រាជធានីភ្នំពេញ ៖ ម៉ូតូម៉ាក TODAY១គ្រឿង ត្រូវបានគេប្រទះឃើញបន្សល់ទុកនៅលើស្ពានជ្រោយចង្វារថ្មី ក្នុងសង្កាត់ស្រះចក ខណ្ឌដូនពេញ កាលពីវេលាម៉ោងប្រមាណ១០ព្រឹកថ្ងៃទី០២ខែធ្នូឆ្នាំ ២០២៣ នេះ ដែលគេសង្ស័យថា ម៉ូតូនោះត្រូវបានគេជិះមកលោតទឹក ហើយសន្សល់ទុក។ទោះបីជាយ៉ាងណា ពុំមានសាក្សីណាម្នាក់អះអាងថា បានឃើញមនុស្សមកលោតទឹកសម្លាប់នៅលើស្ពានជ្រោយចង្វារនោះទេ ។
ម៉ូតូដែលបន្សល់ទុកម៉ាក TODAYពណ៌ស្លាទុំ ពាក់ស្លាកលេខ ភ្នំពេញ១HB.២៤៥៣ ដែលមានម្ចាស់ទំនងជាមនុស្សស្រី។ តាមនគរបាលបានអោយដឹងថា នៅព្រឹកនោះ មានប្រជាពលរដ្ឋ ដែលធ្វើដំណើរ ឆ្លងកាត់ស្ពានជ្រោយចង្វារថ្មី បានប្រទះឃើញម៉ូតូ១គ្រឿងខាងលើ បន្សល់ទុកនៅស្ពាន ក៍បានរាយការណ៍ប្រាប់នគរបាលចរាចរណ៍ដែលប្រចាំការនៅរង្វល់មូលគួចកាណុងនាំគ្នា ចុះទៅយក។ ភ្លាមៗគេមានការសង្ស័យ ម៉ូតូនោះ ត្រូវបានគេអះអាងថា ម៉ូតូត្រូវបានគេជិះមកលោតទឹកសម្លាប់ហើយបន្សល់ទុកតែម៉ូតូនៅលើស្ពាន។
ទោះបីជាយ៉ាងណា នៅព្រឹកនោះ ពុំមានសាក្សីណា ដែលបានឃើញ មនុស្ស មកលោតទឹកសម្លាប់ ឃើញតែម៉ូតូតែប៉ុណ្ណោះ ។បន្ទាប់ពី រាយការណ៍ នគរបាលក៍បានចុះទៅយកម៉ូតូនោះមកទុកគោលដៅរួចក៍បានរាយការណ៍ទៅនគរបាលប៉ុស្តិ៍ស្រះចុះទៅយកមករក្សាទុកប្រគល់អោយម្ចាស់ឬបងប្អូនសាចញាតិ។
តាមការត្រួតពិនិត្យនៅក្នុងឃ្លុបម៉ូតូ សមត្ថកិច្ចពុំរកឃើញមានអត្តសញ្ញាណម្ចាស់ម៉ូតូឡើយ មានតែ ស្រោមដៃនារី ហើយសមត្ថកិច្ចសន្និដ្ឋានថា ម្ចាស់ម៉ូតូជាមនុស្សស្រី តែគេពុំដឹងថា ម្ចាស់បានជិះមកលោតទឹកសម្លាប់ខ្លួនពីលើស្ពានជ្រោយចង្វារឬយ៉ាងណានោះទេ ៕
ចែករំលែកព័តមាននេះ