លោកជំទាវអ្នកឧកញ៉ា ភាព ហៀក ប្រារព្ធពិធីសិតព្រះពុទ្ធរូបអង្គធំដ៏មហោឡាឫកអធិកអធម
- ភ្នំពេញ
លោកជំទាវអ្នកឧកញ៉ា ភាព ហៀក និងគ្រួសារ ជីប ម៉ុង ធ្វើពិធីសិតព្រះពុទ្ធរូបមួយអង្គធំ ដែលធ្វើអំពីស្ពាន់ និងមាស នៅវត្តទួលទំពូង កាលពីព្រឹក
រាជធានីភ្នំពេញ ៖ លោកជំទាវអ្នកឧកញ៉ា ភាព ហៀក និងគ្រួសារ ជីប ម៉ុង ធ្វើពិធីសិតព្រះពុទ្ធរូបមួយអង្គធំ ដែលធ្វើអំពីស្ពាន់ និងមាស នៅវត្តទួលទំពូង កាលពីព្រឹកថ្ងៃទី១៥ ខែកុម្ភៈ ឆ្នាំ២០២២ ដែលត្រូវនឹងថ្ងៃពុធ ១៥កើត ខែមាឃ ឆ្នាំឆ្លូវ ត្រីស័ក ព.ស ២៥៦៥ នេះដែរ លោកជំទាវអ្នកឧកញ៉ា មហាឧកបាសិកា ពុទ្ធសាសនូបត្ថម្ភក៍ និងគ្រួសារ ជីប ម៉ុង អ្នកឧកញ៉ា លាង ឃុន និងលោកជំទាវ តែ សុវណ្ណី ឯកឧត្តម លោកជំទាវ អស់លោក លោកស្រី ជាភ្ញៀវកិត្តិយស រួមទាំងពុទ្ធបរិស័ទចំណុះជើងវត្ត មណិរតនារាម ហៅវត្តទួលទំពូង ដែលស្ថិតនៅក្នុងសង្កាត់ទួលទំពូងទី១ ខណ្ឌចំការមន រាជធានីភ្នំពេញ យ៉ាងច្រើនកុះករ បានចូលរួមក្នុងពិធីសិតព្រះពុទ្ធរូប ព្រះជីរ៍ សាលាធម្មសភា អំពីលោហៈ (ស្ពាន់ និង មាស) ស្របតាមក្បួនខ្នាតលក្ខណៈ និងបែបបទបុរាណសម័យអង្គរ ចន្លោះ សតវត្សន៍ទី១០ – សតវត្សន៍ទី១៣ ដែលមានព្រះភ្នែន ២,៥៦ ម៉ែត្រ និងកំពស់ ២,៥៦ ម៉ែត្រ ដើម្បីតម្កល់ក្នុងសាលាធម្មសភាថ្មី។
បើយោងតាមគណៈកម្មការវត្ត មណិរតនារាម ហៅវត្តទួលទំពូង បានប្រាប់ឱ្យដឹងថា នៅថ្ងៃទី១៥ ខែកុម្ភៈ ឆ្នាំ២០២២ ព្រះសង្ឃ អាចារ្យ គណៈកម្មាការ លោកជំទាវអ្នកឧកញ៉ា មហាឧបាសិកា ពុទ្ធសាសនូបត្ថម្ភក៍ ភាព ហៀក និងពុទ្ធបរិស័ទចំណុះជើងវត្ត មណិរតនារាម ហៅវត្តទួលទំពូង ដែលស្ថិតនៅក្នុងសង្កាត់ទួលទំពូងទី១ ខណ្ឌចំការមន រាជធានីភ្នំពេញ។ អ្នកមានសទ្ធាដ៏ក្រៃលែង ចំពោះគុណព្រះពុទ្ធ បានរៀបចំកម្មពិធីសិតព្រះពុទ្ធរូប ព្រះជីរ៍ សាលាធម្មសភា អំពីលោកហៈ (ស្ពាន់ និង មាស) ស្របតាមក្បួនខ្នាតលក្ខណៈ និងបែបបទបុរាណតម្កល់ទុកជាទីសក្ការៈ សម្រាប់ប្រជាពុទ្ធបរិស័ទទូរទៅ។
ក្នុងពីធីនេះដែរ មានការអញ្ជើញចូលរួមអំពីសំណាក់លោកជំទាវអ្នកឧកញ៉ា មហាឧបាសិកា ពុទ្ធសាសនូបត្ថម្ភក៍ ភាព ហៀក លោកឧកញ៉ា លាង ឃុន និងលោកជំទាវ តែ សុវណ្ណី ព្រមទាំងក្រុមគ្រួសារ ជីប ម៉ុង សម្តេច ទ្រង់ ឯកឧត្តម លោកជំទាវ អស់លោក លោកស្រី ជាភ្ញៀវកិត្តិយសយ៉ាងច្រើនកុះករចូលរួមយ៉ាងអធិកអធមផងដែរ។
តាមប្រភពដដែលបានប្រាប់បន្តទៀតថា ព្រះពុទ្ធរូប ព្រះជីរ៍សាលាធម្មសភា ដែលសិតនេះដែរ ធ្វើឡើងអំពីលោហៈ (ស្ពាន់ និង មាស) ស្របតាមក្បួនខ្នាតលក្ខណៈ និងបែបបទបុរាណ សម័យអង្គរ ចន្លោះពីសតវត្សន៍ទី១០ -សតវត្សន៍ទី១៣ ដែលមានព្រះភ្នែន ទំហំ ២,៥៦ម៉ែត្រ និងកំពស់ ២,៥៦។ ដែលរៀបចំទៅតាមបែបព្រះពុទ្ធសាសនា មានជា ៨ ទិស៖
ទី១- នាងឧត្តរា (ទិសឥសាន) តំណាងដោយលោជំទាវអ្នកឧកញ៉ា មហាឧបាសិកា ពុទ្ធសាសនូបត្ថម្ភក៍ ភាព ហៀក
ទី២- អនាថបិណ្ឌិកសេដ្ឋី (ទិសបូណ៌) តំណាងដោយលោក តែ សុទ្ធី និងលោកស្រី កូក ស៊ីចាន់
ទី៣- នាងសិរិមា (ទិសអគ្នេយ៍) តំណាងដោយលោកឧកញ៉ា ណេ សួន និងលោកជំទាវ តាំង វណ្ណា
ទី៤- ធម្មិកឧចាសក (ទិសទក្សិណ) តំណាងឯកឧត្តម សួង ធឿន និងលោកជំទាវអ្នកឧកញ៉ា មហាឧបាសិកាពុទ្ធសាសនូបត្ថម្ភក៍ យូ លឹម
ទី៥- ព្រះនាងសមាវតី (ទិសនិរតី) តំណាងដោយឧបាសក តាំង ហេងកៅ ឧបាសិកា លី គីមសេង ឧបាសក ស សារិន ឧបាសិកា រឿង ដាលី
ទី៦- វិសាខាមិតារមាតា (ទិសបស្ចឹម) តំណាងដោយឯកឧត្តម យា ប៊ុនណា លោកជំទាវ ឈុន គីមលី និងក្រុមគ្រួសារ
ទី៧- នាងសុជាតា (ពាយព្យ) តំណាងដោយលោក ថេង សុថុល អភិបាលខណ្ឌចំការមន និងលោកស្រី ឥន សីម្មី និង
ទី៨- ព្រះនាងមល្លិកាទេវី (ទិសឧត្តរ) តំណាងដោយអ្នកឧកញ៉ា លាង ឃុន និងលោកជំទាវ តែ សុវណ្ណី ក្រៅអំពីនោះ ក៏មានរៀបចំជាទិសចំនួន៩ទៀត ដែលមានតំណាងសម្តេចសង្ឃចំនួន ៩អង្គផងដែរ។
ចែករំលែកព័តមាននេះ