ខេត្តសៀមរាប ៖ កាលពីរសៀលថ្ងៃទី០៣ ខែតុលា ឆ្នាំ២០២៤ មានក្មេងស្រីម្នាក់បានទៅលេងទឹកស្ទឹង ក៏ត្រូវលង់ស្លា.ប់ នៅចំណុចលូរលំ ខាងកើតភូមិដំណាក់ខ្ចាស់ ឃុំសំបួរ…
ខេត្តសៀមរាប ៖ កាលពីរសៀលថ្ងៃទី០៣ ខែតុលា ឆ្នាំ២០២៤ មានក្មេងស្រីម្នាក់បានទៅលេងទឹកស្ទឹង ក៏ត្រូវលង់ស្លា.ប់ នៅចំណុចលូរលំ ខាងកើតភូមិដំណាក់ខ្ចាស់ ឃុំសំបួរ ស្រុក ក្រឡាញ់ ខេត្តសៀមរាប ។
ក្មេងស្រីនោះមាន ឈ្មោះ ឈង់ ស្រីគិញ អាយុ១២ឆ្នាំ រស់នៅភូមិដំណាក់ខ្ចាស់ ឃុំសំបូរ ស្រុកក្រឡាញ់ ខេត្តសៀមរាប ។
បើតាមការបំភ្លឺពីឈ្មោះ លាក់ តង ភេទប្រុស អាយុ៣៧ ឆ្នាំ បានឲ្យដឹងថា នៅថ្ងៃខែខាងលើរូបគាត់ និងឈ្មោះ ប៉ឹប ផាន បាននាំគ្នាទៅមើលគេរាំវង់ នៅខាងកើតភូមិ ដំណាក់ខ្ចាស់ រហូតដល់ថ្ងៃរសៀលបន្តិច ស្រាប់តែលឺសំឡេងស្រែកជួយផងៗ មានមនុស្សលង់ទឹក ភ្លាម ៗ នោះអ្នកដែលទៅមើលគេលេងរាំវង់ ក៏នាំគ្នារត់ទៅជួយ ខ្លះហែលទឹក ខ្លះជិះទូកឈើ ដើម្បីស្វែងរកជនរងគ្រោះ ។ ខណៈពេលដែលបងប្អូនក្រុមអ្នកជួយសង្គ្រោះបានរាវរកឃើញក្មេងស្រីនោះក៏នាំគ្នាស្រង់ឡើងគោក ហើយសាច់ញាតិបានបញ្ជូនទៅមណ្ឌលសុខភាពភ្លាមដែរ តែជាអកុសលពេលដល់មន្ទីរពេទ្យ គ្រូពេទ្យបានបញ្ជាក់ថា ក្មេងស្រីនោះស្លា.ប់បាត់បង់ជីវិតបាត់ទៅហើយ ។
ករណីដាច់ដោយឡែកមួយទៀត នៅខេត្តក្រចេះ មានឧប្បទ្ទវហេតុរន្ទះបា.ញ់ បណ្តាលឲ្យស្លា.ប់កសិករម្នាក់ នៅចំណុចវាលស្រែបឹងប្រាំ ស្ថិតក្នុងភូមិកញ្ជរ ឃុំកញ្ជរ ស្រុកឆ្លូង ខេត្តក្រចេះ ។ ជនរងគ្រោះឈ្មោះ ឆុង ណាច ភេទប្រុស អាយុ៤២ឆ្នាំ មុខរបរកសិករ រស់នៅភូមិ កញ្ជរ ឃុំកញ្ជរ ស្រុកឆ្លូង ខេត្តក្រចេះ ។
ក្រោយទទួលបានព័ត៌មានភ្លាមកម្លាំងសមត្ថកិច្ចនគរបាលគ្រប់ជំនាញបានចុះទៅដល់ កន្លែងកើតហេតុ និងស្រង់សាកស.ពពីក្នុងទឹកដើម្បីពិនិត្យ រួចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ