ខេត្តក្រចេះ ៖ មនុស្ស៤នាក់ រួមនិងគ្រឿងញៀនមួយចំនួន ត្រូវបានកម្លាំងនគរបាលអធិការដ្ឋានសហការជាមួយនគរបាលជំនាញការិយាល័យប្រឆាំងគ្រឿងញៀនខេត្ត ចុះធ្វើការឃាត់ខ្លួនជាបន្តបន្ទាប់គ្នាក្នុងថ្ងៃតែមួយ កាលពីទី២៤ ខែឧសភា ក្នុងករណីជួញដូរគ្រឿងញៀន២ករណីផ្សេងគ្នា។ មន្ត្រីនគរបាលជំនាញបានឲ្យដឹងថា…
ខេត្តក្រចេះ ៖ មនុស្ស៤នាក់ រួមនិងគ្រឿងញៀនមួយចំនួន ត្រូវបានកម្លាំងនគរបាលអធិការដ្ឋានសហការជាមួយនគរបាលជំនាញការិយាល័យប្រឆាំងគ្រឿងញៀនខេត្ត ចុះធ្វើការឃាត់ខ្លួនជាបន្តបន្ទាប់គ្នាក្នុងថ្ងៃតែមួយ កាលពីទី២៤ ខែឧសភា ក្នុងករណីជួញដូរគ្រឿងញៀន២ករណីផ្សេងគ្នា។
មន្ត្រីនគរបាលជំនាញបានឲ្យដឹងថា ករណីទី១-នគរបាលបានចុះបង្ក្រាបឃាត់ខ្លួនបានជនសង្ស័យនៅហ្នឹងផ្ទះចំនួន១នាក់ ស្ថិតនៅភូមិព្រែកតាថឹង ឃុំបុសលាវ ស្រុកចិត្របុរី ជនសង្ស័យឈ្មោះ ឈាវ វ៉ាន់ឌី អាយុ៥២ឆ្នាំ មុខរបរមិនពិតប្រាកដ។ ជាមួយគ្នានោះ នគរបាលបានចាប់រឹបអូសវត្ថុតាងមានម្សៅក្រាមពណ៌ស(សង្ស័យជាគ្រឿងញៀន) ចំនួន២៦កញ្ចប់មាន (ធំ១៤កញ្ចប់-តូច១២កញ្ចប់)។
ករណីទី២ បន្ទាប់ពីមានការផ្តល់ព័ត៌មានពីម្ចាស់ផ្ទះ (ផ្ទះសំណាក់កុលាបឆ្លូង ) កម្លាំងនគរបាលបានបើកប្រតិបត្តិការបង្ក្រាបឃាត់ខ្លួនជនសង្ស័យចំនួន ០៣នាក់ ពាក់ព័ន្ធករណី ជួញដូរ និង ប្រើប្រាស់ដោយខុសច្បាប់នូវសារធាតុញៀន នៅចំណុចផ្ទះសំណាក់កូលាប(បន្ទប់លេខ០២ និងបន្ទប់លេខ០៩) ស្ថិតនៅភូមិជ្រោយថ្មក្រោម ឃុំឆ្លូង ស្រុកឆ្លូង ។
ក្នុងនោះ ឃាត់ខ្លួនបានជនសង្ស័យ៣នាក់ នៅក្នុងបន្ទប់ផ្ទះសំណាក់និងចាប់យកវត្ថុតាង ម្សៅក្រាមពណ៌ស(សង្ស័យជាគ្រឿងញៀន) ចំនួន០២កញ្ចប់ធំ។ បច្ចុប្បន្ន ជនសង្ស័យរួមនឹងវត្ថុតាងកម្លាំងជំនាញកំពុងកសាងសំណុំរឿងបញ្ជូនទៅតុលាការតាមនីតិវិធី ។
ចែករំលែកព័តមាននេះ