ខេត្តបាត់ដំបង ៖ ជនសង្ស័យចំនួន០២នាក់ដែលមន្ត្រីមូលដ្ឋានកត់ចូលក្នុងបញ្ជីខ្មៅថា ជាជនសកម្មបំផុតក្នុងការដើរប្រព្រឹត្តអំពើ «ចោរកម្ម» ទាំងយប់ទាំងថ្ងៃ មិនស្រាកស្រាន្តនៅក្នុងមូលដ្ឋាន ពេលនេះ ត្រូវបានឃាត់ខ្លួន ក្រោយពីពួកគេធ្វើសកម្មភាពលួចបេះផ្លែស្វាយអ្នកភូមិបានចំនួន២០គីឡូក្រាម…
ខេត្តបាត់ដំបង ៖ ជនសង្ស័យចំនួន០២នាក់ដែលមន្ត្រីមូលដ្ឋានកត់ចូលក្នុងបញ្ជីខ្មៅថា ជាជនសកម្មបំផុតក្នុងការដើរប្រព្រឹត្តអំពើ «ចោរកម្ម» ទាំងយប់ទាំងថ្ងៃ មិនស្រាកស្រាន្តនៅក្នុងមូលដ្ឋាន ពេលនេះ ត្រូវបានឃាត់ខ្លួន ក្រោយពីពួកគេធ្វើសកម្មភាពលួចបេះផ្លែស្វាយអ្នកភូមិបានចំនួន២០គីឡូក្រាម កាលពីរសៀលថ្ងៃទី២៨ សីហា នៅក្នុងភូមិគគី ឃុំភ្នំព្រឹក ស្រុកភ្នំព្រឹក ហើយក៏មានជនម្នាក់ក៏មានដីកាចាប់ខ្លួនស្រាប់ផងដែរ ។
សេចក្ដីរាយការណ៍បានឲ្យដឹងថា ជនសកម្មខាងលួចទាំង០២នាក់នេះ ម្នាក់ឈ្មោះ ដួង ភារី អាយុ២៤ឆ្នាំ មុខរបរមិនពិត នៅភូមិភ្នំតូច ឃុំពេជ្រចិន្តា ស្រុកភ្នំព្រឹក និងម្នាក់ទៀតឈ្មោះ អន ឆានី មុខរបរមិនពិត រស់នៅភូមិ ឃុំកើតហេតុ ។ ជនទាំង០២នាក់ ត្រូវអស់លក្ខណ៍នៅពេលធ្វើសកម្មភាពលួចបេះផ្លែស្វាយគេចំនួន២០គីឡូក្រាម ជាបទល្មើសចុងក្រោយ ដែលម្ចាស់ស្វាយឈ្មោះ ជិន រ៉ុង ភេទប្រុស អាយុ៣២ឆ្នាំ។ ជនទាំង០២នាក់នេះ ត្រូវបានកម្លាំងនគរបាលប៉ុស្ដ៏រដ្ឋបាល ឃុំភ្នំព្រឹក ធ្វើការឃាត់ខ្លួន ក្រោយពីទទូលបណ្ដឹងពីជនរងគ្រោះម្ចាស់ស្វាយ ។
បើតាមរបាយការណ៍ជាមួយនឹងការឃាត់ខ្លួននេះ សមត្ថកិច្ចដកហូតវត្ថុតាងរួមមាន៖ កន្ត្រកបេះផ្លែ
ស្វាយ ទំពក់បេះស្វាយ ផ្លែស្វាយសរុបទម្ងន់២០គីឡូក្រាម និងម៉ូតូកញ្ចាស់០១គ្រឿង សម្រាប់ជិះប្រព្រឹត្តបទល្មើស ។ នាយប៉ុស្ដិ៍នគរបាល ភ្នំព្រឹក លោក អ៊ាប ម៉ៅ បានប្រាប់ថា តាមពិតជនសកម្មខាងលួចទាំង០២នាក់នេះ យើងធ្លាប់បង្ក្រាប និងធ្វើការអប់រំប៉ុន្មានដងហើយ ពីសកម្មភាពដើរបង្កអសន្តិសុខនៅក្នុងមូលដ្ឋាន តែពួកគេមិនរាងចាល ។
លោកថា ស្ទើររាល់យប់ជនទាំង០២នាក់នេះ តែងដើរធ្វើសកម្មភាពលួចនេះ លួចនោះរបស់ប្រជាពលរដ្ឋ មិនថា ម៉ូតូទ្រព្យសមត្តិផ្សេងៗ ឬរបស់របរអ្វីទេ ។ ពោលគឺជនទាំង០២នាក់នេះ ដើរលួចគ្រប់សព្វទាំងអស់។ ប៉ះអ្វីលួចហ្នឹង ឲ្យតែអ្នកភូមិទុកប្រហែស។ បង្កអសន្តិសុខណាស់ ដូចជាលួចបេះផ្លែស្វាយក្នុងចម្ការគេខាងលើនេះជាដើម ។
លោកនាយប៉ុស្ដិ៍បានប្រាប់ថា ក្នុងចំណោមជនទាំង០២នាក់នេះ មានម្នាក់មានដីកាតាមចាប់ខ្លួនផងដែរ ពីបទ «ចោរកម្ម» លួចម៉ូតូ។ ដោយសារតែសកម្មភាពលួចមិនស្វាង បង្កអសន្តិសុខមូលដ្ឋានទាំងយប់ទាំងថ្ងៃ ធ្លាប់ចាប់អប់រំក៏មិនរាងចាលបែបនេះហើយ ទើបលើកចុងក្រោយនេះ ថ្នាក់លើបញ្ជាឲ្យកសាងសំណុំរឿងបញ្ជូនទៅតុលាការម្ដង បើទោះជាលួចផ្លែស្វាយចំនួន២០គីឡូក្រាមក្ដី ដើម្បីចាត់ការតាមផ្លូវច្បាប់។
ម្យ៉ាង អាចចាត់ទុកថា ជាការដកចេញនូវមុខសញ្ញាប្រព្រឹត្តអំពើ«ចោរកម្ម»ដដែលៗ ចេញពីមូលដ្ឋានខ្លះ ដើម្បី «ភូមិ-ឃុំមានសុវត្ថិភាព» ។ ព្រោះជនទាំង០២នាក់នេះ លួចនោះលួចមួយយប់ៗ ទាំងអ្នកភូមិ ទាំងសមត្ថកិច្ចមិនសូវបានដេកពូនទេ ដោយសារតែអា០២នាក់នេះ៕
ចែករំលែកព័តមាននេះ