រាជធានីភ្នំពេញ ៖ ស្ថានទូតឥណ្ឌូនេស៊ី នៅទីក្រុងភ្នំពេញ បានប្រារព្ធទិវាបុណ្យឯករាជ្យ លើកទី៧៩ តំណាងឱ្យការរួបរួម និងភាពចម្រុះ នៃប្រជាជនឥណ្ឌូនេស៊ី ធ្វើឡើងនៅព្រឹកថ្ងៃទី១៧…
រាជធានីភ្នំពេញ ៖ ស្ថានទូតឥណ្ឌូនេស៊ី នៅទីក្រុងភ្នំពេញ បានប្រារព្ធទិវាបុណ្យឯករាជ្យ លើកទី៧៩ តំណាងឱ្យការរួបរួម និងភាពចម្រុះ នៃប្រជាជនឥណ្ឌូនេស៊ី ធ្វើឡើងនៅព្រឹកថ្ងៃទី១៧ ខែសីហា ឆ្នាំ២០២៤ នៅស្ថានទូត ។
ព្រឹត្តិការណ៍នេះ មានការចូលរួមពី ឯកអគ្គរដ្ឋទូតវិសាមញ្ញ និងពេញសមត្ថភាពឥណ្ឌូនេស៊ីប្រចាំកម្ពុជា លោកបណ្ឌិត Santo Darmosumarto ធ្វើជាអធិការកិច្ច និង ជនជាតិឥណ្ឌូនេស៊ី ជិត២០០នាក់ ។
ជារៀងរាល់ឆ្នាំ ព្រឹត្តិការណ៍នេះ តែងតែមានជនជាតិឥណ្ឌូនេស៊ី ចូលរួមយ៉ាងច្រើនកុះករ ស្លៀកពាក់សំលៀកបំពាក់ជាតិ និង មានការបង្ហាញសំលៀកបំពាក់ kebaya និង batik មកពីតំបន់ផ្សេងៗ នៃប្រទេសឥណ្ឌូនេស៊ី ។
ទិវាបុណ្យជាតិនេះ ចាប់ផ្ដើមនៅពេល ដែលបង្ហូតទង់ជាតិ ឥណ្ឌូនស៊ីឡើង ខណៈនោះជនជាតិឥណ្ឌូនេស៊ី នាំគ្នាច្រៀងចម្រៀងជាតិ និងបង្ហាញអារម្មណ៍រីករាយគ្រប់ៗគ្នា ។
ឯកអគ្គរដ្ឋទូតឥណ្ឌូនេស៊ី ប្រចាំកម្ពុជា បានថ្លែងអំណរគុណ ចំពោះអ្នកចូលរួម ដោយបានលើកឡើងពីការចូលរួមយ៉ាងសកម្មរបស់សហគមន៍ ឥណ្ឌូនេស៊ីនៅកម្ពុជា ។
សូមជម្រាបថា ចាប់តាំងពីបង្កើតទំនាក់ទំនងការទូតនៅឆ្នាំ១៩៥៩ ទល់បច្ចុប្បន្នមានរយៈពេល៦៥ឆ្នាំ ដែលប្រទេសឥណ្ឌូនេស៊ី និងកម្ពុជា មានទំនាក់ទំនងយ៉ាងរឹងមាំ និងស្វាហាប់លើវិស័យផ្សេងៗ ជាពិសេសក្នុងការលើកកម្ពស់សន្តិភាព និងសន្តិសុខក្នុងតំបន់។ ភាពជាដៃគូដែលវិវត្តន៍នេះឆ្លុះបញ្ចាំងពីចំណងមិត្តភាពដ៏ស៊ីជម្រៅ និងចក្ខុវិស័យរួមគ្នាសម្រាប់កំណើនប្រកបដោយនិរន្តរភាព និងវិបុលភាពរវាងប្រទេសទាំងពីរ ៕
ចែករំលែកព័តមាននេះ