ក្រុមហ៊ុនផលិតស្ករធំបំផុតទី៣ របស់ថៃ សម្រេចដកទុនវិនិយោគពីកម្ពុជា
- ភ្នំពេញ
ក្រុមហ៊ុនផលិតស្ករធំបំផុតលំដាប់ទី៣ នៅក្នុងប្រទេសថៃ ដែលគេដឹងថា ខុន ខាអេន (Khon Kaen Sugar Industry Plc) បានសម្រេចចិត្តដកទុនវិនិយោគរបស់ខ្លួនចេញពី
ក្រុមហ៊ុនផលិតស្ករធំបំផុតលំដាប់ទី៣ នៅក្នុងប្រទេសថៃ ដែលគេដឹងថា ខុន ខាអេន (Khon Kaen Sugar Industry Plc) បានសម្រេចចិត្តដកទុនវិនិយោគរបស់ខ្លួនចេញពីកម្ពុជា ។ នេះបើតាមសេចក្តីរាយការណ៍របស់សារព័ត៌មានបាងកកប៉ុស្តិ៍ ចេញផ្សាយនៅថ្ងៃទី០៥ ខែកក្កដា ឆ្នាំ២០២៤ ។
ប្រភពដដែល បានឲ្យដឹងថា មូលហេតុដែលក្រុមហ៊ុននេះ ដកខ្លួនចេញពីកម្ពុជា គឺដោយសារតែកត្តាទីផ្សារអត់អំណោយផល និងការអនុវត្តប្រព័ន្ធអនុគ្រោះពន្ធរបស់កម្ពុជា ទៅកាន់ទីផ្សារធំៗដូចជា អឺរ៉ុប និងអាមេរិក នៅមានកម្រិត។
ប្រភពដដែល បានបន្តថា ការធ្លាក់ចុះតម្លៃស្ករ.សប៉ុន្មានឆ្នាំជាប់គ្នា ក៏ជាកត្តារួមផ្សំសំខាន់នៅក្នុងការសម្រេចចិត្តនេះផងដែរ ។
ក្រុមហ៊ុននេះ បានដំណើរការអាជីវកម្មស្ករ.សនៅកម្ពុជា ក្នុងឆ្នាំ២០០៦ តាមរយៈការសហការជាមួយក្រុមហ៊ុនមកពីកោះតៃវ៉ាន់ តាមរូបភាពដាំអំពៅ និង ផលិតកម្មស្ករ.ស នៅលើផ្ទៃដីប្រមាណជា ២.០០០ ហិតកតា តាមរូបមន្តសម្បទាន រយៈពេល៩០ឆ្នាំ។
ប្រភពដដែល បានបន្តថា ក្រុមហ៊ុននេះ ដកចេញពីកម្ពុជា ប៉ុន្តែនៅបន្តរក្សាទំហំវិនិយោគនៅឡាវដដែល ។
ចែករំលែកព័តមាននេះ