រាជធាណីភ្នំពេញ ៖ បុរស៣នាក់ ភ័យស្លន់ស្លោ ពេលឃើញសមត្ថកិច្ច ហើយព្យាយាមរត់គេចខ្លួនឡើងទៅលើដំបូលឃ្លាំង បណ្ដាលឲ្យធ្លាក់ស្លា.ប់ម្នាក់ ពេលបញ្ចូលទៅកាន់មន្ទីរពេទ្យ ។ ហេតុការណ៍នេះ…
រាជធាណីភ្នំពេញ ៖ បុរស៣នាក់ ភ័យស្លន់ស្លោ ពេលឃើញសមត្ថកិច្ច ហើយព្យាយាមរត់គេចខ្លួនឡើងទៅលើដំបូលឃ្លាំង បណ្ដាលឲ្យធ្លាក់ស្លា.ប់ម្នាក់ ពេលបញ្ចូលទៅកាន់មន្ទីរពេទ្យ ។
ហេតុការណ៍នេះ កើតឡើងកាលពីវេលាម៉ោង១០និង៣០នាទីព្រឹក ថ្ងៃពុធ ទី១៤ ខែសីហា ឆ្នាំ២០២៤ នៅចំណុចឃ្លាំងជួសជុលម៉ូតូកង់បីមួយកន្លែង ស្ថិតតាមផ្លូវជាតិលេខ២ ក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
ស.ពជនរងគ្រោះឈ្មោះ ទីណា ភេទប្រុស អាយុប្រហែលជិត៣០ឆ្នាំ មានហ្វេសប៊ុកឈ្មោះ Ti Na មិនស្គាល់ទីកន្លែងស្នាក់នៅ សមត្ថកិច្ចកំពុងស្វែងរកសាច់ញាតិរបស់ជនរងគ្រោះ ដើម្បីទៅទទួលយកស.ពទៅធ្វើបុណ្យតាមប្រពៃណី ។
បើតាមប្រភពពីសមត្ថកិច្ចបានឲ្យដឹងថា មុនពេលកើតហេតុ កម្លាំងប៉ុស្តិ៍ចាក់អង្រែក្រោម កម្លាំងខណ្ឌមានជ័យ បានជិះម៉ូតូតាមរកជនសង្ស័យ ដែលជាមុខសញ្ញាចោរលួចគាស់ផ្ទះ។ លុះពេលមកដល់ចំណុច ច្រកដឿងហែមមួយកន្លែង ក៏មានបុរស ៣នាក់ គ្រាន់តែឃើញសមត្ថកិច្ចមកសួររកមុខសញ្ញា បុរសទាំង៣នាក់នោះ បាននាំគ្នាព្យាយាមរត់គេចទាំងភិតភ័យស្លន់ស្លោ ហើយបុរសទាំងបីនាក់នោះ បានព្យាយាមឡើងទៅលើដំបូលឃ្លាំង ដែលនៅក្បែរនោះ ម្ដងម្នាក់ៗ ស្រាប់តែមានមានបុរសម្នាក់ ជាន់ផុងស័ង្កសីជ័រ បណ្តាលឱ្យធ្លាក់ចុះមកក្រោមបណ្ដាលឲ្យរងរបួស ភ្លាមៗសមត្ថកិច្ច បានហៅរថយន្តសង្គ្រោះរបស់មន្ទីរពេទ្យបង្អែកច្បារអំពៅ ដឹកបញ្ជូនដល់មន្ទីរពេទ្យ តែជាអកុសល ជនរងគ្រោះស្លា.ប់បាត់ទៅហើយ ។
ក្រោយពេលកើតហេតុ សមត្ថកិច្ចមូលដ្ឋានប៉ុស្តិ៍ចាក់អង្រែលើ បានចុះទៅធ្វើការសាកសួរ និងធ្វើកំណត់ហេតុ ស្រាវជ្រាវតាមនីតិវិធី ។
ចំណែកស.ពសមត្ថកិច្ចកំពុងស្វែងរកសាច់ញាតិរបស់ជនរងគ្រោះ ដើម្បីទៅទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ