ខេត្តបាត់ដំបង ៖ ឪពុកចុងមានចិត្តតិរច្ឆានម្នាក់បានចាប់បង្ខំកូនស្រី០២នាក់(កូនចុង)រំលោភសេពសន្ថវៈ ដែលមានអាយុ១២ឆ្នាំ និង១៤ឆ្នាំបានសម្រេចជាបន្តបន្ទាប់ តែទើបបែកធ្លាយរឿងអាស្រូវចុងក្រោយ ក៏ត្រូវកម្លាំងកងរាជអាវុធហត្ថឃាត់ខ្លួន កាលពីវេលាម៉ោង១០ព្រឹកថ្ងៃទី០៧ តុលា 2024…
ខេត្តបាត់ដំបង ៖ ឪពុកចុងមានចិត្តតិរច្ឆានម្នាក់បានចាប់បង្ខំកូនស្រី០២នាក់(កូនចុង)រំលោភសេពសន្ថវៈ ដែលមានអាយុ១២ឆ្នាំ និង១៤ឆ្នាំបានសម្រេចជាបន្តបន្ទាប់ តែទើបបែកធ្លាយរឿងអាស្រូវចុងក្រោយ ក៏ត្រូវកម្លាំងកងរាជអាវុធហត្ថឃាត់ខ្លួន កាលពីវេលាម៉ោង១០ព្រឹកថ្ងៃទី០៧ តុលា 2024 ក្រោយទទូលបណ្ដឹងពីម្ដាយក្មេងស្រី ។
យោងតាមរបាយការណ៍បានឲ្យដឹងថា ជនតិរច្ឆាននោះឈ្មោះ ភឹម គា ហៅសាក់ អាយុ៤១ឆ្នាំ (ឪពុកចុង) រីឯក្មេងស្រីរងគ្រោះម្នាក់អាយុ១៤ឆ្នាំ និងអាយុ១២ឆ្នាំ ជាយុវសិស្សទាំង០២នាក់ (បងប្អូនបង្កើត និង កូនជាកូនប្រពន្ធចុង) ។
របាយការណ៍បានបញ្ជាក់ថា បើតាមការបំភ្លឺពីជនរងគ្រោះថា ឪពុកចុងអប្រិយម្នាក់នេះ បានចាប់បង្ខំពួកនាងច្រើនលើកច្រើនសារហើយ ថែមទាំងគំរាមកំហែងពួកនាងៗ មិនឲយនិយាយប្រាប់ម្ដាយ ឬ អ្នកដទៃទៀតផង ។ មន្ត្រីកងរាជអាវុធហត្ថបានប្រាប់ថា ជនសង្ស័យរូបនេះ ត្រូវកម្លាំងកងរាជអាវុធហត្ថស្រុកភ្នំព្រឹកចុះឃាត់ខ្លួន ក្រោយពីទទូលបណ្ដឹងពីម្ដាយក្មេងស្រីរងគ្រោះទាំង០២នាក់ ។ មន្ត្រីដដែលបានឲ្យដឹងទៀតថា បើតាមចម្លើយក្មេងស្រីរងគ្រោះ ឪពុកចុងនាង ធ្លាប់ល្បូងលួងលោមពួកនាង និងពេលខ្លះចាប់បង្ខំពួកនាងរំលោភសេពសន្ថវៈជាច្រើនលើកហើយមកលើពួកនាង ។
បើតាមចម្លើយក្មេងស្រីរងគ្រោះ ដែលសមត្ថកិច្ចបានសួរនាំ៖ ពេលចាប់បង្ខំរំលោភពួកនាងម្ដងៗ គឺនៅពេលដែលម្ដាយនាងចេញទៅធ្វើការបាត់ពីផ្ទះ ។ បើតាមប្រភពព័ត៌មានពេលចាប់បង្ខំរំលោភនាងម្ដងៗ ជនតិរច្ឆានរូបនេះ តែងគំរាមកំហែងពួកនាងគ្រប់បែបយ៉ាង មិនឲ្យនិយាយប្រាប់ម្ដាយនាង និយាយប្រាប់បងប្អូន ឬអ្នកជិតខាង។ ប៉ុន្តែនៅពេលប្រព្រឹត្តលើកចុងក្រោយ នាងទ្រាំមិនបានក៏ទម្លាយរឿងអាស្រូវប្រាប់ម្ដាយ ទើបម្ដាយនាងទៅប្ដឹងសុំអន្តរាគមន៍ពីកម្លាំងកងរាជអាវុធហត្ថស្រុកភ្នំព្រឹក ឈានដល់ការឃាត់ខ្លួនតែម្ដង ។
បើតាមរបាយការណ៍សមត្ថកិច្ចបានបញ្ជាក់ថា សំណុំរឿងអាស្រូវផ្លូវភេទរវាងឪពុកចុងចិត្តអប្រិយ ជាមួយកូនស្រីប្រពន្ធចុងទាំង០២នាក់ខាងលើនេះ ត្រូវបានបែបធ្លាយ ពេលដែលជននេះចាប់រំលោភនាងលើកចុងក្រោយ នៅថ្ងៃទី០៥ តុលា។ ក្រោយពីដឹងរឿងដ៏អាស្រូវនេះ ម្ដាយក្មេងស្រីក៏ទៅប្ដឹងនៅមូលដ្ឋានកងរាជអាវុធហត្ថស្រុកភ្នំព្រឹក ឲ្យជួយអន្តរាគមន៏ឃាត់ខ្លួនជនទុច្ចរិតនេះតែម្ដង។ ពេលនេះមន្ត្រីជំនាញកំពុងសួរនាំជនសង្ស័យ ដើម្បីចាត់ការតាមនីតិវិធីហើយ ៕
ចែករំលែកព័តមាននេះ