ខេត្តបន្ទាយមានជ័យ ៖ មន្ត្រីចម្រុះចុះបង្ក្រាបបទល្មើសនេសាទនៅអាងត្រពាំងថ្ម ចាប់បានឧបករណ៍នេសាទខុសច្បាប់មានអ៊ុយនិងលបកែឆ្នៃ១០២និងស្បៃមុង២,៥០០ម៉ែត្រនៅថ្ងៃទី១៦ ខែកញ្ញា ឆ្នាំ២០២៤ នៅស្រុកភ្នំស្រុក។ លោក ហី រីហាំង…
ខេត្តបន្ទាយមានជ័យ ៖ មន្ត្រីចម្រុះចុះបង្ក្រាបបទល្មើសនេសាទនៅអាងត្រពាំងថ្ម ចាប់បានឧបករណ៍នេសាទខុសច្បាប់មានអ៊ុយនិងលបកែឆ្នៃ១០២និងស្បៃមុង២,៥០០ម៉ែត្រនៅថ្ងៃទី១៦ ខែកញ្ញា ឆ្នាំ២០២៤ នៅស្រុកភ្នំស្រុក។
លោក ហី រីហាំង អភិបាលរងស្រុកភ្នំស្រុកបានប្រាប់ថា៖នៅរដូវបិតឡូនេសាទជាការណែនាំពីឯកឧត្តម អ៊ុ រាត្រី អភិបាលខេត្តបន្ទាយមានជ័យ លោកបានដឹកនាំមន្ត្រីចម្រុះចេញល្បាតនៅអាងត្រពាំងដែលជាតំបន់អភិរក្សត្រី និងសត្វស្លាបដែលកម្រហើយមន្ត្រីចម្រុះចាប់បានបទល្មើសនេសាទមាន សារអ៊ុយចំនួន៧២អ៊ុយ លបកែឆ្នៃ៣០ និងស្បៃមុងប្រវែង២,៥០០ម៉ែត្រនិងលេងកូនត្រីជាច្រើនគីឡូក្រាមចូលក្នុងអាងវិញ។
លោកបានបញ្ជាក់ថា៖អាងត្រពាំងថ្មស្រុកភ្នំស្រុកមានទំហំ១០គីឡូម៉ែត្របួនជ្រុងដែលជាប់ស្រុកចំនួន៣មានខាងកើតស្រុកភ្នំស្រុកនិងខាងលិចស្រុកស្វាយចេកនិងខាងជើងស្រុកថ្មពួក នៅរដូវវស្សាគឺផ្ទៃទឹកមានទំហំធំធេងមើលដាច់កន្ទុយភ្នែកអាងត្រពាំងថ្មជាងតំបន់អភិរក្សត្រីនិងជាតំបន់អភិរក្សាសត្វស្លាបដែលកម្រមករស់នៅដូចជាគ្រៀលក្បាលក្រហម។
លោក ហី រីហាំង បានបញ្ជាក់ថា៖នៅរដូវបិតឡូនេសាទនេះត្រូវបានមន្ត្រីចម្រុះចេញល្បាតបង្ក្រាបបទល្មើសនេសាទជាប្រចាំដើម្បីទប់ស្កាត់បទល្មើសនេសាទនិងការពារអភិរក្សត្រីនិងសត្វស្លាបដែលកម្រហើយបទល្មើសនេសាទដែលបង្ក្រាបបានត្រូវដុតកំទិចចោលនិងបានលេងកូនត្រីទៅក្នុងអាងវិញហើយណែនាំដល់ប្រជាពលរដ្ឋមិនអនុញ្ញាតិអោយនេសាទដោយខុសច្បាប់នៅរដូវបិតនេសាទ ៕
ចែករំលែកព័តមាននេះ