ខេត្តកណ្តាល ៖ គ្រឿងចក្ររួមមានអាអិច អេស្កាវ៉ាទ័រ ឡានដឹកដី និងការតាំងពិព័រណ៌តុបតែងនូវបដាគាំទ្រជាច្រើនកន្លែង ដើម្បីចូលរួមអបអរសាទរពិធីបើកការដ្ឋានដំណើរការគម្រោងព្រែកជីកហ្វូណនតេជោចាប់ផ្តើមដំណើរការពីចំណុចមាត់ទន្លេមេគង្គព្រែកតាកែវ ស្ថិតក្នុងភូមិព្រែកតាកែវ២ ឃុំសំរោងធំ ស្រុកកៀនស្វាយ…
ខេត្តកណ្តាល ៖ គ្រឿងចក្ររួមមានអាអិច អេស្កាវ៉ាទ័រ ឡានដឹកដី និងការតាំងពិព័រណ៌តុបតែងនូវបដាគាំទ្រជាច្រើនកន្លែង ដើម្បីចូលរួមអបអរសាទរពិធីបើកការដ្ឋានដំណើរការគម្រោងព្រែកជីកហ្វូណនតេជោចាប់ផ្តើមដំណើរការពីចំណុចមាត់ទន្លេមេគង្គព្រែកតាកែវ ស្ថិតក្នុងភូមិព្រែកតាកែវ២ ឃុំសំរោងធំ ស្រុកកៀនស្វាយ ខេត្តកណ្តាល នៅថ្ងៃទី៥ ខែសីហា ឆ្នាំ២០២៤ ក្រោមអធិបតីភាពដ៍ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
បើតាមអាជ្ញាធរឃុំសំរោងធំបានប្រាប់អ្នកសារព៌តមានអោយដឹងថា គិតត្រឹមថ្ងៃទី៤ ខែសីហា ឆ្នាំ២០២៤នេះមានគ្រឿងចក្ររួមមានអាអិច អេស្លាវ៉ាទ័រ ថ្មីៗស្រឡាងសរុបប្រហែល៤០គ្រឿង និងឡានដឹកដីទម្ងន់៥តោនប្រហែល១៥គ្រឿងដើម្បីត្រៀមចូលរួមពិធីបើកការដ្ឋានដំណើរគម្រោងព្រែកជីកហ្វូណននៅថ្ងៃទី៥ សីហា ស្អែកនេះ។
ក្រៅពីនេះក៍មានការតាំងពិព័រណ៍បណ្តែតប្រទីបដែលរៀបចំដោយថ្នាក់ជាតិ នឹងការប្រគុំតន្ត្រីខ្នាតធំរបស់ក្រុមហ៊ុនការឡាក់ស៊ី ព្រមទាំងការបិទបដា មានលាយលក្ខ័ណជាអក្សរថា យើងត្រូវគាំទ្រគម្រោងព្រែកជីកហ្វូណនតេជោ ដើម្បីចូលរួមអបអរសាទរគម្រោងព្រែកជីកហ្វូណនប្រវត្តិសាស្ត្ររបស់ខ្មែរយើង។
សូមបញ្ជាក់ថា ព្រែកតាកែវនេះ មានសភាពគោករាក និងតូច ខែរដូវវស្សាមានទឹក ដល់ខែរដូវប្រាំងអត់មានទឹកគ្រប់គ្រាន់សម្រាប់បងប្អូនប្រជាកសិកររស់នៅសងខាងព្រែកខ្វះខាតទឹកស្រោស្របផលដំណាំផ្សេងៗ ជាពិសេសដំណាំស្រូវ ។ ឥឡូវបានប្រមុខរាជរដ្ឋាភិបាលគិតគូរយកចិត្តទុកដាក់ធ្វើការអភិវឌ្ឍន៍ព្រែកជីកហ្វូណនតេជោនេះឡើង ពួកគាត់សង្ឃឹមថា នឹងជួយធ្វើអោយដំណើរការសេដ្ឋកិច្ចរបស់ពួកគាត់នឹងល្អប្រសើរឡើងវិញ៕
ចែករំលែកព័តមាននេះ