ខេត្តព្រះវិហា ៖ ជនសង្ស័យ២នាក់ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីចោរកម្មយ៉ាងសកម្ម នៅភូមិសាស្ត្រឃុំស្រយ៉ង់ ស្រុកគូលែន ខេត្តព្រះវិហារ ។ ជនសង្ស័យទាំងពីរនាក់ខាងលើទី១ ឈ្មោះ…
ខេត្តព្រះវិហា ៖ ជនសង្ស័យ២នាក់ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីចោរកម្មយ៉ាងសកម្ម នៅភូមិសាស្ត្រឃុំស្រយ៉ង់ ស្រុកគូលែន ខេត្តព្រះវិហារ ។
ជនសង្ស័យទាំងពីរនាក់ខាងលើទី១ ឈ្មោះ យូ គន្ធី ភេទស្រី អាយុប្រហែលជា៤០ឆ្នាំ និងទី២ ឈ្មោះ វែង ឆៃ ភេទប្រុស អាយុប្រហែលជាង៣០ឆ្នាំ ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីចោរកម្មយ៉ាងសកម្ម នៅភូមិសាស្ត្រឃុំស្រយ៉ង់ ស្រុកគូលែន ខេត្តព្រះវិហារ។
តាមការបញ្ជាក់ពីលោកវរៈសេនីយ៍ឯក គង់ គា នាយការិយាល័យព្រហ្មទ័ណ្ឌកម្រិតស្រាល នៃស្នងការដ្ឋាននគរបាលខេត្តព្រះវិហារ បានឲ្យដឹងថា ជនសង្ស័យទាំងពីរនាក់ខាងលើនេះជាមុខសញ្ញាចោរកម្មយ៉ាងសកម្មដែលតែងតែធ្វើសកម្មភាពលួ.ច និងកា.ច់សោរម៉ូតូតាមផ្ទះសម្បែង និងតាមស្រែចម្ការប្រជាពលរដ្ឋ នៅក្នុងភូមិសាស្ត្រឃុំស្រយ៉ង់ជាញឹកញាប់ ។
ក្រោយទទួលបានព័ត៌មាន និងពាក្យបណ្តឹងរបស់ជនរងគ្រោះ សមត្ថកិច្ចក៏បានបើកការស៊ើបអង្គេតមួយរយៈពេលទើបកំណត់មុខសញ្ញាជនសង្ស័យបានរហូតឈានដល់ការចុះឆែកឆេរផ្ទះជនសង្ស័យចំនួន២ទីតាំង ឋិតនៅចំណុចបេងដូប ភូមិស្រយង់ជើង ឃុំស្រយ៉ង់ ស្រុកគូលែន ខេត្តព្រះវិហារ និងឃាត់ខ្លួនជនសង្ស័យទាំង២នាក់តែម្តង រួមជាមួយវត្ថុតាងជាច្រើនដែលជនសង្ស័យបានធ្វើសកម្មភាពលួចកន្លងទៅ ។
សមត្ថកិច្ចបន្តទៀតថា ក្នុងប្រតិបត្តិការឆែកឆេរនេះ ក្រោមការដឹកនាំសម្របសម្រួលពីលោក ស្រេង វុទ្ធា តំណាងអយ្យការអមសាលាដំបូងខេត្តព្រះវិហារ ធ្វើឡើង កាលពីថ្ងៃទី១៤ ខែសីហា ឆ្នាំ២០២៣ នៅផ្ទះរបស់ជនសង្ស័យទាំងពីរនាក់ ក្នុងនោះឆែកឆេរផ្ទះជនសង្ស័យឈ្មោះ យូ គន្ធី ភេទស្រី និងទី២ ឆែកឆេរផ្ទះជនសង្ស័យម្នាក់ទៀតឈ្មោះ វែង ឆៃ ។
ក្រោយពីធ្វើការឆែកឆេររួចមក សមត្ថកិច្ចបានរកឃើញ និងដកហូតវត្ថុតាងមួយចំនួនធំរួមមាន រថយន្ត១គ្រឿង ម៉ូតូ១គ្រឿង និងបំណែកម៉ូតូជាច្រើនគ្រឿងទៀត ដែលជនសង្ស័យដោះបំបែកចេញ ។ រហូតមកដល់ពេលនេះ ជនសង្ស័យត្រូវបានស្នងការដ្ឋាននគរបាលខេត្តព្រះវិហារកសាងសំណុំរឿង បញ្ជូនទៅសាលាដំបូងខេត្តព្រះវិហារហើយ ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ