai Duong កាលពីរសៀល ថ្ងៃទី៥ ខែតុលា ភ្លើងឆេះព្រៃដ៏ធំមួយបានកើតឡើង នៅលើភ្នំ An Phu ហើយចាប់ពីថ្ងៃទី២៨ ខែកញ្ញា ដល់ថ្ងៃទី៣ ខែតុលា ភ្លើងឆេះព្រៃចំនួន៣ បានកើតឡើងនៅស្រុក Van Don ដោយដុតបំផ្លាញព្រៃឈើអស់៣០ហិកតា ។ ខេត្ត Quang Ninh បានប៉ាន់ប្រមាណថា ការខូចខាតនៃដំណាំព្រៃឈើដែលភាគច្រើន គឺដើមស្រល់ និងដើមអាកាស្យា មានចំនួនជាង ៦៤០០ពាន់លានដុង ដែលស្មើនឹង២៦% នៃទំហំខូចខាតដោយព្យុះក្នុងខេត្តនេះសរុបដោយប៉ះពាល់ដល់គ្រួសារចំនួន២២,០០០ រួមទាំងគ្រួសារដែលបានប្រគល់ដីព្រៃឈើ និងគ្រួសារដែលត្រូវបានប្រគល់ឱ្យដាំព្រៃឈើដោយក្រុមហ៊ុនកែឆ្នៃឈើក្នុងស្រុក ។
ក្នុងពេលដឹកនាំបុគ្គលិកចុះទៅប្រមូលផលដើមអាកាស្យា ដែលដួលរលំ កាលពីរសៀលថ្ងៃទី៨ ខែតុលា តំណាងក្រុមហ៊ុនមួយរូបបានអះអាងថា ព្រៃអាកាស្យាដែលក្រុមហ៊ុនបានដាំជាង៤ពាន់ហិកតា ដែលជិតនឹងប្រមូលផលទៅហើយនោះត្រូវបានបំផ្លាញ៨៥% ដែលបណ្តាលឱ្យបាត់បង់ប្រមាណ៣០០ពាន់លានដុង ។
នាយកដ្ឋានការពារព្រៃឈើ បានស្នើឱ្យគណៈកម្មាធិការប្រជាជនខេត្តដែលរងគ្រោះបញ្ចេញមូលនិធិផ្តល់ទុនបន្ថែមទៅដល់ប្រជាជន ក្នុងគោលដៅជំរុញអោយពួកគេដាំព្រៃឈើឡើងវិញ ដើម្បីស្តារការខូចខាត ។ ដើម្បីដាំដើមឈើឡើងវិញបាននោះការងារចំពោះមុខ គឺត្រូវទប់ស្កាត់ភ្លើងឆេះព្រៃ ដោយការសម្អាតព្រៃឈើដែលងា.ប់អោយអស់ជាមុនសិន ដែលការងារនេះត្រូវបានលោក Cao Tuong Huy អភិបាលខេត្ត Quang Ninh បានចាត់ឲ្យស្រុក ក្រុង ប្រមូលផ្តុំកម្លាំង និងមធ្យោបាយក្នុងការកា.ប់ឆ្ការប្រមូលដើមឈើ ដែលងា.ប់ឱ្យបានចប់សព្វគ្រប់ មុនថ្ងៃទី៣១ ខែតុលា ឆ្នាំ២០២៤ ៕
ចែករំលែកព័តមាននេះ