ជួបជុំសាច់ញាតិ ថ្ងៃភ្ជុំបិណ្ឌ ផឹកស៊ីយប់បន្តិចត្រឡប់ទៅផ្ទះវិញក៏ជួបគ្រោះអកុសល
- សៀមរាប
ខេត្តសៀមរាប ៖ បុរសវ័យកណ្តាលម្នាក់ បានស្លា.ប់បាត់បង់ជីវិត នៅវាលស្រែ កាលពីវេលាម៉ោង១០ កន្លះយប់ ថ្ងៃទី០២ ខែតុលា ឆ្នាំ២០២៤…
ខេត្តសៀមរាប ៖ បុរសវ័យកណ្តាលម្នាក់ បានស្លា.ប់បាត់បង់ជីវិត នៅវាលស្រែ កាលពីវេលាម៉ោង១០ កន្លះយប់ ថ្ងៃទី០២ ខែតុលា ឆ្នាំ២០២៤ ស្ថិតចម្ងាយប្រមាណ១០០ម៉ែត្រ ពីភូមិដំរីស្លា.ប់ ឃុំសែនសុខ ស្រុកក្រវាញ ខេត្តសៀមរាប ទំនងបណ្តាលទើបមកពីផឹកស៊ីជួបជុំសាច់ញាតិ ក្នុងថ្ងៃបុណ្យភ្ជុំបិណ្ឌ អាចស្រវឹងជិះម៉ូតូបុកដើមប្រេងខ្យល់ដួលធ្លាក់ទឹកឈ្ល.ក់ស្លា.ប់ ។
ជនរងគ្រោះមានឈ្មោះ វ៉ាត វឿត ភេទប្រុស អាយុ៤៣ឆ្នាំ រស់ នៅភូមិដំរីស្លា.ប់ ឃុំសែនសុខ ស្រុកក្រឡាញ់ ខេត្តសៀមរាប ។
តាមការបំភ្លឺពីឈ្មោះ វឿត វៃ ភេទប្រុស អាយុ២៥ឆ្នាំ ត្រូវជាកូនបង្កើតរបស់ជនរងគ្រោះឲ្យដឹងថា នៅថ្ងៃទី០២ ខែតុលា ឆ្នាំ២០ ២៤ វេលាម៉ោង៧យប់ ខ្លួនបានទៅផឹកស៊ីជាមួយមិត្តភក្តិ នៅក្នុងភូមិ ចំណែកឪពុក (សព) មិនដឹងគាត់ទៅផឹកនៅផ្ទះសាច់ញាតិណាមួយទេ ទៅបាត់តាំងពីព្រលប់ ។ រហូតដល់ម៉ោង១០ កន្លះយប់ ខ្លួនបានត្រឡប់ពីផឹកស៊ីទៅផ្ទះវិញ លុះពេលទៅដល់ខាងកើតភូមិត្រង់ម្ដុំដើមប្រេងខ្យល់ច្រើន ស្រាប់តែឃើញភ្លើងម៉ូតូដួលភ្លឹបផ្លេតៗ ខ្លួនមិនបានឈប់មើលទេក៏ជិះហួសទៅផ្ទះ ។
ពេលទៅផ្ទះមិនអស់ចិត្តខ្លួនបានយកពិលទៅបញ្ចាំងមើល ស្រាប់តែឃើញឪពុកខ្លួនដួលក្បែរដើមប្រេងខ្យល់ក្បាលនៅក្នុងទឹកស្រែ ចំណែកម៉ូតូដួលក្បែរនោះដែរ និងឃើញមានស្នាមជាន់ប្រាំងម៉ូតូអូសជាច្រើនម៉ែត្រ ។ ពេលឃើញបុរសនោះជាឪពុករបស់ខ្លួន ខ្លួនក៏បានស្ទុះទៅលើកគាត់ដាក់លើច្រាំងមាត់ផ្លូវ និងបានស្រែកហៅម្តាយឱ្យជួយ ព្រមទាំងហៅរថយន្តអ្នកភូមិដឹកទៅមន្ទីរពេទ្យបង្អែកស្រុកក្រឡាញ់ភ្លាមៗ តែពេលទៅដល់មន្ទីរពេទ្យ លោកវេជ្ជបណ្ឌិតបានប្រាប់ថា ឪពុកខ្លួនបានស្លា.ប់បាត់បង់ជីវិតទៅហើយ ។
ក្រោយពីមានហេតុការនេះកើតឡើង សមត្ថកិច្ចនគរបាលគ្រប់ជំនាញ ក្រោមការសម្របសម្រួលពីស្ថាប័នអយ្យការអមសាលា ដំបូងខេត្ត បានបង្កើតគណកម្មការចុះទៅពិនិត្យ និងបានប្រគល់សាកស.ពជូនក្រុមគ្រួសារ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ