ខេត្តកំពង់ស្ពឺ៖ កាលពីល្ងាចថ្ងៃទី២១ ខែកញ្ញា ឆ្នាំ២០២៤ ម្សិលមិញនេះ កងកម្លាំងនគរបាលខេត្តកំពង់ស្ពឺ បានចុះពិនិត្យអប់រំណែនាំដល់ក្រុមអាជីវករ ដែលលក់ដូររំសេវគ្រឿងផ្ទុះ ( មានផាវ…
ខេត្តកំពង់ស្ពឺ៖ កាលពីល្ងាចថ្ងៃទី២១ ខែកញ្ញា ឆ្នាំ២០២៤ ម្សិលមិញនេះ កងកម្លាំងនគរបាលខេត្តកំពង់ស្ពឺ បានចុះពិនិត្យអប់រំណែនាំដល់ក្រុមអាជីវករ ដែលលក់ដូររំសេវគ្រឿងផ្ទុះ ( មានផាវ គ្រប់ប្រភេទ ដែលអាចបង្កគ្រោះថ្នាក់ដល់អាយុជីវិត) នៅក្នុងឱកាសបុណ្យភ្ជុំបិណ្ឌចូលមកដល់នេះ។
មន្ត្រីនគរបាលខេត្តកំពង់ស្ពឺបានឱ្យដឹងថា÷ ការចុះពិនិត្យនិងធ្វើការអប់រំណែនាំដល់ក្រុមអាជីវករលក់ដូរនូវគ្រឿងរំសេវ(ផាវ)នេះដោយមានការណែនាំ ចង្អុយបង្ហាញពីលោកឧត្តមសេនីយ៍ស្នងការនគរបាលខេត្តកំពង់ស្ពឺ ដើម្បីឱ្យមានសុខសុវត្ថិភាពនៅក្នុងឱកាសពិធីបុណ្យភ្ជុំបិណ្ឌនេះ។ ពីព្រោះថាគ្រឿងរំសេវ ផាវគ្រាប់ផ្ទុះនេះ(ផាវគ្រាប់បែក)នេះអាចបង្កគ្រោះថ្នាក់ដល់ក្មេងៗដែលទិញយកទៅដុតលេង ធ្វើឱ្យគ្រោះថ្នាក់ដៃជើង និងខ្លះទៀតដល់អាយុជីវិតផងដែរ។
នគរបាលខេត្តបានធ្វើការអំពាវនាវ សូមបងប្អូនកុំទទួលទិញយកមកលក់នូវប្រភេទគ្រឿងរំសេវផ្ទុះបែបនេះ ពីព្រោះជាទំនិញដែលមានការហាមឃាត់ និងបង្កការគ្រោះថ្នាក់ដល់អ្នកដទៃ និងនាំអោយខាតបង់ប្រាក់ផងដែរ។ ហើយសូមបងប្អូនមេត្តាសហការជាមួយសមត្ថកិច្ចអាជ្ញាធរ ក្នុងការទប់ស្កាត់ការលក់ទំនិញប្រភេទនេះ និងកុំទិញយកមកលក់ចែកចាយបន្តទៀត ជៀសវាងមានការគ្រោះថ្នាក់ ៕
ចែករំលែកព័តមាននេះ