រាជធានីភ្នំពេញ ៖ ស្ត្រីម្នាក់ឈប់ម៉ូតូ ចូលទិញឥវ៉ាន់ភ្លេចដកសោរ ស្រាប់តែចេញមកវិញក៏បាត់ម៉ូតូ ផ្អើលឆោឡោដល់សមត្ថកិច្ចជួយរកមើលតាមប្រព័ន្ធជីភីអេស ប្រដេញតាមរកឃើញវិញនៅផ្លូវរថភ្លើង ។ ហេតុការណ៍នេះបង្កភ្ញាក់ផ្អើល កាលពីវេលាម៉ោង…
រាជធានីភ្នំពេញ ៖ ស្ត្រីម្នាក់ឈប់ម៉ូតូ ចូលទិញឥវ៉ាន់ភ្លេចដកសោរ ស្រាប់តែចេញមកវិញក៏បាត់ម៉ូតូ ផ្អើលឆោឡោដល់សមត្ថកិច្ចជួយរកមើលតាមប្រព័ន្ធជីភីអេស ប្រដេញតាមរកឃើញវិញនៅផ្លូវរថភ្លើង ។
ហេតុការណ៍នេះបង្កភ្ញាក់ផ្អើល កាលពីវេលាម៉ោង ១១ នឹង ៣០នាទីព្រឹកថ្ងៃទី ១១ ខែកញ្ញា ឆ្នាំ២០២៤ នៅត្រង់ចំណុចផ្ទះលក់ឥវ៉ាន់ចាបហួយមួយកន្លែង តាមបណ្តោយផ្លូវវេងស្រេង ដែលស្ថិតក្នុងសង្កាត់ចោមចៅទី០២ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៍មានពីជនរងគ្រោះបានអោយដឹងថា មុនពេលកើតហេតុ គាត់បានជិះម៉ូតូ មួយគ្រឿង ម៉ាក ហុងដាប៊ីត ពណ៍ក្រហមលាយស ពាក់ស្លាកលេខ ភ្នំពេញ 1JK-7644 ជិះម៉ូតូចេញពីការ គោលបំណងទិញឥវ៉ាន់ដើម្បីយកទៅផ្ទះ ។ ខណៈមកដល់ផ្ទះលក់ឥវ៉ាន់ចាបហួយមួយកន្លែង លើផ្លូវវេងស្រេង ដែនៅក្នុងសង្កាត់ចោមចៅទី០២ បានឈប់ទិញឥវ៉ាន់មួយចំនួនដើម្បីយកទៅផ្ទះ ។
តាមប្រភពពីដដែលបានបន្តទៀតថា ក៏ស្រាប់តែមានជនឆ្លៀតឱកាស បានឃើញម៉ូតូជាប់សោរក៏ឡើងជិះរត់គេចខ្លួនតែម្តង ។ ភ្លាមៗ ស្ត្រីរងគ្រោះបានរាយការណ៍ជូនសមត្ថកិច្ច ប្រដេញតាមជីភីអេស រហូតមកដល់ផ្លូវរថភ្លើង ក្នុងសង្កាត់ស្រះចក ទើបរកឃើញម៉ូតូវិញនៅខាងក្រោមតង់ ដោយយកក្រណាត់រុំជុំវិញ ។ ចំណែកជនសង្ស័យបានរត់គេចខ្លួនបាត់ស្រមោល ។
ក្រោយពេលកើតហេតុ នគរបាលប៉ុស្តិ៍ស្រះចកបានមកដល់ រួចធ្វើកំណត់ហេតុ ប្រគល់សំណុំរឿងទៅកាន់សមត្ថកិច្ចប៉ុស្តិ៍ចោមចៅទី០២ ដែលជាម្ចាស់ករណី ដើម្បីនាំជនរងគ្រោះដាក់ពាក្យបណ្តឹង ស្រាវជ្រាវរកជនសង្ស័យ ចាត់ការតាមផ្លូវច្បាប់ ៕
ចែករំលែកព័តមាននេះ