គ្រាន់តែឃាត់កុំឱ្យរករឿងគេឯង បងជីដូនមួយលើកដៃប្រហារប្អូនគ្មានប្រណី
- ត្បូងឃ្មុំ
ខេត្តត្បូងឃ្មុំ ៖ ជនសង្ស័យជាបងប្រុសជីដូនមួយម្នាក់បានយកកន្ត្រៃចា.ក់ត្រូវ.កប្អូនប្រុសជីដូនមួយ បណ្ដាលឱ្យបាត់បង់ជីវិតភ្លាម
ខេត្តត្បូងឃ្មុំ ៖ ជនសង្ស័យជាបងប្រុសជីដូនមួយម្នាក់បានយកកន្ត្រៃចា.ក់ប្អូនប្រុសជីដូនមួយ បណ្ដាលឱ្យបាត់បង់ជីវិតភ្លាមៗក្នុងថ្លុកឈា.ម បន្ទាប់ពីជនរងគ្រោះដែលជាប្អូនប្រុសជីដូនមួយរូបនោះបានទៅឃាត់បងជីដូនមួយដែលស្រវឹងស្រា កុំឱ្យឡូឡានិងរករឿងគេឯង ។ បន្ទាប់ពីកើតហេតុ ត្រូវបានបងប្អូនសាច់ញាតិរបស់ជនរងគ្រោះចាប់ឃាត់ខ្លួនជនដៃដល់បាន និងទូរស័ព្ទឱ្យកម្លាំងប៉ុស្តិ៍រដ្ឋបាលឃុំឈូក ចុះមកទទួលយកជនដៃដល់ រួចបញ្ជូនទៅកាន់អធិការដ្ឋាននគរបាលស្រុកក្រូចឆ្មារ ដើម្បីសួរនាំ និងចាត់ការតាមច្បាប់។
ហេតការណ៍ខាងលើនេះបានកើតឡើងកាលពីវេលាម៉ោងវេលាម៉ោង១០និង២០នាទីយប់ថ្ងៃទី១៨ខែកញ្ញាឆ្នាំ ២០២១ នៅត្រង់ចំនុចមុខផ្ទះឈ្មោះយ៉ត សំអា៑ន ភេទស្រី អាយុ៥៥ឆ្នាំ ភូមិផ្កាដូង ឃុំឈូក ស្រុកក្រូចឆ្មារ ខេត្តត្បូងឃ្មុំ ។
។
លោកវរសេនីយ៍ឯកសួស សៀងលី អធិការនគរបាលស្រុកក្រូចឆ្មារប្រាប់ឲ្យដឹងថា ជនសង្ស័យជាបងជីដូនមួយឈ្មោះប៊ុនថា ធឿន ភេទប្រុស អាយុ៤៣ឆ្នាំ មានទីលំនៅភូមិផ្កាដូង ឃុំឈូក ស្រុកក្រូចឆ្មារ ខេត្តត្បូងឃ្មុំ ។ ចំណែកជនរងគ្រោះជាប្អូនជីដូនមួយឈ្មោះ ឈ្មោះមឿន ប៑ុនថេង ភេទប្រុស អាយុ៣៨ឆ្នាំ មានទីលំនៅក្នុងភូមិឃុំកើតហេតុជាមួយគ្នា ។
អធិការនគរបាលស្រុកក្រូចឆ្មារប្រាប់បន្តថា មុនពេលកើតហេតុ ជនសង្ស័យដែលត្រូវជាបងជីដូនមួយបានផឹកស្រាស្រវឹងជោគជាំ ព្រមទាំងរករឿងគេឯង នៅពេលឃើញបែបនេះ ត្រូវបានប្អូនប្រុសជីដូនមួយចេញមកឃាត់ឱ្យទៅផ្ទះចូលដេក។ ក្នុងគ្រានោះ ថែមទាំងឮពាក្យប្រកែកគ្នាទៅវិញទៅមកទៀតផង ដោយសង្ស័យដែលស្រវឹងមិនស្ដាប់គេឯងនោះទេ ។
លោកអធិការនគរបាលស្រុកក្រូចឆ្មារបានបន្តថា នៅពេលប្រកែកគ្នាទៅវិញទៅមកនោះ ជនសង្ស័យដែលស្រវឹងបានដើរចូលទៅផ្ទះរបស់ខ្លួន លុះបន្តិចក្រោយមកក៏ចេញមកវិញ ដោយនៅក្នុងដៃមានកាន់កន្ត្រៃចុងស្រួចមួយទៀតផង។ នៅពេលនោះ ជនរងគ្រោះបានឃាត់ និងស្តីបន្ទោស ហើយដេញជនសង្ស័យអោយទៅផ្ទះទៅ កុំនៅរករឿងគេអញ្ចឹង និងបានប្រកែកគ្នាយ៉ាងតឹងសរសៃក ។
លោកអធិការបានបន្តទៀតថា នៅអ្នកទាំងពីបានប្រកែកគ្នាទៅវិញទៅមក ពេលនោះមានស្ត្រីម្នាក់ឈ្មោះយ៉ន សំអា៑ន អាយុ៥៥ឆ្នាំ ត្រូវជាម្តាយបង្កើតរបស់ឈ្មោះមឿន ប៊ុនថេង ក៏បានឃាត់ និងស្តីបន្ទោសអោយជនសង្ស័យផងដែរ ។ ការទាស់សំដីគ្នា ចេះតែបន្តដោយមិនឈប់នោះទេ ។ ក្នុងគ្រានោះ ស្រាប់តែជនសង្ស័យបានចូលទៅចា.ក់ជនរងគ្រោះត្រូវចំគល់.កខាងឆ្វេង បណ្តាលឱ្យបាត់បង់ជីវិតភ្លាមៗនៅនឹងកន្លែងកើតហេតុ។ ខណ:ពេលដែលជនសង្ស័យធ្វើសកម្មភាពចា.ក់ជនរងគ្រោះរួចមក ត្រូវបានស្ត្រីជាម្តាយក៏ស្រែកអោយគេជួយ។ ពេលនោះមានឈ្មោះស្រី សុផា ភេទប្រុស អាយុ៣៥ឆ្នាំ ត្រូវជាប្អូនថ្លៃជនរងគ្រោះ និងឈ្មោះស្រេង ស្រ៊ី ភេទប្រុស អាយុ៣៦ឆ្នាំ ដែលនៅអង្គុយលេងក្បែរកន្លែងកើតហេតុ បានឮ ហើយឈ្មោះស្រេង ស្រ៊ី បានរត់ទៅមើលជនរងគ្រោះ ចំណែកឈ្មោះស្រី សុផា បានរត់ទៅចាប់ជនសង្ស័យ ខណៈនោះជនសង្ស័យ បានប្រតាយប្រតប់គ្នាជាមួយឈ្មោះស្រី សុផា ហើយឈ្មោះស្រី សុផា បានចាប់បោកជនសង្ស័យផ្តួលត្រូវក្បាលនឹងបង្គោលរបងឫស្សី បណ្តាលឱ្យជនសង្ស័យរងរបួសបែកក្បាល។
លោកវរសេនីយ៍ឯកសួស សៀងលី អធិការនគរបាលស្រុកក្រូចឆ្មារ បញ្ជាក់ថា ក្រោយពីចាប់បានជនសង្ស័យរួចហើយ ទើបក្រុមគ្រួសារជនរងគ្រោះរាយការណ៏មកសមត្ថកិច្ចនៅមូលដ្ឋាន ដើម្បីសុំកិច្ចអន្តាគមន៏។ នៅចំពោះមុខសមត្ថកិច្ច ជនសង្ស័យ
បានឆ្លើយបដិសេធថា ខ្លួនមិនចា.ក់សម្លា.ប់ជនរងគ្រោះឡើយ។
បច្ចុប្បន្ន ជនសង្ស័យត្រូវបានសមត្ថកិច្ចឃាត់ខ្លួនតាមគោលការណ៏ឯកភាពពីលោកឧត្តមសេនីយ៍ស្នងការនៅគបាលខេត្ត និងលោកសូ សុខវិទ្យា ព្រះរាជអាជ្ញារងអមសាលាដំបូងខេត្តត្បូងឃ្មុំ ដើម្បីចាត់ការតាមនីតិវិធី។
សូមបញ្ជាក់ថា កាលពីឆ្នាំកន្លងទៅ ជនសង្ស័យម្នាក់ខាងលើធ្លាប់បានវា.យមកលើជនរងគ្រោះម្ដងដែរ តែមិនមានការប្ដឹងផ្ដល់គ្នានោះទេ រហូតមកទល់ពេលនេះ ស្រាប់តែជនសង្ស័យចា.ក់ជនរងគ្រោះ បណ្តាលឱ្យបាត់បង់ជីវិតបែបនេះតែម្តង ៕
ចែករំលែកព័តមាននេះ