ប្រទេសថៃ ៖ ចំនួនភ្ញៀវទេសចរជនជាតិថៃទៅកម្សាន្តនៅប្រទេសកូរ៉េខាងត្បូងធ្លាក់ចុះយ៉ាងខ្លាំង នៅក្នុងរយៈពេល៦ខែចុងក្រោយនេះ ចំពេលមានច្បាប់អន្តោប្រវេសន៍ដ៏តឹងរឹង ដែលជំរុញឱ្យពួកគេបង្ហាញគោលដៅទៅកាន់ប្រទេសលើកលែងទិដ្ឋាការដូចជា ប្រទេសជប៉ុន និងចិន។ បើយោងតាមទិន្នន័យពីអង្គការទេសចរណ៍កូរ៉េខាងត្បូង បានរាយការណ៍ថា…
ប្រទេសថៃ ៖ ចំនួនភ្ញៀវទេសចរជនជាតិថៃទៅកម្សាន្តនៅប្រទេសកូរ៉េខាងត្បូងធ្លាក់ចុះយ៉ាងខ្លាំង នៅក្នុងរយៈពេល៦ខែចុងក្រោយនេះ ចំពេលមានច្បាប់អន្តោប្រវេសន៍ដ៏តឹងរឹង ដែលជំរុញឱ្យពួកគេបង្ហាញគោលដៅទៅកាន់ប្រទេសលើកលែងទិដ្ឋាការដូចជា ប្រទេសជប៉ុន និងចិន។
បើយោងតាមទិន្នន័យពីអង្គការទេសចរណ៍កូរ៉េខាងត្បូង បានរាយការណ៍ថា ចំនួនភ្ញៀវទេសចរថៃទៅកាន់កូរ៉េខាងត្បូង នៅក្នុងឆមាសទី២ នៃឆ្នាំនេះ ធ្លាក់ចុះ ១៩.១% បើធៀបនឹងរយៈពេលដូចគ្នា កាលពីឆ្នាំមុន មកនៅត្រឹមចំនួនប្រហែល ១៦៨,៣០០នាក់។ មុនពេលផ្ទុះជំងឺរាតត្បាតកូវីដ-១៩ ប្រទេសថៃ គឺជាប្រភពនាំមុខគេនៃភ្ញៀវទសចរបរទេសទៅកាន់ប្រទេសកូរ៉េខាងត្បូង ដែលមានចំនួនជាង ៥៧២,០០០នាក់ នៅឆ្នាំ ២០១៩ ដែលជំរុញយ៉ាងពិសេស ដោយប្រជាប្រិយភាពរបស់វិស័យតន្ត្រី K-pop ។
ប្រភពពីសារព័ត៌មានថៃ The Nation បានរាយការណ៍ថា ការធ្លាក់ចុះនៃភ្ញៀវទេសចរថៃ គឺមួយផ្នែក ដោយសារបញ្ហាជាមួយនឹងប្រព័ន្ធអនុញ្ញាតការធ្វើដំណើរអេឡិចត្រូនិករបស់កូរ៉េខាងត្បូង ដែលបានដាក់ឱ្យដំណើរការក្នុងឆ្នាំ ២០២១។ ប្រព័ន្ធនេះអនុញ្ញាតឱ្យអ្នកដំណើរមកពីប្រទេស និងដែនដីចំនួន ១១២ ចុះឈ្មោះព័ត៌មានរបស់ពួកគេ និងទទួលបានការយល់ព្រមលើការធ្វើដំណើរតាមអ៊ីនធឺណិត ដើម្បីអាចចូលប្រទេសកូរ៉េខាងត្បូង។ ប៉ុន្តែទោះជាយ៉ាងណាក៏ដោយ អ្នកទេសចរថៃជាច្រើននាក់ត្អូញត្អែរថា ពួកគេទទួលបរាជ័យសម្រាប់ការអនុញ្ញាតចូលប្រទេសកូរ៉េខាងត្បូង ឬទទួលការត្រួតពិនិត្យដ៏តឹងរ៉ឹងដោយអាជ្ញាធរអន្តោប្រវេសន៍កូរ៉េខាងត្បូង ទោះបីជាមានឯកសារត្រឹមត្រូវយ៉ាងណាក៏ដោយ ។
ចំពេលដែលប្រទេសចិន និងជប៉ុន ដែលបានផ្តល់ការលើកលែងទិដ្ឋាការរួចហើយ សម្រាប់ភ្ញៀវទេសចរនោះ ប្រទេសថៃត្រូវបានរំពឹងថានឹងក្លាយជាគោលដៅកំពូលរបស់ពួកគេ។ សមាគមភ្នាក់ងារទេសចរណ៍ថៃបានប៉ាន់ប្រមាណថា ពលរដ្ឋថៃចំនួន ១.២លាននាក់ នឹងទៅលេងប្រទេសចិននៅឆ្នាំនេះ ដែលជាតួលេខទ្វេដង បើធៀបនឹងឆ្នាំ ២០១៩ បន្ទាប់ពីប្រទេសទាំងពីរបានលើកលែងតម្រូវការទិដ្ឋាការជាអចិន្ត្រៃយ៍ សម្រាប់ពលរដ្ឋរវាងគ្នាទៅវិញទៅមក ចាប់តាំងពីខែមីនាមកម្ល៉េះ។ ប្រទេសជប៉ុនបានផ្តល់ការលើកលែងទិដ្ឋាការសម្រាប់ភ្ញៀវទេសចរថៃ ចាប់តាំងពីឆ្នាំ ២០១៣ ដោយអនុញ្ញាតឱ្យពួកគេអាចចូលប្រទេសជប៉ុនបានដោយគ្មានទិដ្ឋាការរហូតដល់១៥ថ្ងៃ៕ (ប្រភព ៖ VnExpress)
ចែករំលែកព័តមាននេះ