ខេត្តកំពត ៖ ប្រជាពលរដ្ឋរាប់ម៉ឺននាក់ បានអង្គុយអមសងខាងផ្លូវចាំជួបព្រះអង្គចន្ទមុនីនិមន្តចូលរួមបុណ្យផ្កាប្រាក់សាមគ្គី នៅវត្តបឹងកោះស្រែប្រាំង ឃុំឬស្សី ស្រុកខាងលិចស្រុកកំពង់ត្រាច ខេត្តកំពត កាលពីព្រឹកថ្ងៃទី០៣ ខែមិថុនា…
ខេត្តកំពត ៖ ប្រជាពលរដ្ឋរាប់ម៉ឺននាក់ បានអង្គុយអមសងខាងផ្លូវចាំជួបព្រះអង្គចន្ទមុនីនិមន្តចូលរួមបុណ្យផ្កាប្រាក់សាមគ្គី នៅវត្តបឹងកោះស្រែប្រាំង ឃុំឬស្សី ស្រុកខាងលិចស្រុកកំពង់ត្រាច ខេត្តកំពត កាលពីព្រឹកថ្ងៃទី០៣ ខែមិថុនា ឆ្នាំ២០២៤ ព្រឹកមិញនេះ ។
ក្នុងឱកាសនោះដែរ ឯកឧត្តម ម៉ៅ ធនិន អភិបាលខេត្តកំពតក៏បានអញ្ជើញចូលរួមផងដែរ ។
ប្រជាពលរដ្ឋដែលមកចាំជួបព្រះអង្គចន្ទមុនី អ្នកខ្លះឡើងមកចាំ តាំងពីម៉ោងបីយប់នោះ មានទឹកសុទ្ធ មានប្រេងក្រឡា មានម្សៅ រួមទាំងដឹកអ្នកជំងឺមកផង ដើម្បីអោយព្រះអង្គប្រោះព្រំទឹកមន្ត ។
ក្នុងនោះដែរ ព្រះអង្គចន្ទមុនី ក៏បាននិមន្តសម្ដែងការទេសនា ដើម្បីបំពេញកុសលដល់ញោមញាតិ ដែលចង់ជួបព្រះអង្គ ។
លោកប្រធានមន្ទីរធម្មការ និងសាសនាខេត្តកំពត មានប្រសាសន៍ថាព្រះអង្គចន្ទមុនីបាននិមន្តចូលរួមបុណ្យផ្កាប្រាក់សាមគ្គី វត្តបឹងកោះស្រែប្រាំង រួចក៏និមន្តចូលរួមបុណ្យផ្កាប្រាក់ នៅវត្តដំណាក់ត្រាច ឃុំកណ្ដោល ស្រុកទឹកឈូ ខេត្តកំពតផងដែរ ៕
ចែករំលែកព័តមាននេះ