រាជធានីភ្នំពេញ ៖ ក្នុងរយៈពេលដែលព្រះសង្ឃគង់ចាំព្រះវស្សានៅក្នុងវត្តអារាម តែងតែមានការដុតទៀនវស្សាជាប់ជាប្រចាំ ។ ជាក់ស្តែង នៅក្នុងវត្តវាលស្បូវបានដុតទៀតបំភ្លឺ ស្រាប់មានភ្លើងឆាបឆេះផ្អើលព្រះសង្ឃ ក៏ដូចជារថយន្តពន្លត់អគ្គិភ័យអន្តរាគមន៍បាញ់ពន្លត់ កើតឡើងនៅវេលាម៉ោង១១…
រាជធានីភ្នំពេញ ៖ ក្នុងរយៈពេលដែលព្រះសង្ឃគង់ចាំព្រះវស្សានៅក្នុងវត្តអារាម តែងតែមានការដុតទៀនវស្សាជាប់ជាប្រចាំ ។ ជាក់ស្តែង នៅក្នុងវត្តវាលស្បូវបានដុតទៀតបំភ្លឺ ស្រាប់មានភ្លើងឆាបឆេះផ្អើលព្រះសង្ឃ ក៏ដូចជារថយន្តពន្លត់អគ្គិភ័យអន្តរាគមន៍បាញ់ពន្លត់ កើតឡើងនៅវេលាម៉ោង១១ និង៣៥នាទីយប់ថ្ងៃទី២០ ខែសីហា ឆ្នាំ២០២៤ ក្នុងវត្តវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។
តាមប្រភពពីព្រះសង្ឃដែលគង់នៅក្នុងវត្តខាងលើបានឲ្យដឹងថា ដោយសារតែខែចូលព្រះវស្សាទើបព្រះវិហារមានដុតទៀនវស្សាទាំងយប់និងថ្ងៃបានទេ ដោយមិនមានអ្នកនៅអង្គុយរង់ចាំមើល ដូចនេះហើយខាងវត្តក៏សម្រេចធ្វើរោងស័ង្កសីមួយជាប់ខ្លោងទ្វារព្រះវិហារ ដើម្បីដុតទៀនវស្សាទាំងយប់ទាំងថ្ងៃផងដែរ ។
ប្រភពបានបានបន្តទៀតថា លុះដល់យប់ថ្ងៃកើតហេតុ គឺទៀននៅតែបន្ដដុតទុកចោលដូចសព្វដង ហើយព្រះសង្ឃដែលគង់នៅក្នុងវត្តក៏បានចូលទៅសឹងដូចធម្មតា លុះដល់ពេលកើតហេតុក៏ស្រាប់តែមានធំឈ្ងៀមផ្សែងភ្លើងខ្លាំងខុសពីធម្មតា ទើបព្រះសង្ឃដែលគង់នៅក្នុងកុដិជិតនោះ ក៍បាននាំគ្នាចេញមកមើល ស្រាប់តែឃើញមានភ្លើងកំពុងឆាបឆេះចេញពីក្នុងរោង ដែលកំពុងតែដុតទៀនជាប់នឹងព្រះវិហារ ទើបនាំគ្នាឆោឡោផ្អើលពុទ្ធបរិស័ទ និងព្រះសង្ឃនាំគ្នាយកទឹកក៏ដូចជាបំពង់ពន្លត់អគ្គិភ័យមកបាញ់ពន្លត់ តែមិនអាចទប់ស្កាត់ អណ្តាតភ្លើងមួយរយភាគរយ ក៏នាំគ្នារាយការណ៍ជូនកម្លាំងសមត្ថកិច្ច សុំជំនួយរថយន្តពន្លត់អគ្គិភ័យចេញអន្តរាគមន៍ផងដែរ ។
ក្នុងហេតុការណ៍នេះដែរ បន្តិចក្រោយមកក៏មានរថយន្តពន្លត់អគ្គិភ័យរបស់ទីក្រុងកោះនរាហ៍ បានមកដល់មួយគ្រឿង ហើយការបាញ់ទឹកបន្ថែមទើបធ្វើឲ្យភ្លើងរលត់ទៅវិញទាំងស្រុង នៅវេលាម៉ោង១០យប់ថ្ងៃដដែលផងដែរ ។ ករណីនេះដែរមិនបង្កឲ្យមានការរាលដាលទៅដល់ព្រះវិហារកុដិរបស់ព្រះសង្ឃនោះទេ ហើយក៏មិនមានមនុស្សរងរបួសនោះដែរ គឺគ្រាន់តែខូចខាតទៀនវស្សា ទុកក្នុងរោងមួយចំនួនតូចតែប៉ុណ្ណោះ ៕
ចែករំលែកព័តមាននេះ