ក្រុងកោះរ៉ុង ៖ អាជ្ញាធរនិងសមត្ថកិច្ចនៅសង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុបានឱ្យដឹងថា នៅថ្ងៃទី១៨ ខែកញ្ញា ឆ្នាំ២០២៤ នេះ នៅតំបន់មួយចំនួនក្នុងសង្កាត់កោះរ៉ុងសន្លឹម…
ក្រុងកោះរ៉ុង ៖ អាជ្ញាធរនិងសមត្ថកិច្ចនៅសង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុបានឱ្យដឹងថា នៅថ្ងៃទី១៨ ខែកញ្ញា ឆ្នាំ២០២៤ នេះ នៅតំបន់មួយចំនួនក្នុងសង្កាត់កោះរ៉ុងសន្លឹម មានភ្លៀងធ្លាក់ខ្លាំង បណ្តាលឲ្យមានទឹកជោរជន់ហូរច្រោះបាក់ស្រុតគ្រឹះផ្ទះប្រជាពលរដ្ឋមួយចំនួន និងហូរច្រោះដាច់ផ្លូវ ឆ្នេរ និងហូរច្រោះដួលរលំបង្គោលភ្លើងខ្លះទៀត ។
ស្ថិតក្នុងស្ថានភាពបែបនេះ កម្លាំងប៉ុស្តិ៍នគរបាលរដ្ឋបាលសង្កាត់ សហការជាមួយក្រុមការងាររដ្ឋបាលសង្កាត់កោះរ៉ុងសន្លឹមបានចុះអន្តរាគមន៍ជួយដោះស្រាយបញ្ហាផ្សេងៗជូនពលរដ្ឋ ក្នុងនោះ ក្រុមការងារក៏បានណែនាំដល់បងប្អូនប្រជាពលរដ្ឋបង្កើនការប្រុងប្រយ័ត្ន ចំពោះស្ថានភាពធាតុអាកាសមិនល្អ មានភ្លៀង ខ្យល់ និងរលកសមុទ្រខ្ពស់ ។
ក្រៅពីទីតាំងខាងលើនេះ អាជ្ញាធរក្រុងកោះរ៉ុងក៏បានអំពាវនាវផងដែរ ឲ្យពលរដ្ឋប្រុងប្រយត្ន័រាប់ទាំងការធ្វើដំណើរផ្លូវសមុទ្រ ឬការចេញទៅនេសាទជាដើម ដើម្បីសុវត្ថិភាព ។
មានព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ