ADផ្ទាំងផ្សព្វផ្សាយពាណិជ្ជកម្ម

ខឹ.ងឪពុកម្តាយទៅស្រុកចោលអស់ កូននៅផ្ទះតែម្នាក់ឯង ដុ.តផ្អើលបន្ទប់ជួល

3 ខែ មុន

ភ្នំពេញ
១០ ខែ កញ្ញា ឆ្នាំ ២០២៤ ម៉ោង ០៩:១៨

រាជធានីភ្នំពេញ ៖ យុវជនម្នាក់ញៀនថ្នាំ លុះឪពុកម្ដាយនិយាយលែងស្ដាប់ ក៏នាំគ្នាទៅចោលអស់ ជាហេតុធ្វើឱ្យកូនប្រុសរូបនោះខឹងឪពុកម្តាយ ក៏បានយកដែកកេះដុតពូកដេកក្នុងបន្ទប់ផ្ទះជួលបណ្ដាលឲ្យឆាបឆេះសន្ធោសន្ធៅផ្អើលពលរដ្ឋជិតខាងនាំគ្នាអន្តរាគមន៍យកបំពង់ពន្លត់អគ្គីភ័យនិងដងទឹកជះបាញ់រលត់អស់ភ្លាមៗ បង្កឲ្យមានការភ្ញាក់ផ្អើលនៅវេលាម៉ោង៧យប់ថ្ងៃទី៩ខែខែកញ្ញាឆ្នាំ២០២៤ ស្ថិតនៅចំណុចភូមិថ្មគោល១ សង្កាត់ចោមចៅ២…

តាមការបញ្ជាក់ពីប្រជាពលរដ្ឋអ្នករស់នៅបន្ទប់ជួលជិតបន្ទប់កើតហេតុខាងលើបានអោយដឹងថា នៅមុនពេលកើតហេតុ ដោយយុវជនបែកថ្នាំរូបនេះបានប្រើប្រាស់គ្រឿងញៀនដល់ថ្នាក់បែក លុះម្ដាយឪពុកនិយាយលែងស្ដាប់ និងតែងតែអុកឡុករករឿងឈ្លោះប្រកែកគ្នាជាមួយនឹងឪពុកម្ដាយជារៀងរាល់ថ្ងៃ ។ ដោយសារទ្រាំលែងបាន ពួកគាត់បានដាច់ចិត្តនាំគ្នារត់ចោលទៅស្រុកកំណើតវិញអស់ដោយទុកឲ្យនៅម្នាក់ឯង ធ្វើឲ្យគេខឹងបានយកដែកកេះទៅដុតពូកដេក បណ្ដាលឲ្យឆាបឆេះរួចក៏កឹបសោខាងក្រៅរត់គេចខ្លួនទៅបាត់ស្រមោល ភ្លើងបានឆេះរាលដាលសន្ធោសន្ធៅពេញក្នុងបន្ទប់ បង្កឲ្យការភ្ញាក់ផ្អើលដល់ប្រជាពលរដ្ឋនាំគ្នាស្ទុះស្ទាទាក់ទងសុំជំនួយរថយន្តពន្លត់អគ្គីភ័យរបស់ស្នងការនគរបាលរាជធានីភ្នំពេញ អោយមកជួយពន្លត់ តែពេលនោះពលរដ្ឋបានវ៉ៃសោផ្ដាច់យកទឹកនិងបំពង់ពន្លត់អគ្គិភ័យទៅបាញ់ទប់ស្កាត់រហូតដល់ភ្លើងរលត់អស់ទាំងស្រុង។

ក្នុងករណីនោះដែរ មិនមានរងរបួសប៉ះពាល់គ្រោះថ្នាក់ដល់អ្នកណាម្នាក់ទេ គ្រាន់តែខូចខាតសម្ភារៈមួយចំនួន បន្ទាប់មកទើបរថយន្តពន្លត់អគ្គីភ័យមកដល់ចំនួនពីរគ្រឿងជួយបាញ់បន្ថែមពីលើទៀតរហូតទាល់តែអស់ផ្សេងទើបដកត្រឡប់ទៅគោលដៅវិញ ។

ក្រោយពេលកើតហេតុ ខាងអជ្ញាធរសហការជាមួយនគរបាលមូលដ្ឋានកំពុងតែស្រាវជ្រាវរកជនបង្កខាងលើ ដើម្បីឃាត់ខ្លួនយកមកផ្ដន្ទាទោសទៅនិតិវិធីផ្លូវច្បាប់ពេលក្រោយ ៕