រាជធានីភ្នំពេញ ៖ ឆេះរោងចក្រផលិតនំមួយកន្លែង ផ្អើលសមត្ថកិច្ចហៅរថយន្តពន្លត់អគ្គិភ័យមកបាញ់ពន្លត់ទាន់ពេលវេលា បង្កអោយមានការភ្ញាក់ផ្អើលកាលពីលាម៉ោង៣ទៀបភ្លឺថ្ងៃទី២១ ខែសីហា ឆ្នាំ២០២៤ នៅរោងចក្រផលិតនំ ស្ថិតនៅសង្កាត់ឃ្មួញ ខណ្ឌសែនសុខ…
រាជធានីភ្នំពេញ ៖ ឆេះរោងចក្រផលិតនំមួយកន្លែង ផ្អើលសមត្ថកិច្ចហៅរថយន្តពន្លត់អគ្គិភ័យមកបាញ់ពន្លត់ទាន់ពេលវេលា បង្កអោយមានការភ្ញាក់ផ្អើលកាលពីលាម៉ោង៣ទៀបភ្លឺថ្ងៃទី២១ ខែសីហា ឆ្នាំ២០២៤ នៅរោងចក្រផលិតនំ ស្ថិតនៅសង្កាត់ឃ្មួញ ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ កម្មករក្នុងរោងចក្រខាងលើបាននាំគ្នាសម្រាកអស់ហើយ នៅឡើយតែឡកំដៅនំ នៅក្នុងរោងចក្រដែលមាន កំដៅខ្លាំង លុះដល់ម៉ោងកើតហេតុ គេឃើញមានអណ្តាតភ្លើងឆាបឆេះយ៉ាងសន្ធោសន្ធៅចេញពីម្តុំឡកម្តៅខាងលើ ទើបអ្នកធ្វើការដែលនៅខាងមានថៅកែជនជាតិចិនផងដែរ បានរាយការណ៍ទៅកំលាំងជំនាញនគរបាលប៉ុស្តិ៍ភ្លាមៗហើយបានទាក់ទងទៅសមត្ថកិច្ចជំនាញពន្លត់អគ្គិភ័យភ្លាមៗ។
បន្ទាប់មកការិយាល័យនគរបាលបង្គារពន្លត់អគ្គិភ័យនិងសង្គ្រោះនៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យ៦គ្រឿងទៅកាន់ទីតាំងកើតហេតុ ធ្វើការអន្តរាគមន៍បាញ់ពន្លត់ភ្លាមៗផងដែរ នៅក្នុងហេតុការណ៍នេះមិនបានបង្កអោយនរណាម្នាក់រងរបួសនោះទេ។
អគ្គិភ័យខាងលើនេះត្រូវបានរលត់វិញទាំងស្រុងកាលពីវេលាម៉ោង៤និង៥០នាទីទៀបភ្លឺ ថ្ងៃខែឆ្នាំដដែល ដោយប្រើប្រាស់រថយន្តពន្លត់អគ្គិភ័យចំនួន៦គ្រឿង ប្រើប្រាស់ទឹកអស់ទាំង៦គ្រឿង ៕
ចែករំលែកព័តមាននេះ