រាជធានីភ្នំពេញ ៖ ច្បាប់គ្រួសារក៏ជួយកុមារឱ្យមានអារម្មណ៍សុវត្ថិភាពផងដែរ ។ នៅពេលដែលច្បាប់គ្រួសារច្បាស់លាស់ អ្នកនឹងមិនសូវប្រឈមមុខនឹងបញ្ហាការតវ៉ា និងជម្លោះនោះទេ ។ ច្បាប់គ្រួសារវែងពេកអាចក្លាយទៅជាស្មុគស្មាញ និងច្របូកច្របល់…
រាជធានីភ្នំពេញ ៖ ច្បាប់គ្រួសារក៏ជួយកុមារឱ្យមានអារម្មណ៍សុវត្ថិភាពផងដែរ ។ នៅពេលដែលច្បាប់គ្រួសារច្បាស់លាស់ អ្នកនឹងមិនសូវប្រឈមមុខនឹងបញ្ហាការតវ៉ា និងជម្លោះនោះទេ ។ ច្បាប់គ្រួសារវែងពេកអាចក្លាយទៅជាស្មុគស្មាញ និងច្របូកច្របល់ ដូច្នេះសូមព្យាយាមរក្សាបញ្ជីច្បាប់របស់អ្នកឱ្យខ្លី និងសាមញ្ញ ។ ច្បាប់ទាំងនេះអាចរួមបញ្ចូល ដូចជា ៖ កុំយករបស់អ្នកដទៃដោយមិនបានសុំជាមុន, មិនត្រូវវាយ រុញ ឬទាត់គ្នាឡើយ, កុំធ្វើឱ្យប៉ះពាល់ដល់អារម្មណ៍របស់នរណាម្នាក់ និងកុំស្រែក កុំជេរគ្នា ។ អនុវត្តលទ្ធផលផលវិបាកភ្លាមៗ ប្រសិនបើកូនរបស់អ្នកបំពានច្បាប់ទាំងនោះ ។ ការអស់ពេល ឬបាត់បង់សិទ្ធិមើលទូរទស្សន៍ ឬលេងហ្គេម អាចជួយកុមារឱ្យរៀនធ្វើជម្រើសកាន់តែប្រសើរ ។
១. គោះទ្វារ មុនពេលចូល ៖ បង្រៀនកុមារអំពីភាពឯកជនដោយបង្កើតច្បាប់អំពីការគោះទ្វារ មុនពេលចូលក្នុងបន្ទប់របស់នរណាម្នាក់ ។ នេះអាចជួយពង្រឹងគំនិតដែលអ្នកគួរគោរពកន្លែងរបស់អ្នកដទៃ ។
២. ធ្វើការងារខ្លួនឯង ៖ ប្រាប់កូនរបស់អ្នកឱ្យដាក់ចានរបស់ពួកគេនៅកន្លែងលាងចាន នៅពេលគាត់ញ៉ាំរួចរាល់ ឬពន្យល់ថា អ្នករំពឹងថា ពួកគេនឹងរៀបចំរបស់ក្មេងលេងចាស់សិន មុនពេលពួកគេយករបស់ក្មេងលេងថ្មីមកក្រៅ ។ ច្បាប់នេះអាចពង្រឹងសុវត្ថិភាព និងអនាម័យក្នុងគ្រួសារ បូករួមទាំងបង្កើតទម្លាប់ល្អសម្រាប់កូនៗរបស់អ្នកបន្តរស់នៅដោយឯករាជ្យ ។
៣. បម្រាមអេឡិចត្រូនិក ៖ ខណៈពេលដែលគ្រួសារខ្លះកំណត់ម៉ោងអេក្រង់ដល់ពីរបីម៉ោងក្នុងមួយថ្ងៃ អ្នកខ្លះទៀតកំណត់ច្បាប់អំពីពេលវេលាដែលអេឡិចត្រូនិកត្រូវបិទ ។ ការបញ្ឈប់ប្រើគ្រឿងអេឡិចត្រូនិកមុនពេលចូលគេងអាចជួយពង្រឹងការគេងឱ្យបានល្អសម្រាប់ទាំងកុមារ និងឪពុកម្តាយ ដែលអាចឱ្យអ្នកគេងលក់ស្រួលនៅពេលយប់ ។
៤. ទទួលខុសត្រូវពេលធ្វើបាបនរណាម្នាក់ ៖ បង្រៀនកុមារឱ្យទទួលខុសត្រូវចំពោះអាកប្បកិរិយារបស់ពួកគេដោយបង្កើតច្បាប់អំពីរបៀបឆ្លើយតប ប្រសិនបើពួកគេធ្វើបាបនរណាម្នាក់ ។ ពេលខ្លះការសុំទោសអាចគ្រប់គ្រាន់ ហើយនៅពេលផ្សេងទៀតអ្នកប្រហែលជាត្រូវបង្កើតផលវិបាកសម្រាប់កូនរបស់អ្នក ។
៥. ប្រាប់ការពិត ៖ សូមសង្កត់ធ្ងន់លើសារៈសំខាន់នៃភាពស្មោះត្រង់ និងលើកទឹកចិត្តឱ្យកូនរបស់អ្នកនិយាយការពិត ។
៦. អនុវត្តអនាម័យមាត់ធ្មេញ និងរាងកាយឱ្យបានល្អ ៖ ការលាងដៃ ការដុសធ្មេញ និងងូតទឹកត្រូវតែធ្វើឱ្យបានខ្ជាប់ខ្ជួន ដើម្បីសុខភាពល្អ ។ បង្កើតទម្លាប់ទាំងនេះជាច្បាប់ ដើម្បីឱ្យកូនរបស់អ្នកបង្កើតទម្លាប់ល្អ។
៧. ចូលរួមការប្រជុំគ្រួសារ ៖ ការប្រជុំគ្រួសារដែលបានកំណត់ពេលទៀងទាត់អាចជួយអ្នកឱ្យពិនិត្យមើលច្បាប់ កាលវិភាគ និងធ្វើការផ្លាស់ប្តូរណាមួយតាមការចាំបាច់ ។ ខណៈពេលដែលគ្រួសារខ្លះប្រហែលជាចង់រៀបចំការប្រជុំម្តងក្នុងមួយសប្តាហ៍ គ្រួសារផ្សេងទៀតអាចយល់ឃើញថា ការប្រជុំម្តងក្នុងមួយខែ គឺសមរម្យជាង ៕ ប្រភព ៖ parents
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មីសម្រាប់កម្មវិធីចំណេះទូទៅខ្មែរ ពីថ្នាក់មត្តេយ្យ ដល់ថ្នាក់ទី ១២ ចាប់ទទួលចុះឈ្មោះចូលរៀនពីថ្ងៃនេះតទៅ ។ សាលារៀនផ្តល់ជូនអាហារូបករណ៍រហូតដល់ ២០% ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ និងបន្ថែមកម្មវិធីសិក្សាអមអន្តរជាតិ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ