ស្រីលង្កា ៖ យោងតាមប្រភពពី Ada Derana របស់ស្រីលង្កាបានឱ្យដឹងថា ក្មេងស្រីអាយុ៩ឆ្នាំម្នាក់រងការវាយធ្វើបា.បរហូតដល់បាត់បង់ជីវិត អំឡុងពេលធ្វើពិធីបណ្តេញព្រាយបិសាចចេញពីខ្លួនរបស់នាង។ ហេតុការណ៍នេះ កើតឡើងកាលពីថ្ងៃទី២៧…
ស្រីលង្កា ៖ យោងតាមប្រភពពី Ada Derana របស់ស្រីលង្កាបានឱ្យដឹងថា ក្មេងស្រីអាយុ៩ឆ្នាំម្នាក់រងការវាយធ្វើបា.បរហូតដល់បាត់បង់ជីវិត អំឡុងពេលធ្វើពិធីបណ្តេញព្រាយបិសាចចេញពីខ្លួនរបស់នាង។
ហេតុការណ៍នេះ កើតឡើងកាលពីថ្ងៃទី២៧ ខែកុម្ភះ ឆ្នាំ២០២១ សប្តាហ៍មុន។ ហើយក្នុងនោះម្តាយក្មេងស្រីរងគ្រោះ និងស្ត្រីជាគ្រូបណ្តេញបិសាចត្រូវបានចាប់ខ្លួន និងត្រូវបង្ហាញខ្លួនមុខតុលាការកាលពីថ្ងៃចន្ទដើមសប្តាហ៍នេះផងដែរ។
របាយការណ៍ពីប៉ូលិសបានឱ្យដឹងថា ម្តាយក្មេងស្រីរងគ្រោះបានយកកូនទៅបណ្តេញព្រាយបិសាច នៅផ្ទះគ្រូខាងលើស្ថិតនៅឯតំបន់ Delgoda ។ អំឡុងពេលធ្វើពិធីនោះ គ្រូបណ្តេញបិសាចរូបនោះបានចាក់ប្រេង និងវា.យលើក្មេងស្រីរងគ្រោះម្តងហើយម្តងទៀត ដោយដើមអំពៅ។ រហូតទាល់តែនាងសន្លប់បាត់បង់ស្មារតី ក្រោយមកក៏បានស្លា.ប់ពេលបញ្ជូនទៅដល់មន្ទីរពេទ្យ។
ជាមួយគ្នានោះផងដែរ ប៉ូលីសក៏ទទួលបានរបាយការណ៍ចំនួន៦ករណីផ្សេងទៀត ដែលទាក់ទងនឹងហេតុការណ៍នេះ។ ហើយបច្ចុប្បន្នពួកគេកំពុងស៊ើបអង្កេតបន្ថែម ចំពោះបញ្ហាដែលពាក់ព័ន្ធនឹងគ្រូបណ្តេញបិសាចខាងលើ៕
ចែករំលែកព័តមាននេះ