ខេត្តតាកែវ ៖ ក្រោយកាសែតកោះសន្តិភាព បានចេញផ្សាយរឿងអំពើពុករលួយរបស់ក្រុមហ៊ុនលោកគឹម វុទ្ធធា ក្នុងនោះ ក៏មានពាក់ព័ន្ធក្រុមអាជ្ញាធរ និងមន្ត្រីជំនាញផងដែរ រឿងកាយភ្នំរដ្ឋយកដីទៅចាក់ផ្លូវ ដែលខ្លួនដេញថ្លៃបានដោយបើកលុយពីរដ្ឋយកទៅចែកគ្នាធ្វើព្រងើយ…
ខេត្តតាកែវ ៖ ក្រោយកាសែតកោះសន្តិភាព បានចេញផ្សាយរឿងអំពើពុករលួយរបស់ក្រុមហ៊ុនលោកគឹម វុទ្ធធា ក្នុងនោះ ក៏មានពាក់ព័ន្ធក្រុមអាជ្ញាធរ និងមន្ត្រីជំនាញផងដែរ រឿងកាយភ្នំរដ្ឋយកដីទៅចាក់ផ្លូវ ដែលខ្លួនដេញថ្លៃបានដោយបើកលុយពីរដ្ឋយកទៅចែកគ្នាធ្វើព្រងើយ ស្រាប់តែដំណឹងនេះ ដឹងដល់ថ្នាក់លើប្រុងចុះទៅក្របួចតែក្របួច បានតែខ្យល់ ព្រោះមានមេខ្យល់មេខ្លោងអោយការទៅលោកគឹម វុទ្ធធា ដកគ្រឿងចក្ររត់បាត់ស្រមោលអស់ទៅដេកអោបពងធ្វើព្រងើយ ។
បើយោងតាមកាអះអាងពីក្រុមមន្ត្រីតូចតាចបានអោយដឹងថា គ្រាន់តែកាសែតចេញផ្សាយភ្លាមក្រុមហ៊ុនលោកគឹម វុទ្ធធា ឆ្លេឆ្លា និងឆ្លងយោបល់ក្រុមអាជ្ញាធរពាក់ព័ន្ធជាមេខ្យល់ជួយ ដើម្បីរកវិធីដោះស្រាយហើយក្រុមអាជ្ញាធរ និងមន្ត្រីជំនាញពាក់ព័ន្ធ ទំនងផ្ដល់យោបល់អោយលោកគឹម វុទ្ធធា ដកគ្រឿងចក្ររត់អោយបាត់សិនទៅ ។ បើថ្នាក់លើក្របួចជាប់អាចនិងនាំទុកដល់ពួកគេ ដូច្នេះ លោកគឹម វុទ្ធធា ដកគ្រឿងចក្ររត់បាត់ស្រមោលមុនថ្នាក់លើចុះទៅដល់ ។
គួររំលឹកថា ៖ ក្រុមហ៊ុនគឹម វុទ្ធធា កាយភ្នំរដ្ឋចាក់ផ្លូវគំរោងរបស់ខ្លូនដេញថ្លៃបានពីរដ្ឋបើកលុយរដ្ឋចំណេញកប់ៗ។ យោងតាមប្រភពច្បាស់ការពីព្រជាពលរដ្ឋ ក៏ដូចជាមន្ត្រីរាជកាមួយចំនួននៅស្រុកគីរីវង់បានទម្លាយអោយដឹងថា ក្រុមហ៊ុនគឹមវុទ្ធធាដេញថ្លៃគំរោងមូលនិធិឃុំ-សង្កាត់បានផ្លូវក្រាលក្រួសធម្មជាតិ១ខ្សែ ស្ថិតនៅឃុំព្រៃរំដេង ស្រុកគីរីវង់ តែបែរជាក្រុមហ៊ុនខាងលើយកគ្រឿងចក្រទៅកាយភ្នំតាកយនៅភូមិព្រៃលាប ឃុំព្រៃរំដេង យកក្រួសក្រហមទៅធ្វើផ្លូវដែលខ្លួនដេញថ្លៃបានយ៉ាងរំភើយ ។
ចំណែកភ្នំតាកយត្រូវបានកាយយកអស់មិនតិចទេ បើកបរដឹកខ្ទេចអស់ហើយផ្លូវតំបន់នោះ ។ អាជ្ញាធរស្រុកសង្ស័យគេចមិនរួចពីការពាក់ព័ន្ធជាមួយអំពីល្មើសរបស់ឈ្មួញឡើយ…ហេ! ហេ!
ប្រភពដដែលបានអោយដឹងទៀតថា ក្រុមហ៊ុនណាក៏ដោយ អោយតែដេញថ្លៃគំរោងធ្វើផ្លូវក្រាលក្រួសធម្មជាតិបានហើយ គឺត្រូវតែទៅទិញក្រួសដែលមានអាជ្ញាប័ណ្ណត្រឹមត្រូវតាមផ្លូវច្បាប់ មិនមែននាំគ្នាទៅកាយក្រួសភ្នំរបស់រដ្ឋដោយមិនអស់លុយនោះទេ ។
ប្រភពដដែលបានបញ្ជាក់ទៀតថា ក្រុមហ៊ុនលោកគឹម វុទ្ធធា បច្ចុប្បន្ន កំពុងតែធ្វើនំអត់ប្រើម្សៅ ដោយគ្រាន់តែយកភ្នំរដ្ឋកាយចាក់ផ្លូវរដ្ឋ រួចបើកលុយរដ្ឋឃុបឃិតគ្នា ជាមួយក្រុមមន្ក្រីពាក់ព័ន្ធរបស់រដ្ឋជាការស្រេច ។
ប្រភពបន្តអោយដឹងទៀតថា លោកគឹម វុទ្ធធា មិនត្រឹមតែកាយចាក់ផ្លូវទេ ថែមទាំងកាយយកទៅលក់អោយពលរដ្ឋយកទៅចាក់តាមចម្ការស្ទើពេញស្រុកគីរីវង់តែមទៀតផង ដោយគ្មានច្បាប់អនុញ្ញាតឡើយ ។
ពាក់ពន្ធ័ករណីខាងលើ លោកគឹម វុទ្ធធា ជាម្ចាស់ក្រុមហ៊ុនបានអោយអ្នកកាសែតដឹងថា លោកពិតជាបានយកគ្រឿងចក្រទៅកាយ និងដឹកយកដីក្រួសក្រហមនៅចំណុចភ្នំខាងលើមែន តែយកទៅចាក់ផ្លូវដែលលោកដេញផ្លូវបាន តែលោកបានសុំអាជ្ញាធរឃុំ-ស្រុករួចហើយ ។
ជុំវិញករណីខាងលើ កោះសន្តិភាពមិនអាចសុំការបំភ្លឺពីលោកងួន ឌីណា ចៅហ្វាយស្រុកគីរីវង់បានទេដោយទូរស័ព្ទចូលគ្មានអ្នកទទួល ។
ចំណែកមន្ត្រីនៃមន្ទីររ៉ែ និងថាមពលខេត្តតាកែវ សុំមិនបញ្ចេញឈ្មោះបានអោយដឹងថា លោកគឹម វុទ្ធធាពិតជាបានកាយដីភ្នំនៅទីតាំងខាងលើ ពិតមែនគឺពុំមានច្បាប់អនុញ្ញាតឡើយ តែលោកត្រឹមមន្ត្រីតូចតាចគ្មានសិទ្ធិអ្វីទៅហាមឃាត់ទេ តែបើតាមដឹង គឺលោក គឹមវុទ្ធធា រត់ការួចរាល់ហើយ ។
តើថ្នាក់ក្រសួងមានលូកដៃលូកជើងជាមួយមន្ទីររ៉ែ និងថាមពលខេត្តដែរទេ ? សង្ស័យសម័យនេះហើយ មានមន្ត្រីជើងដប់ទេដឹង? សង្ស័យសម័យនេះហើយ មានមន្ត្រីជើងដប់ទេដឹង?
ព័ត៌មានបន្ថែមនឹងមានផ្សាយនៅលើកាសែតកោះសន្តិភាព ។
ចែករំលែកព័តមាននេះ